Carl Josey á leið til Ísafjarðar.

Körfubolti | 02.08.2010 KFÍ hefur gert samning við dreng frá Englandi um að spila hér í vetur. Hann er 192 cm á hæð og spilar stöðu lítils framherja (3) Hann hefur spilað um nokkurra ára skeið í BNA og lauk skólavist í vor. Hann hlakkar mikið til að koma og taka þátt í að gera félagið vel samkeppnishæft. Hér er viðtal sem tekið var við Carl í vor 

Við bjóðum Carl velkominn í KFÍ. Nánar

Allt að skýrast hjá KFÍ fyrir veturinn.

Körfubolti | 31.07.2010 Nú eru leikmannamál KFÍ að skýrast og er verið að ganga frá samningum við þrjá leikmenn um að koma til liðs við félagið. Þetta mun verða tilkynnt eftir verslunarmannahelgina, og koma þá frekari upplýsingar. Það sem hægt er að staðfesta er að þetta eru erlendir leikmenn og eru góð viðbót við skemmtilegan hóp sem fyrir er hjá félaginu. 

Nánar eftir helgi.  Nánar

Igor Tratnik spilar á Spáni í vetur.

Körfubolti | 31.07.2010

Hinn viðkunnarlegi Igor Tratnik sem spilaði frábærlega með KFÍ í vetur hefur gert samning við Tenerife Rural frá Spáni um að spila þar næsta vetur. Hann gerði samning við KFÍ um að spila hér, en var með klásúlu um að fá sig lausan ef boð frá stærra liði bærist. Tenerife leikur í Leb-gold deildinni sem er gríðarlega sterk og verður gaman að fylgjast með þessum unga pilti í vetur. 

Nánar

The Coolios eru Streetball meistarar 2010

Körfubolti | 12.07.2010 Það var boðið upp á stórkostlega íþróttasýningu á Torfnesi í gær þegar Streetball mót KFÍ fór fram á sama tíma og fótboltaleikur BÍ og Selfoss í 3. flokki karla. Margir heimamenn höfðu komið sér þægilega fyrir í stúkunni í veðurblíðunni til þess að horfa á fótboltaleikinn en hafa vafalaust ekki geta tekið augun af þeirri körfuboltalistasýningu sem Streetball spilarar Ísafjarðar sýndu þeim. Nánar

Meistaraflokksráð tekur til starfa hjá KFÍ

Körfubolti | 01.07.2010 Öflugt meistaraflokksráð hefur nú tekið til starfa og er ætlað það hlutverk að vera stjórn og þjálfara til halds og trausts. Það dylst engum að störf innan íþróttafélaga er mikil vinna og því ákaflega mikilvægt að hafa menn sem vilja vinna til þess að létta undir með stjórnum. Þessi hópur er með mjög mikla reynslu af störfum við íþrótta og félagsmál. Þeir sem eru nú komnir til verka eru: Guðjón Guðmundsson,Guðjón Þorsteinsson, Guðni Ó. Guðnason, Helgi Sigmundsson, Hreinn Þorkelsson, Jón Oddsson,  og Unnþór Jónsson.  Þeir fá úr þessu líklega seint nýliðaverðlaunin en eru aftur á móti svo sannarlega reynslunni ríkari og bjóðum við á kfi.is þessa heiðursmenn velkomna til starfa. Nánar

Streetball mót KFÍ

Körfubolti | 30.06.2010

Sunnudaginn 11. júlí ætlar KFÍ að halda Streetball mót. Fyrirkomulag mótsins verður 3 á 3 og spilað upp í 11. Fjórir geta þó verið saman í liði en þá er alltaf einn varamaður sem hvílir í hverjum leik. Mótið er fyrir 15 ára og eldri og mega ekki vera fleiri en tveir meistaraflokksmenn saman í liði. Mótið hefst kl. 14. 30. Verðlaun verða fyrir sigurliðið.

 

Þátttökugjald á mótinu er 1.000 kr. á mann og mun allur ágóði renna til viðhalds á útikörfuboltavellinum. Völlurinn hefur séð betri tíma eins og má sjá á meðfylgjandi myndum. Hann hefur verið vel nýttur í sumar en mikið hefur borið á óánægju vegna ástands hans. Það er því von okkar að sem flest lið taki þátt í mótinu og aðstoði okkur við að halda körfuboltavellinum í sem bestu ástandi.

 

Skráning hér

Nánar

Guðni Ólafur Guðnason í viðtali við kfi.is.

Körfubolti | 28.06.2010

Það þarf varla að kynna Guðna Ó. Guðnason fyrir lesendum síðunnar. Þessi orkumikli drengur hefur verið hér síðan 1996 og er búinn að marka sitt spor hjá KFÍ og Ísafjarðarbæ. Hann er framkvæmdarstjóri körfuboltabúða KFÍ sem er rétt nýlokið og er þetta í annað skipti á jafnmörgum árum sem þær eru haldnar. Mikill stígandi er í ásókn og var uppselt í ár. Guðni segir í viðtali við kfi.is að nefnd sem stofnuð var um æfingabúðirnar ætli að gera ráðstafanir til að fjölga aftur næsta sumar og halda áfram að auka gæði búðanna. Hér koma nokkrar spurningar og snörp svör frá kappanum.

Nánar

Craig með góðan leik í tapi

Körfubolti | 26.06.2010 Craig Schoen, leikstjórnandi KFÍ, átti fínan leik á Kentucky PRO-AM mótinu í gær þrátt fyrir tap sinna manna. Craig skoraði 19 stig og setti niður 5 þrista í 81-86 tapi á móti On Point.

Craig, sem er að hefja sitt þriðja tímabil með KFÍ, er væntanlegur aftur til landsins um miðjan ágúst. Nánar

Ari Gylfason í viðtali við kfi.is

Körfubolti | 26.06.2010 Þá er komið að Ara Gylfasyni að svara nokkrum laufléttum fyrir okkur og hér er afraksturinn. Nánar

Craig stendur sig vel á æfingamóti í Kentucky

Körfubolti | 25.06.2010 Craig spilar með liði sem nefnist KPA Old School og var stigahæstur með 23 stig, þar af þrjár þriggja stigakörfur. Við setjum hér í meira frásögn af leiknum á ensku. Við munum síðan setja inn fréttir af Craig eftir því sem á líður þessu æfingamóti. Nánar