Körfuboltabúðir KFÍ 2010: Ríkarður Örn Jónsson - viðtal

Körfubolti | 10.06.2010 Ríkarður er KFÍ vel kunnugur vegna æfingabúða.  Hann á þrjú börn sem hafa verið iðin við kolann í boltanum, fyrst með Skallagrím og nú eftir að fjölskyldan flutti til Reykjavíkur með Fjölni.  Heiðrún og Björgvin Ríkarðsbörn komu með okkur til Serbíu þegar æfingabúðirnar í Zoko Banja voru heimsóttar sumarið 2008.  Synir hans komu með honum hingað til Ísafjarðar í fyrra, þegar við héldum í fyrsta sinn æfingabúðirnar okkar.  Hann snýr nú aftur Vestur í æfingabúðir, en Bergþór var sá eini af börnum hans sem átti þess kost að koma þetta árið.  KFÍ-síðunni lék forvitni á að heyra hvað þeir feðgar hefðu að segja.

"Líkt og í fyrra eru þetta frábærar búðir, nema kannski bara jafnvel ennþá betri." Nánar

Körfuboltabúðir KFÍ 2010: Kári Marísson.

Körfubolti | 09.06.2010 Kára Marísson þarf ekki að kynna fyrir þeim sem fylgst hafa með íslenskum körfuknattleik síðustu árin.  Hann þekkir vel til í þjálfun yngri flokka og uppbyggingarstarfi í íþróttinni.  Kári er mættur til Ísafjarðar ásamt fríðu föruneyti sem hefur sett mikinn og góðan svip á búðirnar og eru þau öll félagi sínu og heimabyggð, Sauðárkróki til sóma.  Það varð auðvitað ekki undan því komist að fá Kára í örviðtal.

""Ég er mjög ánægður með búðirnar og samanborið við annað sem ég hef kynnst af þessu tagi, er þetta það allra besta hingað til." 

"...hér hefði ég viljað sjá komna alla þjálfara yngri landsliða á vegum KKÍ." Nánar

Körfuboltabúðir KFÍ 2010: Þjálfaranámskeið - Pick & roll.

Körfubolti | 09.06.2010 Þjálfurum hefur fjölgað sem fylgjast með fyrirlestrum og dagskráin hefur gengið ágætlega.  Fyrir hádegishlé fór Nebosja Vidic yfir sókn með "Pick & roll".  Gustavo Gonzalez fór svo yfir vörn á móti "Pick & roll" eftir hádegismatinn.  Fróðlegar umræður spunnust á fyrirlestrunum og skiptust þjálfarar á skoðunum og spurningum.  Öllum varð ljóst að ákveðin þróun hefur átt sér stað í þessum atriðum og alltaf má fínpússa leikinn sem við öll unnum.  Er hægt að gera of mikið af fundum sem þessum?  Meðfylgjandi eru myndir frá fyrirlestrunum. Nánar

Körfuboltabúðir KFÍ 2010: Dagur #4 - Polygon

Körfubolti | 09.06.2010 Æfingar og kennsla gengu vel í dag.  Nú er farið að síga á seinni hluta æfingabúðanna þessu sinni og krakkarnir hafa vanist skipulaginu vel.  Allir lögðu sig vel fram og margir að taka ágætum framförum.  Æfingarnar voru líkt og áður tvær í dag fyrir alla hópana.  Auk þess tók hluti af elsta hópnum þátt í sýnikennslu á þjálfaranámskeiðinu sitt hvoru megin við hádegismatinn og eðlilegt að einhverjir séu byrjaðir að finna fyrir þreytu þegar líður á daginn.  Í kvöld var breytt til og í stað æfinga og æfingaleikja, var farið í þrautabraut eða s.k. "Polygon". Nánar

Körfuboltabúðir KFÍ 2010: Borce Ilievski

Körfubolti | 09.06.2010 Borce Ilievski er yfirþjálfari Körfuboltabúðanna og þarf vart að kynna.  Hann og kollegar hans hafa haft í mörg horn að líta síðustu vikuna og eiga hrós skilið fyrir frábærar æfingabúðir.  Hann var að sjálfsögðu fenginn í viðtal við KFÍ-síðunna og beðinn um að segja nokkur orð í lok búða.

