Sigur í síðasta leik

Körfubolti | 12.03.2010

KFÍ sigraði Ármann örugglega nú fyrr í kvöld, 85-58. Það var ekki mikil mótspyrna frá liði Ármanns í kvöld. Igor sýndi enn og aftur hversu góður leikmaður hann er. Hann tróð eins og óður væri og hleypti salnum upp. Svona tilþrif eru kærkomin á Jakanum. Það er gaman að segja frá því að allir leikmenn skoruðu og liðsheildin var frábær. Vörnin small og bros á hverju andliti. Nú er bikarinn kominn til okkar og undirbúningur á fullu fyrir næsta tímabil :)

Strákarnir eru flottir og skemmtilegur dagur sð kveldi kominn. Næsta stóra verkefni eru Körfuboltabúðir KFÍ 2010 !!!

Áfram KFÍ. 

Nánar

8.flokkur stúlkna fær heimsókn

Körfubolti | 12.03.2010 8.flokkur stúlka fær ÍR og Snæfell í heimsókn og er liður í Íslandsmótinu. Það verður gaman á Jakann n.k laugardag. Lið UMSB er sárt saknað, en þær áttu því miður ekki heimangengt að þessu sinni. Leikirnir eru frá 14.00 til 17.00 og eru stúlkurnar okkar að keppa fyrsta leikinn kl.14.00. Við hvetjum allt til að koma og hvetja þær áfram !!


Áfram stúlkur Nánar

KFÍ - Ármann: BIKARINN Á LOFT Á JAKANUM!

Körfubolti | 11.03.2010 KFÍ fær Ármann í heimsókn í morgun í síðasta leik meistaraflokksins í vetur. Eins og flestir vita þá hefur KFÍ þegar tryggt sér deildarmeistaratitilinn og því verður mikið "húllumhæj" á leiknum auk þess sem formaður og framkvæmdarstjóri KKÍ afhenda liðinu deildarmeistarabikarinn í lok leiks.

Við hvetjum alla að koma og fagna með okkur þessu frábæra árangri og gera læti á Jakanum !!!!!!! 

Fyrir þá sem eiga ekki heimagengt þá er leikurinn sendur út í beinni á netinu á KFÍ TV sem endranær.

Þess má geta að Ármann vann fyrri leik liðanna í vetur 83-77 og því á KFÍ harma að hefna.

ÁFRAM KFÍ!! Nánar

Körfuboltabúðir KFÍ 2010

Körfubolti | 11.03.2010 Nú getum við staðfest að Dragan Vasilov hefur boðað koma sína í æfingabúðirnar í sumar.  Hann er formaður þjálfarasambands Makedóníu og hefur yfirumsjón hjá körfuknattleikssambandi í Makedóníu með vali í landslið.  Hann hefur yfirgripsmikla reynslu af þjálfun og hefur komið víða við.  Það verður gaman að hitta hann í sumar og hann er góð viðbót í þjálfarateymi búðanna.  Við reiknum svo með því að reka smiðshöggið á þennan þátt í undirbúningnum á næstu dögum og eigum von á staðfestingu á komu þeirra Toni Radic frá Króatíu og Nebosja Vidic frá Serbíu.  Nebosja var hér í fyrra og er okkur að góðu kunnur, enda verður þetta þriðja sumarið sem hann hittir drengina úr KFÍ í æfingabúðum.  Borce Ilievski er yfirþjálfari búðanna líkt og í fyrra.

Þetta lofar góðu og ætti að verða fínn vettvangur fyrir bæði leikmenn og þjálfara til þess læra nýja hluti og leggja grunn að undirbúningi næsta tímabils. Nánar

Körfuboltabúðir KFÍ 2010

Körfubolti | 09.03.2010

Undirbúningur æfingabúðanna í sumar er í fullum gangi og nú höfum við fengið staðfestingu frá Alejandro Martínez Plasencia um að hann sé væntanlegur í búðirnar.  Alajandro Martínez er aðalþjálfari U18 ára landsliðs Spánar sem lenti í 5. sæti í Evrópukeppninni í ágúst 2009.  Auk þessa þá þjálfar hann lið Laguna Canarias á Tenerife sem er í Adecco LEB oro deildinni á Spáni.

Það er augljóslega mikill fengur að fá þjálfara með slíka reynslu og þekkingu til liðs við okkur í sumar.  Að öllu óbreyttu munu búðirnar hefjast 6. júní og munum við á allra næstu dögum tilkynna endanlega staðfesta dagsetningu og birta um leið hvar og hvernig leggja skuli pantanir inn.  Stefnir allt í spennandi körfuboltabúðir á Ísafirði í júní 2010!

Nánar

Viðtal við Gaua á karfan.is

Körfubolti | 08.03.2010

Hér er viðtal sem var á karfan.is s.l. föstudag og birtum við það hér fyrir okkar lesendur:

Ísfirðingar mæta í Þorlákshöfn í kvöld og leika þar gegn heimamönnum í Þór í 1. deild karla. KFÍ tryggði sér á dögunum sæti í Iceland Express deild karla á næstu leiktíð en liðið á samt tvo leiki eftir í deildarkeppni 1. deildar, gegn Þór í kvöld og svo á heimavelli gegn Ármenningum í síðustu umferð. Karfan.is setti í samband við Hr. Körfubolta á Ísafirði en sá er betur þekktur sem Guðjón Þorsteinsson en hann á von á því að Haukar komi með KFÍ upp í úrvalsdeild.

Nánar

Sigur í síðasta útileiknum.

Körfubolti | 07.03.2010 Nánar

Leik Þórs Þ. og KFÍ frestað

Körfubolti | 05.03.2010 Leik Þórs Þ. og KFÍ sem átti að vera í kvöld hefur verið frestað vegna veðurs en ekkert hefur verið flogið frá Reykjavík í dag. Nýr leiktími er næstkomandi sunnudag kl. 19.15. Nánar

Fjöldi á Nettó mótið í Keflavík

Körfubolti | 03.03.2010 Þá er komið að því. ,,púkarnir okkar" litlu eru að fara á flotta mótið í Keflavík. Það er mikil tilhlökkun í hópnum sem telur um 13 krakka og 12 foreldra, 2 afa og 1-4 þjálfara :) Það er ekki alveg hægt að segja hverjum hlakkar meira til þeim litlu eða þeim stóru. Við fórum öll á mótið hjá Fjölni í haust og þá var fjör, og við vitum að það verður ekki síðra í Keflavík !!

Áfram KFÍ. Nánar

KFÍ treyjurnar komnar til sölu.

Körfubolti | 01.03.2010 Góðir félagar og stuðningfólk. Nú eru KFÍ treyjurnar komnar til sölu og er hægt að panta á gaui@kfi.is og gef ég þá frekari upplýsingar. Verð á treyjunum er aðeins 5000.- Isk :) Koma svo og panta sér treyju og koma í henni á leikinn gegn Ármanni 12 mars þar sem við tökum við bikarnum !! Nánar