Nýr þjálfari KFÍ

Körfubolti | 15.04.2010 Stjórn KFÍ hefur ákveðið að semja við Bob Jerome Aldridge  (BJ)  til að taka við þjálfun meistarflokks karla KFÍ,  auk þess mun hann verða yfirþjálfari yngri flokka félagsins og þjálfa drengjaflokk.  BJ er 31 árs Bandaríkjamaður sem hefur reynslu af þjálfun í háskólaboltanum í bandaríkjunum.  Sem stendur er hann að ljúka störfum við Ashland háskóla sem aðstoðarþjálfari.

Hann hefur reynslu af því að þjálfa upp unga leikmenn og hefur aðstoðað marga leikmenn við að þróa og þroska leik sinn.  Hann hefur unnið titla með liðum sem hann hefur þjálfað, hjá Southern Indiana Generals sem aðalþjálfari og sem aðstoðarþjálfari hjá Georgetown College.  Hann hefur þróað körfuboltabúðir fyrir 110 lið og 957 leikmenn og hefur skipulagt viðburði og fjáraflanir fyrir þau lið og háskóla sem hann hefur starfað fyrir.  Auk þess að hafa víðtæka reynslu sem körfuboltaþjálfari hefur BJ meistaragráðu í íþróttastjórnun og  íþróttakennaragráðu.  Hann lítur á KFÍ sem tækifæri til að öðlast reynslu sem aðalþjálfari fyrir utan Bandaríkin og hlakkar til þeirra áskorana sem KFÍ stendur frammi fyrir í keppni meðal hinna bestu.

Með vali sínu á þjálfara leggur KFÍ áherslu á áframhaldandi uppbyggingu yngri leikmanna liðsins og horfir til þeirrar hugmyndafræði sem notast er við þjálfum leikmanna á menntaskólastigi og á háskólastigi í Bandaríkjunum.

BJ er væntanlegur til landsins í byrjun ágúst.

Nánari upplýsingar um BJ (á ensku) er að finna á eftirfarandi hér.

Kveðja,

Stjórn KFÍ
Nánar

Minningarleikur Þóreyjar Guðmundsdóttur

Körfubolti | 09.04.2010

Á Skírdag fór fram minningarleikur Þóreyjar Guðmundsdóttur.  Minningarsjóður Þóreyjar stóð fyrir leik þar sem núverandi 10. flokkur KFÍ lék gegn leikmönnum sem léku með Þóreyju á sínum tíma.  Glæsileg tilþrif sáust og skemmtu leikmenn og hinir fjölmörgu gestir sem lögðu leið sína í Torfnesið sér vel.

Nánar

Páskaeggjamót KFÍ og Nóa Siríus

Körfubolti | 09.04.2010

2 á 2 mót KFÍ og Nóa Siríus fór fram á Skírdag með glæsibrag.  29 lið tóku þátt í mótinu og hafa sjaldan eða aldrei verið jafn margir keppendur.

Nánar

Takk fyrir helgina

Körfubolti | 06.04.2010 Nú er afstaðin frábær páskahelgi þar sem hátíðin Aldrei Fór Ég Suður var haldin með miklum myndarbrag.  KFÍ lagði hönd á plóginn við að gera þessa hátíð minnisstæða.  Iðkendur, foreldrar iðkenda og félagsmenn unnu við sölu á veitingum og varningi og vill stjórn KFÍ færa öllum þeim sem tóku þátt í vinnunni hinu bestu þakkir fyrir vel unnin störf í nafni KFÍ.  Einnig vill stjórn þakka frumkvöðlum og aðstandendum hátíðarinnar fyrir þá ánægju að fá að taka þátt í þessum merkisviðburði.

KFÍ Kveðja

Stjórn KFÍ

Nánar

Minningarleikur

Körfubolti | 30.03.2010

Minningarsjóður Þóreyjar Guðmundsdóttur stendur fyrir minningarleik á milli núverandi leikmanna KFÍ gegn eldri og fyrrverandi leikmönnum KFÍ sem léku með Þóreyju.  Leikurinn verður kl. 14:00  fimmtudaginn 1 apríl, á Skírdag, í íþróttahúsinu á Torfnesi að loknu páskaeggjamóti KFÍ.  Aðgangur er ókeypis og eru allir velkomnir.

 

Nánar

2 á 2 páskaeggjamót KFÍ og Nóa Siríus

Körfubolti | 29.03.2010

Hið árlega páskaeggjamót KFÍ og Nóa Siríus fer fram á Skírdag venju samkvæmt.  Mótið hefst kl. 12.00.  Flokkaskiptingu og reglur má finna hér í meira

Nánar

2 töp hjá drengjaflokki

Körfubolti | 27.03.2010 Drengjaflokkur fór suður í keppnisferð um helgina og tapaði tveimur leikjum.  Fyrst tapaði liðið naumt gegn Breðablik 96-103 og svo örlítið stærra gegn Fjölni 65-90. Nánar

Aðalfundur KFÍ 2010

Körfubolti | 27.03.2010 Aðalfundur KFÍ var haldinn fimmtudaginn 25.mars síðastliðin þar sem stjórn kynnti skýrslu vetrarins og ársreikning félagsins.

Að því loknu var svo kosið um formann og í stjórn, og var Neil Shiran Þórisson valinn formaður undir dynjandi lófaklappi. Í stjórn félagsins auk Shirans voru kosin Guðni Ólafur Guðnason, Anna Edvardsdóttir, Óðinn Gestsson og Sævar Óskarsson.

Úr stjórn fóru Guðjón Þorsteinsson, Gunnar Pétur Garðarsson, Helgi Sigmundsson og Ingólfur Þorleifsson, og eru þeim kærlega þökkuð góð störf fyrir félagið á tímabilinu. Nánar

Minningarleikur og páskaeggjamót Nóa Siríusar og KFÍ

Körfubolti | 26.03.2010

Hið árlega páskaeggjamót fer fram venju samkvæmt næstkomandi fimmtudag, Skírdag. Hefst það kl. 12.00. Að páskaeggjamóti loknu fer fram Minningarleikur um Þóreyju Guðmundsdóttur.  Þá  munu stelpurnar okkar í 10. & 8. flokki keppa gegn gömlum KFÍ kvenkempum, sá leikur mun hefjast kl. 14.00.

Nánar

Tap gegn KR í drengjaflokki

Körfubolti | 22.03.2010 Drengjaflokkur fór illa að ráði sínu og missti unnin leik úr höndunum, niðurstaðan tap eftir framlengingu 86-91. KFÍ piltar leiddu allan tímann ef frá eru taldar fyrstu 2 mínúturnar.  Forystan var yfirleitt þetta 5-10 stig en á síðustu mínútu leiksins fór KFÍ afar illa að ráði sínu og missa niður 5 stiga forystu á hálfri mínútu.  Missa leikinn í framlengingu og KR-ingar reyndust sterkari þar og vinna með 5 stigum. Nánar