Góður dagur að kveldi kominn

Körfubolti | 18.09.2010 Þá er laugardagur brátt á enda, og mikið gert í dag. KRingar gerðust svo góðir að útvega okkur æfingu í dag og var tekið á því í dágóðan tíma. Síðan horfðum við á skemmtilegan leik í Lengjubikar kvenna á milli KR og Fjölnis. Það var mjög gaman. Eftir púlið og áhorfið var haldið á Ask, Suðurlandsbraut og þar beið okkar pastahlaðborð, súpa og grænmeti sem rann ljúft niður. Þá var farið "heim" í Kópavog og menn slökuðu á við skák, tölvuleiki og almennt rabb. Og núna í þessum töluðu orðum eru allir nema tveir í kvikmyndahús að horfa á "The other guys" (ameríska útgáfan af Ara og Daða) og hélt sá sem þetta skrifar að þeir í hollívúdd hefðu skrifað söguna eftir að hafa umgengist þá drengi í svo sem eina viku.

En þeir tveir sem ekki fóru á bíó vita að það þarf að sinna náminu af krafti og þeir  Sigmundur R. Helgason og Gautur Arnar Guðjónsson sitja yfir námsbókum og sýna og sanna að til þess að fitta inn í kerfið þurfa þeir að sýna ábyrgð og vinna heimavinnuna. Fararastjórinn situr yfir þeim og fylgist með að allt fari vel fram.

Síðan munu allir klára kvöldið með yfirferð leikkerfa og horfa á síðasta leik gegn Stjörnunni áður en farið er í bólið um 23.30. Morguninn er tekinn snemma með æfingu hjá KR, sem enn og aftur sýna okkur mikinn velvilja.  Svo er bara slökun fram að leik, sem hefst 19.15 í DHL-höllinni glæsilegu. Við vonum að sjá sem flesta þar. 

Kveðjur heim.
"strákarnir" Nánar

Gott að eiga góða að

Körfubolti | 17.09.2010 Eins og flestir vita er ekki auðvelt að halda úti íþróttum á landsbygðinni vegna mikil ferðakostnaðar. Þegar í ljós kom að við værum komnir í átta liða úrslit var strax tekinn ákvörðun að reyna vera i bænum fram á mánudag. þetta þýðir að margir þurftu að hendast á eitt til eð geta leyst málin. Menn er frá vinnu og skóla og einnig eru þjálfararnir í fullru vinnu fyrir vestan.En það er gott að eiga góða að. Vinnuveitendurnir sýndu þessu mikinn stuðning og eins voru þeir leikmenn sem eftir voru og stjórn fljótir að taka við þjálfuninni.

Við erum í góðu yfirlæti á gistiheimilinu BB44 í Kópavogi þar sem dekrað er við okkur og mælum við með því að fólk kynni sér gistimöguleikana hér. Einnig eru þau með bílaleigu og svo margt annað sem kemur sér vel fyrir þá sem þurfa að skreppa í bæinn. Við erum þakklát þeim sem og öðrum sem hafa aðstoðað okkur

Áfram KFÍ Nánar

Við spiluðum sem ein heild og uppskárum eftir því

Körfubolti | 16.09.2010 KFÍ sýndi það í kvöld að við erum lið sem ætlar sér að berjast fyrir tilverurétt sínum í efstu deild. Liðsandinn er frábær og menn að berjast fyrir hvorn annan. 

Það var ljóst frá fyrstu mínútu að þessi leikur yrði skemmtilegur. Bæði lið sýndu góða takta og margar frábærar körfur litu kvöldsins ljós. Stjarnan náði forystu og leiddi framan af leik en eftir að fyrsta leikhluta lauk var þó staðan orðin jöfn aftur 25-25. Mikil barátta sást og bæði lið að henda sér á bolta og skoppa út um allt. Nánar

,,Erum eins og fjölskylda''

Körfubolti | 16.09.2010 Nánar

Komnir í bæinn

Körfubolti | 16.09.2010 ,,Nebojsa er klár" sagði hann á íslensku rétt áður en hann fleygði sér í koju. Hann og drengirnir eru tilbúnir og geta vart beðið eftir að komast á fjalir íþróttahússins í Ásgarði, Garðabæ. leikurinn hefst kl.19.15.

Það er von okkar að sjá sem flesta á leiknum og fyrir þá sem ekki geta komið bendum við á hinn frábæra tölfræðivef KKÍ. Það verður gaman að takast á við verkefni vetursins og munu drengirnir verða stoltir fulltrúar Ísafjarðarbæjar og Vestfjarða.

Kveðja úr sælunni hjá Siggu í BB44, Kópavogi.
Fararstjóri kveður að sinni. Nánar

Fjörið að hefjast

Körfubolti | 14.09.2010 Fyrsti leikur KFÍ er á fimmtudagskvöldið kl. og er gegn Stjörnunni úr Garðabæ, og er er í Lengjubikarnum. Það er mikil eftirvænting innan raða KFÍ og verður gaman að byrja aftur. Við á kfi.is viljum hvetja sem flesta körfuknattleiksunnendur að drífa sig á leikinn. Í báðum liðum eru mjög skemmtilegir leikmenn og verður enginn svikinn af góðri skemmtun. Enda er karfan lang skemmtilegasta íþrótt í heimi og þó víðar væri leitað. Nánar

'How do you like Vestfirðir'

Körfubolti | 12.09.2010 Í gærkvöld þegar halda átti heim á leið og lagt var af stað vestur frá Reykjavík bauð Pance "Garmin" Ilievski þeim Darco, Nebojsa og B.J. upp á óvænta, en ævintýralega ferð um sunnanverða Vestfirði.


Nánar

Sigur í síðasta leiknum

Körfubolti | 12.09.2010 Það voru þreyttir drengir sem komu til Þorlákshafnar í gær það sem síðasti leikurinn í æfingaferð okkar suður. Leikurinn var kl. 16.00 og vorum við komnir um tuttugu mínútum fyrir leik. Daði sat þennan leik af sér þar sem hann á við ökklameiðsl að stríða og vorum við því átta eftir og voru þeir hálf framlágir í upphitun enda var þetta þriðji leikurinn á innan við sólarhring.
Nánar

Tap gegn KR í gær

Körfubolti | 12.09.2010 Fyrri leikurinn var gegn lærisveinum Hrafns okkar Kristjánssonar í KR. Það kom í ljós strax á upphafsmínútunum að þarna var alvaran að taka við. Þó að KR vantaði Pavel, Fannar og Skarpa þá voru þeir fantagóðir og verða skemmtilegir í vetur. Þarna voru Jón Orri, Finnur, Brynjar Björn, Hreggi, Ágúst Ángantýss, Óli Ægis og ungu stjörnurnar þeir Martin Hermansson og Mattías Orri Sigurðsson. Nánar

Skemmtilegur leikur í Borgarnesi

Körfubolti | 10.09.2010 Það er óhætt að segja að Borgnesingar séu höfðingjar heim að sækja. Þegar við mættum á svæðið var allt klárt og stillt upp sem um leik í Íslandsmótinu væri. Dómarar, ritarar, lukkudýr, áhorfendur og stemning. Leikurinn byrjaði fjöruglega og Borgnesingar með undritökin fyrstu mínúturnar og komust í 17-7 og við svo ánægðir með viðtökurnar að við vorum áhorfendur. En svo tókum við kipp og fórum að koma okkur inn í leikinn og eftir fyrsta leikhluta var staðan. 27-25 og allt í járnum. Nánar