Uppskeruhátíð yngri flokka KFÍ verður n.k. fimmtudag 17.maí

Við stækkum öll og verðum betri

Þá er komið að því að verðlauna krakkana okkar fyrir vetrarstarfið og verður það gert á fimmtudaginn n.k. 17.maí. Er hátíðin frá 11.00-13.00 og hvetjum við alla til að koma og taka þátt í að verðlauna krakkana og taka átt í ýsmsum lekjum og fjöri. Það eru allir velkomnir til okkar og verður hátíðin á Jakanum okkar (íþróttahúsið Torfnesi)

Um leið og við kveðjum veturinn fögnum við nýju tímabili, en eftir helgina byrjum vð á sameigilegum æfingum fyrir alla flokka okkar og verða þær frá og með 21.maí. Æfingatímarnir verða mánudaga, þriðjudaga og fimmtudaga frá 16.00-17.00 og er Pétur Már yfirþjálfari með þær auk þjálfara KFÍ sem munu aðstoða hann.

Það er óþarfi að segja það við duglega krakka, en við ætlum samt sem áður að skerpa á því hér að ef þið viljið verða betri og ná lengra þá er að æfa meira en aðrir gera. ,,Æfingin skapar meistarann" það er algjörlega satt og rétt og eru æfingar utan reglubundins tímabils algjör plús og gerir gæfumunin fyrir flesta. Þarna geta allir fengið aukna athygli og leiðbeiningar um hvað er hægt að laga og gera getur.

Áfram KFÍ

100 manns á Vestfjarðamóti á Patreksfirði s.l. helgi

Krakkarnir á Vestfjarðamótinu

Það var fríður hópur KFÍ fór til Patreksfjarðar á laugardag og voru krakkarnir frá 9-12 ára sem tóku þátt í Vestfjarðarmóti með heimamönnum og Kormáki frá Hvammstanga. og voru þar saman komin um 100 manns með þjálfurum og farastjórum. Mikil og vegleg dagskrá var plönuð af heimafólki sem samanstóð af leikjum innan og utan vallar, bíó, pizzuveislu og grill.

Þegar komið var á föstudagskvöldinu var haldið í Skjaldborgarbíó í boði Lionmanna og krökkunum boðið upp á popp og djús og svo var haldið til náða.

Leikar hófust á laugardagsmorgun en í hádeginu var haldið til pizzuveislu í boði fiskvinnslunar Odda á Parteksfirði og haldið var áfram eftir hádegi í keppni. Eftir keppni dagsins var síðan slegin upp grillveisla sem var í boði KFÍ og ýmissa styrktaraðila.

Að sögn Birnu Lárusdóttur var virkilega vel tekið á móti okkar krökkum og spilaður körfubolti á milli byggðarlaga og svo með blönduðum liðum. Það var ekki annað að sjá á krökkunum og öllum þeim er fylgdu með að allir hafi skemmt sér vel og viljum við koma þakklæti til aðstandenda mótsins, starfsfólks íþrótttamiðstöðvarinnar og stjórnendum grunnskólans. Öll aðstaða var til fyrirmyndar sagði Birna við fréttaritara kfi.is og tilhlökkun mikil að halda þetta mót að ári.

Það þarf varla að taka fram að krakkarnir okkar voru KFÍ og Ísafjarðarbæ til fyrirmyndar innan sem utan vallarins og kunnum við þeim bestu þakkir fyrir sem og fararstjórum okkar og Þorsteini Tómassyni bíltstjóra okkar.

Það er oftar en ekki sagt að félagslíf sé hjarta íþróttastarfsemi þar sem leikur er huglægur og keppni eigi stundum að vera í öðru sæti. Þetta á við hér og var skipulagning á þessu móti til mikillar fyrirmyndar hjá öllum þeim er standa að þessu móti. Svona er þetta einfalt þegar allir leggjast á eitt.

Áfram KFÍ

Lokahóf KFÍ tókst með eindæmum vel

Sævar formaður býður alla velkomna

Shiran fór á kostum

Pétur Már þjálfari

Gaui og Sævar

Viðurkenningar fyrir unglingafl.

Viðurkenningar fyrir mfl. karla

Viðukenningar fyrir mfl. kvenna

Pétur og Sævar

Óðinn í góðum hópi

Pétur fær yfirhalningu

1 af 10

Það var margt um manninn á lokahófi mfl. og ufl. KFÍ s.l. föstudagskvöld og var Bryggjusalurinn í Edinborg þéttsetinn. Bræðurnir Sigurður og Guðmundur sem nýlega tóku við Edinborg sáu um veitingarnar og voru allir mjög ánægðir hvernig til tókst. Sævar Óskarsson endurkjörinn formaður KFÍ setti hátíðina og henti boltanum á veislustjóra kvöldins Shiran Þórissyni fyrrum leikmanni og þjálfara KFÍ og var hann heldur betur fæddur í þetta hlutverk og fuku brandarar hægri, vinstri frá honum.

