Vestri áfram í næstu umferð Kjörísbikarsins.

Vestri og Hrunamenn eftir leik liðanna á Flúðum.

Karlalið Vestra í blaki tekur nú í fyrsta sinn þátt í bikarkeppninni. Þeir áttu leik við Hrunamenn á Flúðum í gær, sunnudaginn 22. janúar. Vestri sigraði nokkuð örugglega 3-0 í leiknum og eru því komnir áfram í næstu umferð. 

Á heimasíðu Blaksambandsins kemur eftirfarandi fram:  Liðin sem eftir eru í Kjörísbikar karla eru 9 talsins:  KA, HK, Stjarnan, Afturelding, Þróttur Nes, Þróttur R/Fylkir, Vestri, Hamar og KA-Ö. Í næstu umferð þarf að koma fjölda liða niður í 8 lið en öll úrvalsdeildarliðin munu sitja yfir í þeirri umferð. Þrjú síðustu liðin í upptalningunni fara í pott og dregið verður í 1 leik. 

http://www.bli.is/is/frettir/utisigrar-i-kjorisbikarnum-um-helgina

Auður Líf efnilegasti íþróttamaður Ísafjarðarbæjar

Auður Líf Benediktsdóttir, efnilegasti íþróttamaður Ísafjarðarbæjar 2016

Auður Líf Benediktsdóttir blakari hlaut í dag titilinn efnilegasti íþróttamaður Ísafjarðarbæjar 2016. Hún var tilnefnd af blakdeild Vestra og Tihomir Paunovski var tilnefndur af blakdeildinni í flokknum íþróttamaður Ísafjarðarbæjar. 

Fyrsti bikarleikur Ísfirðinga í blaki

Karlalið Vestra í blaki tekur þátt í bikarmóti Blaksambandsins og er það væntanlega í fyrsta sinn sem blaklið frá Ísafirði tekur þátt í bikarnum. Þeir spila á móti Hrunamönnum á Flúðum sunnudaginn 22. janúar kl. 11.

Vestri - Stjarnan B

Kvennalið Vestra í blaki tekur á móti liði Stjörnunnar föstudagskvöldið 13. janúar kl. 20:00. Leikurinn fer fram í íþróttahúsinu á Torfnesi. Búast má við skemmtilegum og spennandi leik en lið Vestra hefur verið á mikilli siglingu í síðustu leikjum og er sem stendur í þriðja sæti í 1.deild kvenna. Fólk er hvatt til að mæta og hvetja stelpurnar.

Þrír leikmenn Vestra komnir til Danmerkur með yngstu landsliðunum.

U16 ára landslið stelpna og U17 ára landslið stráka á æfingu í Danmörku í dag. Myndin er fengin af Facebook síðu Blaksambandsins.

Katla Vigdís, fyrirliði Íslands

Birkir og Kjartan

1 af 3

Fimm leikmenn frá Vestra voru á unglingalandsliðsæfingum um helgina. Katla Vigdís, Hafsteinn og Gísli Steinn eru núna komin til Danmerkur þar sem þau keppa með U16 og U17 landsliðunum í undankeppni EM.

Fullt hús stiga úr leikjum síðustu helgar

Vestramenn og Hamarsmenn í sátt og samlyndi eftir síðari leikinn. Ljósmynd: Bryndís Sigurðardóttir

Tiho þjálfari ræðir við liðið í leikhléi. Ljósmynd: Bryndís Sigurðardóttir

Bjarni Pétur smassar og Birkir dekkar undir. Ljósmynd: Bryndís Sigurðardóttir

Jón Kristinn laumar. Ljósmynd: Bryndís Sigurðardóttir

Sigurður Jón í baráttu á miðjunni. Ljósmynd: Bryndís Sigurðardóttir

Jóhanna smassar. Ljósmynd: Bryndís Sigurðardóttir

Stundum ganga hlutirnir ekki alveg upp þrátt fyrir baráttu. Ljósmynd: Bryndís Sigurðardóttir

1 af 7

Kvennalið Vestra vann Ými 3-1 um síðustu helgi og karlalið Vestra sigraði Hamar tvívegis 3-0.

Flugi aflýst - leikur í kvöld

Leikur karlalið Vestra við Hamar í 1. deild karla í blaki sem vera átti kl. 16 í dag er frestað til kl. 21 í kvöld. Það er búið að aflýsa flugi en lið Hamars hefur lagt af stað keyrandi.

Blakveisla í Torfnesi um helgina

1 af 2

Það verður blakveisla í Torfnesi um helgina! Kvennalið Vestra tekur á móti Ými á föstudagskvöldið kl. 20:00. Karlaliðið spilar tvo leiki gegn Hamri á laugardag kl. 16:00 og sunnudag kl. 11:30.

Yngri flokkar Blakdeildar Vestra verða með kaffisölu, þannig að við leggjum til að þú kíkir á blak og fáir þér kaffi og köku með'í. Sjáumst :-)

Jólamót hjá yngri flokkunum í blakinu

Eldri krakkarnir

Yngri hópurinn

Sóldís Björt stigahæst stelpna

Birkir stigahæstur stráka

1 af 4

Laugardaginn 3. desember var haldið jólamót hjá yngri flokkunum í Blakdeild Vestra. Mótið var innanfélagsmót og tóku tæplega 40 krakkar tóku þátt. Yngstu flokkarnir mættu fyrst og svo tóku 3.-4. flokkur við. 

3-0 sigur kvennaliðs Vestra í blaki

Föstudaginn 2. desember tóku stelpurnar í Vestra á móti Álftanesi í 1. deild Íslandsmótsins. Leikurinn fór 3-0 fyrir Vestra.