Naumt tap á Þingeyri í hörkuleik hjá 2. flokki stúlkna

1 af 2

Í dag fór fram fyrsti heimaleikur Vestra í blaki á þessu tímabili. 2. flokkur stelpna tók á móti Þrótti Reykjavík og fór leikurinn fram á Þingeyri. Þróttur R hafði sigur í miklum baráttuleik 3-1.

Slútt blakdeildar Vestra - bestu og efnilegustu leikmenn meistaraflokka valdir

Þau Kjartan Óli Kristinsson og Þorgerður Karlsdóttir voru valin bestu leikmenn meistaraflokka blakdeildar Vestra á tímabilinu. Hafsteinn Már Sigurðsson og Katla Vigdís Vernharðsdóttir voru valin efnilegust. Það var Tihomir Paunovski þjálfari sem valdi og tilkynnti niðurstöðurnar á slútti sem blakarar héldu á strandblakvellinum í Tungudal síðasta fimmtudagskvöld.

Íslandsmeistarar í blaki!

Íslandsmeistarar 4. flokks Vestra: Efri röð f.v. Sóldís Björt, Karol, Sigurjón, Gautur Óli, Sigurður Bjarni. Neðri röð f.v. Svanfríður, Weronika og Kári. Ljósmynd Ágúst Atlason

Íslandsmeistarar 5. flokks Vestra í B-deild. Saga Líf, Kamil, Benedikt og Anna Marý. Ljósmynd: Ágúst Atlason

Mikil gleði þegar sigurinn var í höfn. Ljósmynd Ágúst Atlason

1 af 3

4. flokkur Vestra varð um helgina Íslandsmeistari í blaki eftir magnaða úrslitaleiki við Þrótt Nes. Vestri á einnig Íslandsmeistara í 5. flokki B deildar.

Íslandsmóti 4.-6. flokks er nú lokið - Takk fyrir komuna!

Íslandsmótið í blaki hjá 4.-6. flokki vorið 2017 var haldið á Ísafirði um helgina. Á mótinu voru tæplega 170 keppendur á aldrinum 7-14 ára ásamt þjálfurum og fararstjórum. 28 lið frá níu félögum kepptu í fimm deildum og alls voru leiknir 82 leikir. 

Íslandsmót í blaki á Ísafirði um helgina

Núna um helgina, 5.-7. maí heldur Vestri Íslandsmót í blaki fyrir 4.-6. flokk í íþróttahúsinu Torfnesi. Á mótið koma lið víðsvegar að af landinu, og verða þátttakendur um 170 talsins fyrir utan fararstjóra og þjálfara. Leiknir verða rúmlega 80 blakleikir. 

Hafsteinn Már með U17 landsliðinu í Búlgaríu um páskana

Hafsteinn Már unglingalandsliðsmaður smassar gegn sterkri hávörn

Flestir blakarar Vestra voru í blakfríi um páskana, stunduðu skíði og rokktónleika eins og Ísfirðingum sæmir. En þrjú blaklandslið voru í verkefnum um páskana. Vestri átti fulltrúa í einu þeirra, Hafsteinn Már Sigurðsson spilaði með U17 drengjalandsliðinu á Evrópumóti í Búlgaríu. Íslensku strákarnir töpuðu sínum leikjum á móti geisisterkum liðum, en áttu góða kafla og fór jafnt og þétt fram.

Hér er frétt á síðu Blaksambandsins um verkefni landsliðanna um páskana

Tap - en góður leikur hjá Vestra gegn Aftureldingu í undanúrslitum bikarsins

Það er óhætt að segja að karlalið Vestra hafi komið á óvart með frábærum leik á móti Aftureldingu. Þrátt fyrir 3-0 tap þá hefðu fyrstu tvær hrinurnar getað endað hvoru megin sem er. Það er eftirtektarvert afrek hjá litlu félagi frá Ísafirði að koma í fyrsta sinn á stóra sviðið í höllinni og bara láta eins og þeir hafi aldrei gert annað. Vestri spiluðu djarfan og góðan leik, áttu margar hávarnir, fínar sóknir og varnir.

Hér fyrir neðan er linkur á leikinn sem var sýndur á sport.tv og viðtal við hinn flotta þjálfara okkar Tihomir Paunovski. Getið þið ímyndað ykkur betri talsmann Vestfirðinga :-)

Undanúrslit í Kjörísbikarnum á morgun

Undanúrslitin í Kjörísbikarnum verða á morgun, föstudaginn 7. apríl. Þá verða spilaðir fjórir blakleikir í Laugardalshöllinni og er leikur karlaliðs Vestra á móti Aftureldingu kl. 20. Við hvetjum alla sem tök hafa á til að mæta á leikinn og hvetja okkar menn. Þeir sem ekki komast á staðinn geta horft á leikinn í beinni á sporttv.is. 

Deildarmeistaralið Vestra

Karlalið Vestra hefur lokið keppni þetta tímabil í 1. deild karla í blaki. Liðið sigraði deildina og fékk deildarmeistarabikarinn afhentan í Hveragerði um síðustu helgi.

Ný stjórn blakdeildar Vestra

Aðalfundur blakdeildar Vestra var haldinn 23. mars. Þrír nýir komu inn í stjórn deildarinnar: Svava Rán Valgeirsdóttir, Petra Dröfn Karvel og Signý Þöll Kristinsdóttir. Þær eru boðnar velkomnar til starfa.