KFÍ semur við Jason Anthony Smith

KFÍ hefur gengið frá samning við leikstjórnanda að nafni Jason Anthony Smith. Jason hefur mikla reynslu sem leikmaður og spilaði nú síðasta vetur í efstu deildinni í Portúgal með liði CAB Madeira. Þar á undan spilaði hann í Þýskalandi með liði Schwelmer Basket í pro-B deildinni. Hjá CAB var hann með 16 stig og 5.3 stoðsendingar a.m.t í leik og stigahæstur í liðinu og hjá Schwelmer var hann með 19 stig og 4.5 stoðsendingar.

Jason er mikil skytta og með frábæra nýtingu í skotum sínum og er einnig góður að leika uppi félaga sína og er mikill leiðtogi.

Hér eru hlekkir á drenginn frá Þýskalandi og Portúgal

Við vonumst til að geta verið með fleiri fréttir af liðinu þegar líða tekur á vikuna, en allt er gert til að tefla fram góðu liði í Dominosdeildina næsta vetur og dropinn holar steininn.

Mjög góður fundur með stjórn KKÍ

Stjórn körfuknattleikssambands Íslands setti í ferðagírinn og komu hingað til viðræðna við stjórn KFÍ og HSV. Fundurinn var haldinn í stjórnsýsluhúsinu á Ísafirði. Fyrst fundaði stjórn KKÍ um mál sambandsins og þar á eftir var komið að fundi með KFÍ. Sá fundur var góður og gagnlegur og stóð í tvo tíma. Þegar þessum fundi lauk kom svo Pétur Markan framkvæmdarstjóri HSV til fundar og var með gott innlegg á fundinn. Það sem er auðvitað helsta baráttumál okkar á landsbyggðinni er ferðakostnaður og hvað er hægt að gera til að lækka þann kostnað. Sú umræða þarf að opnast og er okkar von að sérstök nefnd verði sett á laggirnar sem fari í að sjá hvað er hægt að gera til að lækka þennan kostnað sem er satt best að segja að setja hömlur á þáttöku liða af landsbyggðinni. Þetta er hagmunarmál allra í íþróttafélaganna innnan UMFÍ og ÍSÍ og það hlýtur að vera kappsmál að halda á lofti slagorðunum ,,íþróttir eru fyrir alla".

Það er gríðarlega mikilvægt að fá svona fundi í héraðið og er oft sagt að betur sjá augu en auga og það á vel við hér. Við þökkum stórn KKÍ kærlega fyrir góðan fund og einnig Pétri Markan sem er að standa sig vel í starfi framkvæmdarstjóra HSV.

Sumaræfingar yngri flokka

Körfuknattleiksfélag Ísafjarðar mun næstu sex vikurnar bjóða uppá sumaræfingar í körfubolta fyrir yngri flokka og verður fyrsta æfingin í dag, þriðjudag. Æft verður tvisvar í viku í íþróttahúsinu að Torfnesi á þriðjudögum og fimmtudögum kl. 17-18.20. Æfingarnar eru hugsaðar fyrir börn á aldrinum 9-14 ára. Guðni Guðnason mun halda utan um æfingarnar í sumar en hann er mikill reynslubolti í íþróttinni, bæði sem leikmaður og þjálfari. KFÍ hvetur alla áhugasama krakka til að nýta sér sumaræfingar félagsins og kynnast þannig betur þessari skemmtilegu íþrótt. Kostnaði er haldið í lágmarki og er gjaldið fyrir sex vikur einungis 3.000 krónur.

Sunnudagur til sigurs og kvöldvaka

Allstar liðin

Austur með reynsluboltana Nemanja og Borce

Vestur að leggja á ráðin með Geof

Muurikka matur

Svangir púkar

Bylgja er alltaf brosandi

Gaui að misþyrma Bubba

Verðlaunahafar úr hópi 1

Verðlaunahafar úr hópi 2

Verðlaunahafar úr hópi 3

Verðlaunahafar úr hópi 4

Verðlaunahafar úr hópi 5

1 af 12

Sunnudagurinn hófst með æfingum frá kl.08.00 og voru þjálfararnir með sína flokka til 11.00 en þá tók við þjálfaranámskeið. Nemanja Jovanovic reið á vaðið og hélt góðan fyrirlestur. Eftir hádegismat tók Geof Kotila við og það er eins og þessi maður hafi fæðst talandi, hann er snillingur í ræðumennsku og heldur öllum við efnið. Hann er einnig einkar laginn við að leyfa öllum að spyrja og svarar eins og honum er lagið. Og víst er að svona þjálfaranámskeið eru að gera okkur öll betri, og er þá alveg sama hvort það eru þjálfarar, iðkendur eða forráðamenn sem eru að taka þátt.

Síðan tók við keppni innan flokkana í vítum, þrautabrautum, leikni, 1 á 1 og þriggja stiga keppni og munum við setja inn nöfn allra verðlaunahafa á morgun, en setjum inn myndir bæði hér og á síðu okkar á Facebook

Seinniparturinn fór síðan í að undirbúa Muurikka veislu frá Steina kokk og var hann með steinbít í sítrónulegi og ostasósu og pylsur og með þessu var salat og læti. Það er óhætt að segja að fólkið hafi tekið þessu vel í rjómablíðu við Jakann og ekki ólíklegt að Muurikka panna hafi verið seld suður, enda töfratæki hér á ferð.

