KFÍ-Þór Þorlákshöfn á sunnudagskvöld.

Körfubolti | 10.12.2009 það verður spennandi leikur á sunnudagskvöld þegar Þór frá Þorlákshöfn kemur í heimsókn. Leikurinn er mjög mikilvægur fyrir bæði lið enda bæði í hörðum slag um toppsætið. Sem stendur er KFÍ á toppnum, en Þórsarar eru í fjórða sæti.
Innan raða Þórs eru góðir leikmenn, þeirra fremstir eru Grétar Ingi Erlendsson sem er þeirra stigahæstur, Baldur Þór Ragnarsson sem er með 14 stig og 6 stoðsendingar í leik svo eru þeir nýbúnir að fá Ara Gylfason frá Fsu og Magnús Pálsson frá Fjölni og eru þeir klárir í slaginn.
Það verður því gaman á sunnudagskvöld og hefst leikurinn kl. 19.15.

Það er von okkar á kfi.is að fólk fjölmenni á leikinn og styðji strákana okkar í KFÍ. Og þeir sem eru fjarri Jakanum geta séð leikinn í beinni að sjálfsögðu og alltaf á KFÍ-Tv  Nánar

Fjölskylduhjálp Ísafjarðarkirkju

Körfubolti | 08.12.2009 KFÍ stóð fyrir söfnun í samstarfi við Landsbankann á Ísafirði.  Söfnun var þegar heimaleikur KFÍ gegn Hetti þann 20. nóvember s.l. fór fram.  Stuðningsfólk KFÍ lagði frjáls framlög í sjóð, í stað inngangseyris á leikinn.  Gekk þetta ágætlega og var sérstaklega ánægjulegt þegar yngstu iðkendur félagsins, strákarnir úr minniboltanum afhentu sóknarprestinum Sr. Magnúsi Erlingssyni afraksturinn.  Þetta var svo sannarlega góð viðbót á aðventunni og verður gaman að fylgjast með afrekum þessara drengja á næstu árum.

KFÍ þakkar öllum sem lögði þessu átaki lið fyrir.  Nánar

Naumt tap gegn ÍR í bikarnum

Körfubolti | 06.12.2009

KFÍ féll úr leik eftir hörkuleik gegn ÍR í bikarnum 86-93.  KFÍ átti í fullu tréi við ÍR-ingana og með smá heppni hefðum við getað stolið sigrinum í restina en ÍR ingar nýttu sér reynslu sína og kláruðu leikinn.

Þetta var fínn leikur hjá KFÍ, sýndu úrvalsdeildarliðinu enga virðingu og að þeir gætu spilað við þá á jafnréttisgrundvelli.  Það var helst gríðarlega góð hittni ÍR-inga sem skildi að í byrjun en svo þegar vörn heimamanna batnaði þá minnkaði munurinn. 

Nánar

10. flokkur stúlkna - Góður sigur gegn Kormáki í bikarnum

Körfubolti | 05.12.2009

Stelpurnar í 10. flokki léku gegn Kormáki í bikarnum í dag og unnu góðan sigur 46-20. Leikurinn byrjaði rólega og voru stúlkurnar okkar full gestrisnar, voru ekki nógu grimmar í fráköstum og vörninni. Staðan eftir fyrsta fjórðung var 12-5 og svo 20-10 í hálfleik. KFÍ liðar fóru síðan að átta sig betur á hlutunum og leikur og grimmd batnaði eftir því sem leið á leikinn. Kormáksstelpur gáfu eftir enda orðnar þreyttar, búnar að keyra alla leiðina frá Hvammstanga.

Allir stóðu sig vel hjá KFÍ og allir fengu að spila. Flott spil og barátta sást á köflum og sýndu stelpurnar að þær geta þetta allt saman. Stelpurnar úr 8. flokki komu inn á og stóðu sig með prýði en stúlkurnar úr 10. flokki sáu nú samt um þetta.

Nánar

Stelpurnar í 10.flokk keppa við Umf.Kormák í bikarkeppni KKÍ.

