Naumt tap hjá stelpunum í Grindavík

KOMA SVO ALLIR Á JAKANN !!!!!!!

Fyrsti leikurinn í umspilinu um sæti í IE deildinni var í kvöld í Grindavík. Úr varð hörkuleikur það sem Grindavík fór með sigur af hólmi, lokatölur 54-51. Við getum hefnt ófaranna á mánudagskvöldið n.k. 26 mars og hefst leikurinn kl.19.15 og viljum við sjá fullt hús, en frítt er inn á á leikinn í boði Klofnings, þess ótrúlega stuðningsaðila okkar og er von okkar að Jakinn verði þétt setinn af stuðningfólki okkar. Stelpurnar ætla að hefna ófaranna og vilja fá sem flesta með sér !!!!

Stelpurnar voru rosalega góðar í kvöld og börðust um alla lausa bolta, en þær lentu 10 stigum undir í seinni hálfleik en með margnaðri baráttu komu þær til baka og var mikil stemning í Grindavík og góð skilaboð fyrir seinni viðureignina eftir helgina. Ef við förum með sigur í þeim leik er hreinn úrslitaleikur á miðvikudagskvöldið í Grindavík og þangað ætla stelpurnar að fara.

Stig KFÍ. Svandís 18 stig, 6 fráköst. Eva Kristjánsdóttir 13 stig (3/4 í þristum). Sólveig 8 stig, 13 fráköst. Hafdís 4 stig, 4 fráköst . Vera 4 stig, 3 fráköst. Anna Fía 4 stig, 4 fráköst.

Tap gegn góðu liði KR í unglingaflokk

Nonni var flottur í dag

KR undir stjórn Hrafns Kristjánssonar komu í heimsókn í dag og öttu kapi gegn unglingaflokki okkar. Leikurinn var mjög skemmtilegur og hraður og sáust mjög góð tilþrig hjá báðum liðum. KR drengirnir voru mjög góðir og eru með frábæran efnivið og fengu drengirnir á Jakanum að hafa fyrir öllu í vörn og sókn. Lokatölur 98-80 sem hefði þó hæglega geta verið minna ef við hefðum nýtt öll opnu færin undir körfunni og fækkað töpuðu boltum (20).

KR sem eru leiddir áfram af  Martin, Kristófer (flugmann) og Bjössa Kristjáns sýndu í dag hvers vegna þeir eru bikarmeistarar með makkerum sínum úr KR. Þeir leiddu vagninn í dag og lokuðu leiknum en þeir Jónas, Oddur, Egill og Kormákur voru þó langt fyrir að vera í fríi og settu sitt mark á leikinn. Verðskuldaður sigur hjá drengjunum úr Vesturbænum sem voru í dag að spila sinn fjórða leik á þrem dögum sem telst ágætis framlag til boltans.

Stig KR. Martin 24, 7 fráköst. Bjössi 20 stig (3/5 Í þristum). Kristó 20 stig 11 fráköst. Kormákur 10 (2/2 þristum). Oddur 9 og Egill 7.

Hjá KFÍ voru strákarnir að spila mjög vel, en misstu leikinn frá sér á nokkrum mikilvægum augnablikum þegar þeir misstu einbeitninguna, en gáfust ekkert upp og létu KR hafa fyrir hlutunum. Það var gaman að sjá Nonna og Óskar berjast eins og Ísbirnir og var Óskar frákastahæstur KFÍ í dag með 10 fráköst og setti 10 stig, sem sagt flott tvenna hjá Bolungarvíkurundrinu :)

Nonni átti sinn besta leik á tímabilinu og setti 13 stig og tók 6 fráköst og stal 2 boltum.  Leó var mjög góður, setti 16 stig og sýndi hvað hann getur með hraða sinn og stökkkraft. Hlynur vex með hverjum leik og er að verða að topp leikstjórnanda. Hann setti 10 stig, tók 6 fráköst og átti 6 stoðsendingar. Hemmi var ekki alveg í sinkinu en barðist þó eins og tuðra og sama á við um Guðna Jr. en við vitum alveg hvað þeir hafa fram að færa og munu sína það í næstu leikjum. Gautur Arnar gaf ágætis mínútur en er á eftir í formi þar sem hann hefur verið veikur undanfarið. Haukur Hreinsson kom inn og gaf allt sitt í leikinn og er auðvitað mikið yngri en þessir tappar en sýndi ekki neina taugaveiklun og er mikil framtíð í þeim dreng. Og þá á aðeins eftir að nefna einn dreng, en það er Kristján Pétur sem spilaði frábærlega í dag og var að mati fréttaritara maður leiksins. Hann var með 29 stig ( 6/8 í tveggja,5/9 í þristum og 2/2 í vítum) og 9 fráköst.

