Körfuboltabúðir KFÍ 2010: Lokadagur - Allir velkomnir í lokagrillið

Körfubolti | 12.06.2010 Þá er síðasti dagur búðanna hafinn.  Dagskrá dagsins eru æfingar nú í morgunsárið og síðan verða úrslit í einstaklingskeppnum.  Að því loknu eða í kringum 11.30 verða viðurkenningar og búðaskírteini afhent.  Um kl. 12.30 verður kveikt upp í Muurikka pönnum og öllum aðstandendum og iðkendum boðið til grillveislu og búðum formlega slitið.

Allir hjartanlega velkomnir í grillið.  Þátttakendur, foreldrar, systkini sem og ættingjar og vinir. Nánar

Körfuboltabúðir KFÍ 2010: Nebosja Vidic

Körfubolti | 12.06.2010 Nebosja er okkur vel kunnugur, eins og hefur komið fram áður hér á síðunni.  Þetta er hans önnur ferð til Ísafjarðar og tók hann þátt í búðunum í fyrra.  Hann þekkir elstu strákana úr KFÍ orðið nokkuð vel og hefur fengið nokkra innsýn í íslenskan körfuknattleik á undanförnum tveimur árum.  Nebosja er þjálfari sem við metum mikils og því var hann að sjálfsögðu tekinn örviðtali og spurður sömu spurninga og hinir starfsbræður hans.

"Það kom mér nokkuð á óvart hversu margir krakkar hér búa yfir ríkulegum hæfileikum í körfuknattleik og sum hver eru þau, hvað það varðar svipuð því sem við þjálfarnir þekkjum best til dæmis í heimalandi mínu, Serbíu"
Nánar

Körfuboltabúðir KFÍ 2010: Svanhildur Guðlaugsdóttir

Körfubolti | 12.06.2010 Haukar áttu verðuga fulltrúa í búðunum að þessu sinni.  Svanhildur Guðlaugsdóttir var mætt ásamt syni sínum Kristjáni Sverrissyni og frænku þeirra henni Sólrúnu Ingu Gísladóttur.  Þau frændsystkin eru bráðefnilegir ungir leikmenn Hauka og létu bæði að sér kveða í búðunum. 

"Krakkarnir eru mjög ánægð og svona framtak er ekki hvað síst mikilvægt hvað félagslega þáttinn varðar, bæði fyrir krakkana og þjálfarana, já og auðvitað líka fyrir foreldra og fararstjóra"
Nánar

Körfuboltabúðir KFÍ 2010: Gustavo Rios Gonzalez

Körfubolti | 12.06.2010 Fréttaritari KFÍ-síðunnar greip Gustavo á milli æfinga og fékk hann í stutt örviðtal.  Líkt og aðrir gestir hérna fékk hann spurningar um hvernig hann teldi að búðirnar væru að ganga og hvort hann vildi koma einhverjum skilaboðum til krakkanna eða foreldra.

"Krakkarnir eru vinnusöm og öguð í vinnubrögðum á æfingum, það tel ég vera mikinn kost hjá leikmanni.  Þau hafa réttu afstöðuna til körfuboltans og ef þau halda svona áfram eiga þau að geta náð góðum árangri"
Nánar

Körfuboltabúðir KFÍ 2010: Kvöldverður í Tjöruhúsinu

Körfubolti | 11.06.2010 Skapast hefur sú hefð í þessum æfingabúðum, að allir þjálfarar, fararstjórar og helstu fulltrúar styrktar- og samstarfsaðila KFÍ í þessu verkefni komi saman til dýrindis fiskiveislu í Tjöruhúsinu í Neðsta kaupstað.  KFÍ býður til veislunnar með stuðningi Klofnings og þökkum við þeim enn á ný fyrir stuðninginn.   Nánar

Körfuboltabúðir KFÍ 2010: Dagur #6

Körfubolti | 11.06.2010 Föstudagurinn rann upp hýr og fagur á Ísafirði með stilltu veðri og björtu.  Æfingarnar voru með sama fyrirkomulagi og hina dagana og haldið áfram að vinna með svipuð grunn atriði og áður.  Á seinni æfingunni var farið í ýmsa skotleiki og forkeppni í einn-á-einn.  Úrslit úr þessum leikjum og fleirum verða svo á morgun fyrir slit búðanna.