Körfubolti | 03.12.2009 Á laugardaginn n.k. 5.desember koma stelpurnar frá Kormák í heimsókn og etja kappi við stelpurnar úr 10.flokk í bikarkeppni KKÍ og hefst leikurinn kl.15.00. Stúlkurnar frá Kormák koma frá Hvammstanga og nágrenni. Við á kfi.is hvetjum alla að taka sér frí frá amstri daglegs lífs og hvetja okkar stúlkur til dáða.

Áfram KFÍ. Nánar

KFÍ-ÍR keppa í 16 liða keppni Subway-bikarsins á sunnudagskvöld

Körfubolti | 03.12.2009 Sunnudagskvöldið 6. desember tekur meistaraflokkur KFÍ á móti ÍR í Subway-bikarnum og hefst leikruinn kl.19.15. Þessi tvö lið mættust í Valsmótinu í haust og þá fór KFÍ með sigur af hólmi 57-56 í æsispennandi leik. Það er alveg öruggt að ÍR kemur hingað til þess að hefna ófaranna og eru þeir með mjög skemmtilegt lið. Þar á meðal eru Nemanja Sovic sem er stigahæstur leikmanna þeirra, Hreggviður Magnússon, Steinar Arason, Gunnlaugur H. Elsuson og hinn síungi Eiríkur Önundarson. ÍR er sem stendur í 7.sæti Iceland Express deildarinnar

Margt verður til gamans gert á leiknum þ.á.m. verða skotleikir frá "Velkomin um borð" frá Flugfélag Íslands og einnig frá Bókahorninu á Ísafirði sem nýlega opnaði í versluninni Neista á Ísafirði. Það er því um að gera að koma á leikinn og horfa á góðan leik og eiga möguleika að ganga heim með góða vinninga að leik loknum.

Allir á völlinn !!!!!

Áfram KFÍ Nánar

Skyldusigur á skaganum

Körfubolti | 27.11.2009 Strákarnir úr meistaraflokk voru í þessu að klára leik gegn ÍA og unnu tíu stiga sigur 83-72. Þar með komumst við aftur í efsta sætið. Þess má geta að þeir fóru einungis átta að vestan vegna prófa hjá "púkunum" okkar. Matt meiddist í vikunni en Óli sjúkraþjálfari var með Matt í meðferð og "límdi" hann í morgun áður en lagt var í hann.

Stig. Craig 25, Pance 19, Matt, 13, Þórir 8, Darco 8, Hjalti 10.

Áfram KFÍ. Nánar

KFÍ fer á skagann

Körfubolti | 26.11.2009 Á morgun fara strákarnir í meistaraflokk á Akranes að spila gegn ÍA og er langt frá því auðvelt að fara með sigur þaðan. Skagastrákarnir eru með skemmtilegt lið og eru sýnd veiði en ekki gefinn. Þeirra helstu menn eru Hörður Nikulásson, Dagur Þórisson, Trausti Freyr Jónsson og Sigurður Rúnar Sigurðsson. Það er samt skarð fyrir skildi að Halldór Gunnar Jónsson er í leikbanni, en hann er mjög góður leikmaður og er með 15 stig a.m.t. í leik. En maður kemur í manns stað hjá skagadrengjunum. Það er því nauðsynlegt fyrir KFÍ að koma með hausinn rétt skrúfaðan á til leiks og berjast um hvern einasta bolta. 

Áfram KFÍ. Nánar

11.flokkur áfram í bikarkeppni KKÍ án keppni !

Körfubolti | 26.11.2009 Þá er komið í ljós að 11.flokkur Hauka gefur leik sinn gegn strákunum okkar. Leikurinn átti að fara fram hér heima og eru þá lyktir málsins að strákarnir okkar sigra leikinn 20-0, og eru því komnir áfram í 8 liða úrslit. Þetta er samt dapurt að sigra leiki svona. Það voru margir farnir að hlakka til að sjá strákana spila. En vonandi fáum við heimaleik í næstu umferð. Nánar

Sigur gegn Grindavík í drengjaflokki

Körfubolti | 23.11.2009 Piltarnir okkar í drengjaflokki unnu góðan baráttusigur gegn liði Grindvíkinga sem komu í heimsókn til okkar, endaði leikurinn 67-61 fyrir KFÍ.  Nánar um leikinn í meira: Nánar