Smá moli úr bænum

Körfubolti | 03.10.2010 Í þessum töluðu orðum er fundur hjá Joe og strákunum og þeir að gíra sig upp fyrir leikinn gegn Haukum sem er kl. 13.00. Við höfum verið á Hótel Cabin undanfarnar tvær nætur og strákanir hafa verið til fyrirmyndar og félagi sínu og Ísafjarðarbæ til mikils sóma. Reglur voru einfaldar, allir komnir í herbergi sín kl. 00.00 og sameiginlegur morgunmatur kl. 09.00. Það hefur allt gengið að óskum og þeir hafa líka verið duglegir að nema skólafræðin.

Eftir leikinn brunum við heim á leið og er erfið vika framundan hjá strákunum þeir eru að fara í fjögur til sex próf og svo er erfiður leikur framundan. Ég mun hringja inn úrslit á síðuna eftir leikinn gegn Haukum, en set svo inn umfjöllun um hann þegar við komum heim í kvöld.

Kveðja frá hópnum.
Fararstjóri Nánar

Sigur hjá stelpunum í fyrsta leik

Körfubolti | 02.10.2010 Það var frábær stund fyrir KFÍ þegar meistaraflokkur kvenna steig á parketið á ný eftir um 5 ára fjarveru úr keppni. Það voru kunn andlit sem byrjuðu leikinn og höfðu fjórar af fimm í byrjunarliðinu spilað með meistaraflokki kvenna KFÍ áður. Í byrjunarliðinu voru Hafdís Gunnarsdóttir, Stefanía Ásmundsdóttir , Sigríður Guðjónsdóttir og Sólveig Pálsdóttir, nýliðinn í byrjunarliðinu var Lindsay Church en hún er nemi í Háskólasetri Vestfjarða sem hefur spilað í háskólaboltanum í Kanada. Þetta hlé frá keppni virtist ekki hrjá stelpurnar sem byrjuðu af krafti og komust fljótlega í 7-0. Þórsarar vöknuðu við þetta og komu hægt og bítandi til baka og í lok fyrsta fjórðungs var tiltölulega jafnt. Nánar

Sigur hjá drengjaflokknum í Reykjavík

Körfubolti | 02.10.2010 Góður sigur í höfn hjá KFÍ drengjum, sem sigruðu ÍR með 73 stigum gegn 59 stigum heimamanna. Leikurinn hófst með látum hjá okkar drengjum sem sýndu klærnar strax í byrjun drifnir áfram af Sigmundi og Gaut sem skoruðu fyrstu stigin og náðum við 9-1 starti. Strákarnir héldu áfram þessum dampi og spiluðu frábæra vörn og fóru með 20 stiga forskot til hálfleiks. Þegar þarna var komið voru allir strákarnir tólf búnir að koma við sögu. Og allir að gera fína hluti. Nánar

Drengjaflokkur suður að keppa

Körfubolti | 30.09.2010 Á morgun fer drengjaflokkur KFÍ og keppir tvo leiki. Leikirnir eru gegn ÍR og Haukum. Allar nánari upplýsingar eru á atburðadagatalinu hér til hægri. Skorum á fólk að koma og hvetja strákana áfram.

Áfram KFÍ Nánar

Snilldarpistill frá leikbrot.is

Körfubolti | 30.09.2010

Hér er hægt að sjá viðtal við Guðna Ólaf Guðnason frá æfingabúðum KFÍ núna í sumar.

Nánar

Körfuboltavertíðin að byrja fyrir vestan

Körfubolti | 30.09.2010 það er óhætt að segja að mikið verði um að vera í körfuboltanum hér fyrir vestan. KFÍ og í samstarfi við UMFB eru með 10 flokka í keppni og keppa rúmlega 100 leiki í vetur.
Þetta mun verða rosaleg veisla. Hægt er að sjá hvar og hvenær við spilum í vetur hér til hægri á dagatalinu. Þar koma fram upplýsingar um hvaða flokkar spila og hvort það er hér heima eða útileikir og þá hvar auk tímasetninga.

Við vonum að sem flestir komi til með að mæta á leiki okkar í KFÍ og UMFB. Við lofum mikilli skemmtun og miklu fjöri.

Áfram karfa  Nánar

Meistaraflokkur kvenna byrjar á laugardag.

Körfubolti | 30.09.2010 Á laugardaginn n.k. byrja stelpurnar í meistaraflokk kvenna leik sinn á Íslandsmóti eftir að liggja í dvala í nokkur ár og fögnum við því gífurlega. Leikurinn átti að vera á Jakanum (Torfnesi) en vegna kaffisamsætis þar kom Bolungarvík okkur til bjargar og verður leikurinn á laugardag og hefst kl. 15.15 og er frítt inn.

Við hvetjum alla til að taka sér góðan rúnt út í Bolungarvík og styðja við bakið á stelpunum okkar.

Áfram KFÍ Nánar

Sigur í hörkuleik hjá drengjaflokk.

Körfubolti | 28.09.2010 Nánar

KFÍ -Snæfell/Skallagrímur á Jakanum

Körfubolti | 23.09.2010 Á morgun þriðjudaginn 28 september fær drengjaflokkur KFÍ, Snæfell/Borgarnes í heimsókn og er þetta fyrsti leikurinn í Íslandsmótinu hjá KFÍ vetur.

Leikurinn er kl. 18.00 og biðjum við alla sem vettlinga geta sett á hendur að koma og styðja við bakið á strákunum

Áfram KFÍ Nánar

Slakur leikur hjá okkur og tap gegn góðu liði KR

Körfubolti | 20.09.2010 Ekki áttum við náðugt kvöld í DHL-höllinni nema ef vera skildi í fyrri hálfleik. Við héldum í við KR í fyrri hálfleik, og vorum þá að stökkva á alla lausa bolta og sækja að körfunni, og þegar við settum í kerfin í vörn og sókn þá áttum við alltaf möguleika, en villuvandræði og kæruleysi hélt okkur þó í hæfilegri fjarlægð. Staðan í hálfleik var 47-42 og alls ekki þannig að við værum langt frá að komast inn í leikinn.

En í þriðja leikhluta tók í sundur með liðinum og KR setti í "over drive" og tók þennan leikhluta 27-10 og yfirspilaði okkur gjörsamlega. Við fórum út úr okkar leik og spiluðum illa, á meðan KR sýndi frábæra takta. Þarna fór leikurinn og fjórði og síðasti leikhlutinn var jafn hjá báðum liðum og endaði 18-18 og þar með 21 stigs sigur KR staðreynd. Lokatölur 97-76. Nánar