Þjálfaranámskeiðið í dag saman stóð af tveimur fyrirlestrum frá hjónunum Mörthu Ernstdóttur og Jóni Oddssyni.  Martha fjallaði m.a. um Yoga og þátt andlegs undirbúnings í árangri íþróttamanna og markmiðasetningu.  Þetta er mjög spennandi efni en því miður líklega vanmetið of oft.  Ætli það séu ekki fáir íþróttamenn eða konur sem skara framúr án þess að rækta þennan þátt þjálfunar gaumgæfilega?  Jón hélt svo fyrirlestur um kraftþjálfun og lyftingar, með sérstöku tilliti til þjálfunar iðkenda í körfuknattleik.  Gerður var góður rómur að framlagi þeirra beggja og teljum við að þau séu ómissandi þáttur í þessum æfingabúðum. Nánar

Körfuboltabúðir KFÍ 2010: Uppgjör þjálfara og leikmanna í sögulegum leik

Körfubolti | 11.06.2010 Í kvöld var stóra stundin runnin upp!  Nei, ég er ekki að tala um HM í S-Afríku.  Það var komið að uppgjöri á vellinum á milli elstu iðkenndanna sem skoruðu á þjálfara og foreldra.  Þjálfaraliðið byrjaði af miklum krafti og sýndu það ótvírætt hvað allir höfðu lært mikið t.d. í fyrirlestrinum um svæðisvörn sem var einmitt það leikafbrigði sem liðstjóri þeirra kaus að liðið skyldi helga sig nær allan leikinn (þ.e. þegar þeir spiluðu vörn á annað borð).  Talsvert skildi liðin að í hálfleik og fram í þriðja leikhluta, þá var eins og eitthvað hefði breyst skyndilega og urðu ungu drengirnir mun baráttuglaðari og fóru að setja niður skot í öllum regnboganslitum, allt frá fáranlegum þristum að "tear drop" körfum.  Fóru leikar svo að reynsluboltarnir höfðu nauman sigur og fögnuðu gríðarlega í leikslok, enda gerðu þeir sér allir grein fyrir því á þessu sama augnabliki að sigur í þessum leik á næsta ári er aðeins fjarlægur draumur. Nánar

Körfuboltabúðir KFÍ 2010: Guðmundur Bragason í örviðtali

Körfubolti | 11.06.2010 Guðmund Bragason þarf vart að kynna fyrir áhugamönnum um íslenskan Körfuknattleik, en hann á að baki farsælan feril með Grindavík og Landsliðinu.  Hann kom vestur í æfingabúðirnar og er hér í hlutverki þjálfara og foreldris.  Synir hans Ingvi Þór (fæddur 98) og Jón Axel (fæddur 96) eru hluti af öflugum hópi krakka sem hingað eru komin frá UMFG.  KFÍ-síðan greip tækifærið og tók Guðmund tali í dag.

"Ég hafði heyrt vel af Körfuboltabúðunum látið í fyrra, en verð að viðurkenna að ég sá alls ekki fyrir hversu góðar þær raunverulega eru" Nánar

Körfuboltabúðir KFÍ 2010: Toni Radic

Körfubolti | 11.06.2010 Toni Radic er frá Króatíu og er yfirþjálfari KK Otok Murter sem var í B deildinni þar í landi.  Hann hefur einnig þjálfað í Lúxemburg og Þýskalandi.  Þetta er hans fyrsta ferð til Íslands og KFÍ-síðan ákvað að taka við hann örviðtal eins við höfum tíðkað í sambandi við Körfuboltabúðirnar.

"Ég vona að framhald verði á þessum búðum, sem ég tel vera heillaskref fyrir íslenskan körfubolta" Nánar

Körfuboltabúðir KFÍ 2010: Dragan Vasilov-Cevka

Körfubolti | 11.06.2010 Dragan er formaður þjálfarasambands Makedóníu og hefur umsjón með vali í landslið á vegum körfuknattleikssambandsins þar í landi.  Hann hefur nú dvalið á Ísafirði í tæplega viku og kynnst aðstæðum hér og krökkunum eftir að æfingar í búðunum hófust.  KFÍ-síðan tók hann tali og vitanlega hófst samtal okkar á spurningu um hvernig honum líkaði hér.

"Ég verð að segja það einnig að hér eru margir hæfileikaríkir leikmenn sem ég hef tekið eftir.  Ef þau halda áfram á þessari braut, þurfa Íslendingar ekki miklu að kvíða í framtíð körfuboltans." Nánar