Það verður gaman að fylgjast með strákunum í næstu leikjum.

Áfram KFÍ.

Nóg að gera um helgina hér heima

þeir verða í búning á laugardag :)

Það er nóg að gera um helgina hjá KFÍ. Unglingaflokkur og 7.flokkur stúlkna keppa á Jakanum og eru leikir þeirra á laugardag og sunnudag.

Unglingaflokkur KFÍ keppir gegn KR og er leikurinn kl. 12.00 laugardag.

7.flokkur stúlkna keppir hér heima gegn Kormák, Herði og Val. og hefjast leikar kl. 17.00 á laugardag og standa yfir til kl. 19.00 um kvöldið.

Hafist er síðan handa kl. 09.00 á sunnudag og lýkur fjölliðamótinu kl. 13.00 á sunnudag.

10. flokkur stúlkna er síðan að leika í Keflavík í A-riðli á laugardag og sunnudag.

Meistaraflokkur kvenna spila gegn Grindavík á laugardagskvöldið í úrslitakeppni 1. deildar, leikur hefst kl. 18.15.  Það lið sem fyrr er til að vinna 2 leiki kemst upp í úrvalsdeild.

Svo eru drengirnir í Minnibolti eldri drengja að fara til Borgarness að keppa á laugardag, þannig að nóg er um að vera á stóru heimili.

Við hvetjum alla til að koma og hvetja strákana og stelpurar áfram og er rjúkandi kaffi og með því í sjoppunni og skemmtilegt fólk til viðtals.

Áfram KFÍ

Stelpurnar í meistaraflokk komnar í úrslit

Við erum stolt af stelpunum

Þá er það komið á hreint að stelpunar munu spila til úrslita um laust sæti í Iceland Express deild kvenna næsta vetur. Þetta er frábært hjá stelpunum og Pétri þjálfara sem er á sínu fyrsta ári kominn með fínan árangur og er gríðarlega gaman að sjá hvað meistaraflokkarnir hafa lagt á sig til að ná árangri, en þetta hefst ekki með neinu nema "Nennu"

Stelpurnar sigruðu í dag lið Laugdæla örugglega að Laugarvatni. Lokatölur 73-31. Nánari fréttir um leið og þær berast.

Hér er MYNDBROT frá stelpunum svona til að minna á þær, en við erum að undirbúa leikinn þeirra hér heima gegn Grindavík og þá verða allir að mæta aftur !!

Og að sjálfsöðu verður hann í beinni á KFÍ-TV 

Áfram KFÍ

KFÍ-ÍR í unglingaflokk verður ekki

Engin karfa á morgun ;(

Leikur okkar drengja í unglingaflokk gegn ÍR sem vera átti á morgun laugardag verður ekki. ÍR mæta ekki og gefa því leikinn. Þetta er ömurlegt, og sérstaklega vegna þess að KFÍ mætir í sína leiki suður en því miður er þetta staðreynd og drengirnir eðlilega fúlir.

KFÍ 1. deildarmeistarar 2012

Iceland Express deildin er næsta verkefni

Hérna er smá myndbrot frá leiknum s.l. föstudagskvöld þegar við tókum við sigurlaununum úr hendi Hannesar S. Jónssonar formanns KKÍ.

Sjá myndbandið frá nýrri síðu Eyþór Jóvinssonar á www.vestur.is eða HÉR

Viðtal við Gaua. Þ á sportrásinni á RÚV

Gaui er hér með sjónvarpsstjóra KFÍ-TV

Hér er viðtal við Gaua. Þ sem tekið var að Dodda sem stýrir sportrásinni Rás 2 á RÚV. Þið hetið hlustað á viðtalið með því að ýta á linkinn HÉR

Gaui fer yfir ýmislegt svo sem árangur Péturs með strákana og stelpurnar í meistaraflokk og úrslitakeppnina sem byrjar á föstudagskvöldið n.k. í 1. deild þar sem ÍA, Skallagrímur, Höttur og Hamar berjast um að elta okkur upp í Iceland Express deildina.