Eftir þetta stóð Gaui.Þ upp og afhenti KFÍ peningagjöf frá Ísfólkinu og tók Sævar formaður við því og mátti sjá Guðna Ó. Guðnason gjaldkera muldra með sjálfum sér "My presious". Þá var komið að Pétri Má Sigurðsyni að veita viðurkenningar fyrir vetrarstarfið og hlutu eftirtaldið aðilar hnossið að þessu sinni.

Myndirnar sem fylgja eru teknar af Benedikt Hermannssyni myndameistara með meiru og kunnum við honum bestu þakkir skilið.

Unglingaflokkur karla:

Besti varnarmaðurinn. Hermann Óskar Hermannsson

Efnilegastur. Hlynur Hreinsson

MLÁ. Kristján Pétur Andrésson

Mfl. Karla:

Besti varnarmaðurinn. Jón Hrafn Baldvinsson

Efnilegastur. Kristján Pétur Andrésson

MLÁ. Ari Gylfason

Mfl. Kvenna:

Bestri varnarmaðurinn. Svandís Anna Sigurðardóttir

Efnilegastur. Eva Margrét Kristjánsdóttir

MLÁ. Sólveig Helga Gunnlaugsdóttir

Þegar Pétur steig úr pontu kom Sævar formaður upp og kallaði Pétur Má upp aftur, en í þetta skipti til að veita Pétri viðurkenningu fyrir frábært starf fyrir KFÍ.

Þá var komið að skemmtiatriðum karla og kvenna. Jón Hrafn og Kristján Pétur fóru á kostum í þeirra ræðum, en ekkert toppaði skemmtiatriði mfl. kvenna þetta kvöldið en þær voru með "power point" kynningu um Pétur Má þjálfara og mfl. karla og tóku einnig upp myndband þar sem aðalleikarar voru drengirnir og þekkt andlit úr boltanum. Það kútveltust allir úr hlátri og eru svona tilefni þau einu sem verðskulda ekki "línuhlaup" enda er þetta vettvangur til að skemmta sér og öðrum. Einnig veittu stelpurnar Óðni Gestssyni "Fararstjóra" viðurkenningu fyrir að vera með þeim í öllum ferðum og fékk hann forláta bol með yfirskriftinni ,,þú gerir ekki rassgat einn" og er það heilagur sannleikur í félagstarfi sem karfan er.

það fóru allir sáttir heim eftir frábært kvöld og viljum við í KFÍ þakka öllu kærlega fyrir frábæran vetur og hlakkar okkur til að byrja aftur á morgun, en þá hefjsat formlega æfingar hjá KFÍ og er stjórn og Pétur þjálfari að ganga frá leikmannamálum fyrir veturinn og má vænta frétta þegar líður á vikuna.

Áfram KFÍ.

Lokahóf meistaraflokka KFÍ og unglingaflokks 4.maí

Lokahóf KFÍ verður haldið n.k. föstudagskvöld 4.maí í Bryggjusal Edinborgarhússins. Hófið hefst kl.19.00. Það eru bræðurnir frá Núpi þeir Sigurður og Guðmundur sem munu töfra fram kræsingar og kostar einungis 3000 íslenskar krónur inn og er þetta að sjálfsögðu opið öllum velunnurum félagsins og hvetjum við alla að koma og fagna með okkur. Skemmtiatriði kvöldsins eru í höndum meistaraflokka okkar og eru margir X-Factor snillingar þar á ferð sem hafa alltaf átt þá óks að geta látið ljós sitt skína. Þessi ósk verður uppfyllt þarna um kvöldið og er mælt með því að gestir mæti með myndavélar sínar.

Heyrst hefur að Jón Hrafn hafi samið sérstakt lag í tilefni teitisins og mun Kristján Pétur flytja það og Ari Gylfason spila undir á Hammond orgel, Guðni Páll spilar á bassa, Óskar Kristjáns þenur harmonikkuna og Pétur Már þjálfari mun ætla að prófa sig áfram á hörpu. Svo munu þau Sigmundur, Gautur, Anna Fía, Rósa og Lilja syngja bakraddir.

Það er auðvitað öllum ljóst að árangur KFÍ í vetur var hreint frábær og er yfir mörgu að gleðjast. Við hvetjum ykkur til að hafa samband við Birnu Lárusdóttur í síma 896-3367 og taka frá miða á lokahóf okkar allra. Vestifirðingar eru þekktir fyrir að skemmta sér og öðrum vel og innilega. Það verður engin breyting þar á nú.