"Ég vona að í framtíðinni munum við halda áfram að bjóða krökkum á Íslandi upp á æfingabúðir af þessu tagi, með það eina sameiginlega markmið að þróa og bæta öll saman körfuboltann á Íslandi"
Nánar

Körfuboltabúðir KFÍ 2010: Lárus Kjartansson tekinn í viðtal

Körfubolti | 09.06.2010

Lárus Kjartansson er þjálfari drengjaflokks ÍA og kom vestur gagngert til þess að fylgjast með æfingabúðunum og þjálfarnámskeiðinu.  KFÍ-síðan greip hann að sjálfsögðu í stutt spjall á leiðinni út á flugvöll.  Fyrsta spurning var að sjálfsögðu "how do you like Körfuboltabúðir KFÍ"?

"Þjálfarnir eru virkilega góðir og ég er svo sannarlega búinn að læra mikið af þessum meisturum."

Nánar

Körfuboltabúðir KFÍ 2010: Dagur #3

Körfubolti | 09.06.2010 Dagskráin var venju samkvæmt viðburðarík hjá krökkunum og er óhætt að fullyrða að allir hafi fengið hæfilegan skammt af fræðslu, æfingum og leik þennan daginn.  Búið að setja inn talsvert magn af myndum úr búðunum og hægt að sjá þær hér.  Nú eru búðirnar hálfnaðar og gengur allt eins og í sögu.  Veðrið hefur leikið við ökkur fram að þessu (skýjað reyndar í dag en hlýtt) og engin alvarleg slys eða veikindi.  KFÍ-síðan mun halda áfram umfjöllun um þær og von er á fleiri viðtölum. Nánar

Körfuboltabúðir KFÍ 2010: Ingvar Jóhannesson dómari KFÍ mættur.

Körfubolti | 08.06.2010 Fréttaritari KFÍ greip Ingvar glóðvolgan þegar hann mætti í salinn á Jakanum í morgun.  Tækifærið var að sjálfsögðu gripið til þess að fá fyrsta örviðtalið þetta árið á netið. 

"Mér vitanlega hefur svona dagskrá ekki verið sett oft upp áður á Íslandi og gaman að fá að fylgjast með." Nánar

Körfuboltabúðir KFÍ 2010: Annar dagur - allt samkvæmt áætlun.

Körfubolti | 08.06.2010 Á öðrum degi búðanna halda æfingarnar áfram skv. áætlun.  Æfingahóparnir voru myndaðir á fyrsta degi búðanna.  Þannig eru nú um 82 iðkendur skráðir til leiks og eru þeir í fjórum hópum.  Þjálfarnir skiptast á um að hafa hvern hóp, þannig að bæði þeir og krakkarnir fái sem fjölbreyttasta reynslu þessa daga.  Morgunæfingarnar gengu vel og eftir hádegishlé var myndataka þar sem allur hópurinn stillti sér upp fyrir hirðljósmyndara KFÍ, Halldór Sveinbjörnsson (sem gerir enn garðinn frægan). Nánar

Körfuboltabúðir KFÍ 2010: Minniboltanámskeið hafið

Körfubolti | 08.06.2010 Það voru 12 hressir krakkar sem mættu á fyrstu æfinguna hjá minniboltanum í æfingabúðunum þetta árið.  Þetta er nýr hópur sem við vorum ekki með í fyrra sem er mjög góð viðbót.  Toni Radic tók á móti krökkunum ásamt Eggert Maríusyni.  Farið var yfir knattrak og fleiri undirstöðu þætti leiksins og boltameðferðar.  Í lokin var skipt í tvö lið og keppt í körfubolta, en til þess er auðvitað leikurinn gerður!  Þjálfarar eru á því að þessi aldurshópur sé ekki hvað síst spennandi og fagna því mjög að fá tækifæri til þess að vinna með þeim.  Skemmtileg fyrsta æfing og góð vika framundan. Nánar