Karfan komin á fulla ferð
Körfubolti | 05.09.2018
Hinn árlegi körfuboltadagur Vestra er haldinn í íþróttahúsinu Torfnesi í dag og hefst gleðin klukkan 18. Dagurinn markar upphaf vetrarstarfs körfunnar en æfingar hófust af fullum krafti á mánudag. Að venju eru það þjálfarar og leikmenn meistaraflokks sem standa fyrir ýmiss konar körfuboltasprelli í salnum, fulltrúar barna- og unglingaráðs kynna æfingatöfluna og svo verður slegið upp pylsupartíi áður en allir halda heim um kl. 19:30.
NánarAndre Hughes til liðs við Vestra
Körfubolti | 03.09.2018
Körfuknattleiksdeild Vestra hefur samið við Andre Hughes um að leika með liðinu á komandi tímabili. Andre er 204 sm hár, 104 kg fjölhæfur leikmaður sem getur leyst fleiri en eina stöðu á vellinum.
NánarKörfuboltinn stór á nýju afrekssviði MÍ
Körfubolti | 29.08.2018
Menntaskólinn á Ísafirði endurvekur nú í haust afreksíþróttasvið við skólann og er hlutur körfuboltans þar ánægjulega stór. Alls eru 27 nemendur úr fimm íþróttagreinum skráðir á brautina, þar af 12 iðkendur frá körfuknattleiksdeild Vestra. Framtak MÍ er lofsvert enda gefur sviðið nemendum tækifæri til að samræma betur afreksástundun í íþróttum og krefjandi nám í menntaskóla.
NánarNebojsa semur til þriggja ára
Körfubolti | 02.08.2018
Í gær gekk Körfuknattleiksdeild Vestra frá nýjum þriggja ára samningi við Nebojsa Knezevic. Þetta eru mikil gleðitíðindi enda er vart hægt að hugsa sér betri liðsmann en þennan serbneska Vestfirðing sem hefur búið á Ísafirði undanfarin fjögur ár.
NánarU16 ára landslið drengja æfir á Ísafirði
Körfubolti | 20.07.2018
Landslið U16 ára drengja í körfubolta æfir nú á Ísafirði þessa dagana en liðið er að búa sig undir Evrópumeistaramót U16 ára drengjalandsliða, sem fram fer í Sarajevo í Bosníu dagana 9-19. ágúst næstkomandi. Hópurinn kom akandi vestur í gærkvöldi og æfir fram á sunnudag, alls sex æfingar og einn æfingaleik. Aðstæður á Ísafirði eru hinar bestu og hafa Ísafjarðarbær og fyrirtæki í bænum greitt götu liðsins í hvítvetna.
NánarIngimar Aron áfram með Vestra
Körfubolti | 02.07.2018
Bakvörðurinn efnilegi Ingimar Aron Baldursson hefur samið við Vestra um að leika með liðinu á næsta keppnistímabili. Ingimar Aron lék stór hlutverk með liðinu á síðasta tímabili, var í byrjunarliðinu í 26 leikjum af 27, og skoraði 11,6 stig, tók 2,9 fráköst og gaf 2,9 stoðsendingar.
NánarStærstu körfuboltabúðir frá upphafi
Körfubolti | 04.06.2018
Aldrei hafa fleiri iðkendur verið skráðir í Körfuboltabúðir Vestra en þær hefjast í íþróttahúsinu á Torfnesi á morgun, þriðjudag. Búðunum lýkur með veglegri kvöldvöku á laugardagskvöld og gestir halda svo heim á sunnudag. Búðirnar fagna tíu ára afmæli í ár og eru stærstu búðir sinnar tegundar á landinu.
NánarAdam, Björn Ásgeir og Nökkvi kveðja
Körfubolti | 21.05.2018
Nú er ljóst að Vestri þarf að sjá á eftir þremur lykilleikmönnum síðasta timabils en þeir Adam Smári Ólafsson, Björn Ásgeir Ásgeirsson og fyrirliðinn Nökkvi Harðarson hafa allir ákveðið að söðla um. Við þökkum þessum þremenningum kærlega fyrir framlag þeirra til félagsins. Allir hafa þeir skilað frábæru starfi og er mikil eftirsjá af þeim bæði innan vallar sem utan. Þessir ungu leikmenn hafa allir nýtt tækifæri sín hjá félaginu vel og vaxið mikið sem körfuboltamenn.
NánarSigurvegarar í Svíþjóð
Körfubolti | 17.05.2018
Stelpurnar í 9. flokki Vestra lögðu land undir fót í síðustu viku þegar þær tóku þátt í stóru norrænu körfuboltamóti, Göteborg Basketball Festival. Árangur liðsins var frábær því stelpurnar gerðu sér lítið fyrir og sigruðu B-úrslit mótsins og tóku því glæsilegan bikar með sér heim. Glæsilegur endir á viðburðarríku tímabili hjá þessu frábæra liði!
NánarUppskeruhátíð yngri flokka körfunnar
Körfubolti | 17.05.2018
Uppskeruhátíð yngri flokka Kkd. Vestra verður haldin í íþróttahúsinu Torfnesi í dag, fimmtudag, og hefst gleðin kl. 17. Allir yngri iðkendur og aðstandendur þeirra eru boðnir hjartanlega velkomnir en dagskráin verður með hefðbundnu sniði, veittar verða viðurkenningar, farið í leiki og slegið upp pylsuveislu.
Nánar