Áfram KFÍ

Aðalfundur KFÍ

Stjörn Körfuknattleiksfélags Ísafjarðar boðar til aðalfundar KFÍ.

Aðalfundur Körfuknattleiksfélags Ísafjarðar verður haldinn í bryggjusal Edinborgarhússins 4. maí næstkomandi. kl. 18.00

1.  Venjuleg aðalfundarstörf

Stjórn KFÍ leggur til eftirfarandi lagabreytingar:

Tillaga nr. 1

7.flokkur spilaði í Mosfellsbæ um helgina

Þetta er hópurinn sem framtíð er í. Þessi var tekin fyrr í vetur

7.flokkur fór suður um helgina á síðasta fjölliðamótið í Íslandsmótinu. Þeir fóru sjö suður í þetta sinn og aðeins þrír af þeim í 7.flokk þeir Pétur, Rúnar og Hrannar, en þeir yngri voru Bennsi, Haukur, Lazar og Arent. Og vorum við að keppa við fullmönnuð lið frá Aftureldingu, Kormáki og Breiðablik.

Fyrsti leikur drengjanna var gegn Aftureldingu og töpuðum gegn þeim fyrr í vetur illa (63-10), og vissum við því að þetta yrði erfiður leikur. Við spiluðum vel og eftir 10 mínútur var staðan 9-10 og í hálfleik 19-14 og við að halda í fullum dampi við þá, en þá fór breiddin að segja til sín og fór svo að lokum að við töpuðum leiknum 26-48.

Stig KFÍ: Pétur 7, Lazar 7, Haukur 6, Rúnar 2 og Hrannar 2.

Leikur tvö var gegn Breiðablik og var sama upp á tengingnum þar. Við byrjum vel og staðan 4-6 eftir nokkrar mínútur og staðan í hálfleik 16-10 fyrir Breiðablik. En breiddin var ekki næginleg og blikar dældu af bekknum hjá sér og unnu öruggan sigur, lokatölur 21-40.

Stig KFÍ: Pétur 6, Lazar 6, Haukur 5 og Hrannar 4.

Síðasti leikur okkar var gegn Kormáki og þar sýndum við sparihliðarnar mest allan leikinn og staðan í hálfleik 21-13 fyrir okkur og allt að ganga upp. En það er erfitt að halda út svona leiki með fáa drengir þegar önnur lið eru fullmönnuð og eftir æsispennandi lokamímútur seig Kormákur fram úr þreyttum drengjum okkar og sigruðu 47-42.

Stig KFÍ: Pétur 17, Lazar 12, Bennsi 4, Arent 4, Hrannar 3 og Rúnar 2.

Við erum hreykin af strákunum sem spiluðu þrjá leiki á sex tímum og voru aðeins sjö sem er mikið álag, en þeir gáfust aldrei upp og komum við sterkir til leiks næsta vetur. Við erum fínir í tæknilegu og andlegu hliðinni, en við verðum að vinna vel í líkamlegu formi strákanna í sumar.

Næsta verkefni okkar er Vestfjarðamótið sem haldið verður á Patreksfirði 12-13 maí og förum við með stóran hóp af stelpum og strákum. 

Pétur, Chris, Craig, Ari, Jón Hrafn og Kristján Pétur á listum Eurobasket.com

Góð uppskera hjá okkur

Eurobasket.com birti lista yfir bestu leikmenn 1.deildar KKÍ í vetur og eigum við marga þar sem bestu menn tímabilsins.

Pétur Már Sigurðson var valinn besti þjálfarinn.

Chris Miller Williams besti miðherjinn og jafnframt í besta fimm manna liði "1ts team" tímabilsins.

Kristján Pétur og Craig voru í "2nd team".

Jón Hrafn var í "honirable mention"

Ari Gylfason og Kristján Pétur voru síðan í besta íslenska liðinu.

Og síðan voru bæði Chris og Craig í "all import" valinu.

Þetta eru frábærar fréttir en það vekur samt furðu að Darco sé tekinn fram yfir Edin í vali á "Bosman" manni ársins, en það var töluverður munur á þessum tveim í allri tölfræði og framlegð. En við vitum betur og það er allt sem þarf :)

Við óskum öllum drengjunum okkar til hamingju með þetta val og erum kampakát með alla framlegð þeirra til félagsins. Sú framlegð er mikil bæði utan vallar sem innan og telur sú einkunn hæst af öllu því sem ritað er.

Hér er Listinn

Áfram KFÍ

Eva Margrét Kristjánsdóttir í U-15 ára unglingalandslið Íslands

Til hamingju Eva og KFÍ

Eva Margrét er í U-15 ára landsliði Íslands sem tekur þátt í móti erlendis en frá þessu er greint á www.kki.is en verkefni Evu og félaga er í sumar og óskar KFÍ fjölskyldan henni til hamingju með þennan árangur.