Ungu drengirnir okkar stóðu sig vel á Nettómótinu

Guðni og drengirnir

Guðni að blessa Hauk Rafn

Drengirnir að taka á móti verðlaunum sínum

Drengirnir að hita upp fyrir leik

1 af 4

Það var mikil tilhlökkun í hópi vaskra drengja sem lögðu land undir fót suður á Nettómótið um daginn. Þjálfari drengjanna var enginn annar en Guðni Ólafur Guðnason meistari og fyrrum landsliðsmaður sem er búinn að fara í nokkrar svona ferðir. Þetta mót er einkar glæsilegt og þeim suðurnesjarmönnum til mikillar fyrirmyndar.

Keppni er þannig háttað að fá sem mesta gleði út úr krökkunum og allir eru sigurvegarar. Mikið er gert í félagslega þættinum og sameiginlegar máltíðar, skemmtigarður, sundferðir, bíóferð og kvöldvaka er fastur punktur í Nettmótinu, en það er nauðsynlegt að kenna börnum að karfan er meira en að drippla bolta og skjóta á körfu.

Drengirnir okkar stóðu sig mjög vel og voru okkur til mikillar fyrirmyndar sem og þjálfari og fararstjórar sem voru þau Birna Lárusdóttir og Ingólfur Þorleifsson.

Við viljum þakka Keflavík og Njarðvík fyrir gott mót og vonumst til að sjá alla félaga okkar að ári.

KFÍ stal sigrinum á lokamínútunum!

KFÍ deildarmeistarar 2012

Í lokaleik deildarinnar á þessu tímabili voru gestir KFÍ, lið Skallagríms frá Borgarnesi.  KFÍ var búið að tryggja sér sigur í 1. deildinni fyrir nokkru síðan og höfðu ef til vill ekki að miklu að keppa í kvöld, nema heiðurinn. Skallagrímsmenn eru hins vegar í mikilli rimmu um innbyrðis stöðu liða í úrslitakeppni deildarinnar og þurftu á sigri að halda. Það var líka greinilegt á upphafsmínutum leiksins að Skallarnir voru mættir til leiks með mikið erindi.  Heimamenn virtust ekki alveg eins tilbúnir í átökin og hikstuðu virkilega á köflum.  Mikil spenna var í leiknum allt þart til lokaflautið gall, en þegar upp var staðið reyndist það vera KFÍ sem leiddi með einu stigi í lokinn. Niðurstaðan varð því seiglusigri á heimavelli í lokaleik þessa frábæra tímabils Ísfirðinga.  KFÍ sigraði 90:89 en Skallarnir voru virkilega óheppnir að ná ekki meiru og í raun ósanngjarnt í svona leikjum að annað liðið þurfi að tapa.

Bein útsending í kvöld kl. 18.30 í hágæðum á Jakanum

Koma allir sem einn á JAKANN eða í KFÍ-TV !!!

Þá er komið að spennuleik á Jakanum. Eins og fram hefur komið á kki.is eru mörg lið með allt undir í kvöld. Þar er um að ræða heimavallarrétt og rétt til að taka þátt í úrslitakeppni 1.deildar. Við á KFÍ-TV ætlum að senda beint út og ætlum að byrja kl. 18.30, en þá byrjar leikur Hattar og Breiðablik á Egilsstöðum. Klikka HÉR til að tengjast beinni

Einnig ætlum við að leyfa fólki að vera með í stuðinu á Jakanum, en Rúnar og Víðir ætla að sjá um múskina í kvöld og vera með "Teaser" fyrir Grímuballið er er annað kvöld í Krúsinni.

Það er því nóg að gerast í dag og eru menn þegar komnir í vinnugallann og ná í hljóðkerfi frá Gumma Hjalta töfraljóðmanni og ljósashow sem við fengum frá Hljóð-X

Hlökkum til að sjá ykkur á Jakanum