Eva Margrét er mjög metnaðarfull stelpa sem æfir gríðarlega vel og hefur það sýnt sig í vetur þar sem framfarir hennar hafa ekki farið fram hjá neinum og er Eva einmitt ásamt félögum hennar í 10.flokk stúlkna að fara í úrslitakeppni Íslandmóts KKÍ sem fer fram 27-29 apríl í Reykjavík.

Til hamingju Eva !

Örmyndband frá páskaeggjamóti KFÍ og Nóa Síríusar

Gleðilega páska

Hér er smá sýnishorn frá pákaeggjamóti KFÍ sem var haldið á skírdag. Myndbandið tók Jakob Einar Úlfarsson hjá KFÍ-TV og hér er Afraksturinn

Gleðilega páska frá öllum í KFÍ

Mikið fjör á páskaeggjamóti KFÍ og Nóa Síríusar

Þeir gátu ekki beðið að rífa í sig eggið

Hugi og Þorleifur

Haukur og Lazar

Hekla og Linda

Haukur og Andri

Hugi "Stinger" meistari

1 af 6

Það var hlegið, grátið, kysst á bágtið, fagnað, farið í fílu, ýtt, dottið fyrir utan allt þetta klassíska sem gert er í körfuboltanum í dag. Mjög vel var mætt og skemmtu allir sér mjög vel. Og það sýndi sig í dag að fullorðnir eru og verða alltaf börn þegar kemur að því að leika sér.

Keppt var í mörgum aldursflokkum og hér eru sigurvegarar hvers fyrir sig, en hefð er fyrir að hafa nöfn á liðunum og er ýmindunaraflið á "overdrive" þar.

Flokkur 9-10 ára sigurvegarar. 

"Þrumuguðirnir" Hugi Hilmarsson og Þorleifur Ingólfsson.

Flokkur 11-12 ára drengja sigurvegarar. 

"Boston-Bulls" Haukur Rafn Jakobsson og Lazar Dragojlovic.

Flokkur 11-12 ára stúlkna sigurvegarar. 

"Gaui er bestur" Linda Kristjánsdóttir og Hekla Hallgrímsdóttir.

Flokkur 13-15 ára drengja sigurvegarar.

 "Höfðingarnir" Andri Már Skjaldarson og Haukur Hreinsson.

Flokkur 13-15 ára stúlkna sigurvegarar. 

 "The Girls" Eva Kristjánsdóttir og Kristín Úlfarsdóttir.

Flokkur 16+ sigurvegarar

"Blast from the past" Róbert Heimir Halldórsson og Pétur Már Sigurðsson.

Allir yngri krakkarnir voru leyst út með páskaeggi frá Nóa Síríusi og sigurvegararnir fengu svo stærri gerðina með sér heim.

Í 16  ára og eldri voru flott nöfn á liðunum eins og "veit það ekki", "Big Joe", "Óskum eftir mótspyrnu", 2 Granítharðir", "Hörður", "Team Iceland", "Stjörnulið Steina og Stulla" og síðast en alls ekki síst "Blast from the past" sem innihélt þá Róbert Heimi Halldórsson fyrrum stjórnarmann í KFÍ og þjálfara okkar Pétur Már Sigurðsson, en þeir tveir spiliðu úrslitaleik gegn Leó Sigurðssyni og Jóhanni Frirðikssyni sem spiliðu undir nafninu "Big Joe". Þetta varð alvöru leikur og kom það aðstandendum mótsins á óvart í hve gífurlegu formi Pétur var (NOT), en reynsla þessarra tveggja öðlinga skilaði þeim sigri í lokinn og fengu þeir páskaegg (Mjög lítið) í verðlaun.

Áður en hætt var í dag var farið í einn risastóran "Stinger" og varð þar um þrælskemmtilega keppni að ræða þar sem Hugi Hallgrímsson skaut alla út, þar á meðla Seko og Stulla Stígs sem báðir voru frekar fúlir, enda munar um 20 árum á þeim, en svona er boltinn menn eldast misjafnlega vel :)

Við viljum þakka Nóa Síríus og Hamraborg kærlega fyrir að taka þátt í þessu með okkur og einnig þökkum við öllum þeim sem hjálpuðu okkur að láta þetta takast svona vel. Siggi Jónasar fær sérstakar þakkir fyrir að vera alltaf til staðar fyrir okkur þegar á þarf að halda !

Myndirnar tók Jakob Einar Úlfarsson sem tók einnig upp mótið á myndband og setjum við það inn við fyrsta tækifæri :)

Myndband frá Páskamótinu á YouTube

Gleðilega páska !