Þegar allir voru saddir og sælir var haldið inn á Jakann og við tóku úrslit í vítakeppni í öllum flokkum og var mikil spenna þar. Svo stigu á stokk þeir sprellarar Pétur Markan framkvæmdarstjóri HSV og Ingvar Áki handboltaþjálfari Harðar og sögðu sögur sem allar eru sannar að sjálfsögðu. Þeir gerðu smá grín að KJ (Kjartan Atli meistari frá Stjörnunni) sem er rappari mikill, en hann átti að koma í búðirnar og taka þátt í þessari kvöldvöku. Kjarri er rappari góður og voru þeir Pétur og Ingvar að kynda drenginn. En viti menn, Kjarri kom allt í einu í símaviðtal í beinni í hátalarakerfinu og svaraði fyrir sig og vakti þetta mikla kátínu. Þeir félagar voru góðir og náðu að snúa upp á Gaua með því að láta hann syngja Stál og Hníf sem Bubbi gerði ódauðlegt þangað til að Gauinn söng það. Hann bað alla þjóðina afsökunar og Bubba þar með talinn.

Þegar þessu atriði lauk var komið að keppni úrvalslliða búðanna þar sem leikmenn spilðuðu annars vegar fyrir Austur og hins vegar Vestur og var verið að vísa í gömlu blokkirnar úr kalda stríðinu og voru þjálfarar Goaf Kotila og Erik Olsen fyrir Vestur og þeir Borce Ilievski og Nemanja Jovanovic fyrir Austur. Þetta var mikil keppni sem endaði með sigri Austur blokkarinnar 24-23 en í viðtali eftir leik sagði Kotila að þeir Borce og Nemanja hafi unnið á svindli og fékk fólk til að brosa. Borce var þó fljótur að svara og eyddi þessu örugglega með góðu tilsvari. Gaman að var sjá tilþrif krakkanna og sáust skemmtilegar körfur og sendingar. Það var þó Kotila sem stal senunni með smá "break dance" í miðjum leik.

Það voru þreyttir en mjög ánægðir iðkendur, þjálfarar, foreldrar og starfsfólk sem hélt heim um 22.00 og er nokkuð öruggt að bros krakkanna hafi verið ósvikið þrátt fyrir að ekki hafi allir sigrað í þrautum, þá voru allir sigurvegarar eftir þessar æfingabúðir. Það er óhætt að segja að æfingabúðirnar hafi gengið vel og þrátt fyrir smá meiðsli og veikindi sem óhjákvæmilega fylgja svona álagi, þá fara allir sáttir til síns heima og er þegar búið að gefa upp að næstu búðir verða 3-8.júní 2014 og ætla allir þjálfararnir sem núna voru að koma aftur.

Við erum stolt af þeim sem komu hingað í heimsókn. Allir voru til fyrirmyndar og sínu bæjarfélagi til sóma. Við viljum koma þökkum til þeirra er lögðu okkur lið og sérstaklega viljum við þakka körkkunum sem komu til okkar. Það er auðvelt að vilja að gera svona ár eftir ár þegar við fáum svona góða krakka og þjálfara. Þá er vinnan mun auðveldari.

Hafið þökk fyrir öll sem eitt.

Stjórn KFÍ og starfsfólk.

Dagur fjögur í máli og myndum

Það er kúnst að kunna að senda boltann

Bíósalurinn

Þjálfaranámskeið á fullu

Borce með námskeið

Mamma er best

High five

Keppni

Tískan á hreinu

Helgi kann þetta allt enn

1 af 9

Fimmti dagur æfingabúða KFÍ hélt áfram í dag og núna eru flestir krakkarnir komnir yfir þreytuþröskuldinn sem hefur gert vart við sig. Þjálfararnir hafa passað upp á að krakkarnir séu í hvíld og staffið ómetanlega hér í búðunum hefur séð um að ávextir og matur sé til staðar allan daginn. Hvíl og næring er líka mikill partur af því að komast í æfingaform.

Um kvöldið var svo haldið áfram í keppnum og verða úrslitin háð á sunnudeginum, ásamt því að kvöldvaka, grill og óvæntur leikur verður settur á dagskrá sem nánar verður greint frá hér á síðunni.

Krakkarnir eru enn skælbrosandi og á milli æfinga er horft á bíómyndir frma í "the lounge" og er jafnan þéttsetinn bekkurinn.

Myndir hér með fréttinni og síðu okkar einnig á Facebook

Dagur fjögur með þjálfaranámskeiði og keppnum

Nemanja að leiðbeina

Stund á milli stríða

Errik með Lindu

Knattrak

The girls

Meistarinn

,,Hands on"

Skotæfing

Krakkarnir hugfagnir

Námskeiðið hafið

Zzzzz

Hugsandi

Á tali..

Gert að sárum

Come here boy

Slökun

Þetta er svo einfalt krakkar

Óskar og Erik að leiðbeina "púkunum"

Tæknibrautin

Master

Keppnin á fullu

Sjáðu þetta

Uppkast

1 af 23

Þá eru búðirnar hálfnaðar og allt á áætlun. Þjálfaranámskeiðin eru byrjuð og mikill áhugi hjá þjálfurum, iðkendum og foreldrum að fylgjast með og læra eitthvað nýtt um þessa frábæru íþrótt okkar.

Krakkarnir eru þreytt, en samt geisla þau af gleði. Aumir vöðvar og smá tognanir eru hér og þar, en þau harka það af sér enda klassa krakkar á ferð.

Hér eru myndir til að njóta sem teknar eru af Horne hjónunum frá Grindavík sem eru hirðljósmindarar okkar að þessu sinni. Og myndirnar segja meira en þúsund orð og því óþarfi að lýsa þeim.

Við setjum fleiri myndir inn á Facebook síðuna hjá KFÍ og hér er linkur

Dagur þrjú í máli og myndum

Borce með yngstu púkana

Skytturnar þrjár

Þetta verða allir að gera

Ratleikur að hefjast með Árna

Allir fylgjast með

,,ekki í mínu húsi"

Nemanja í hvíld

Klifrað í útifjörinu hjá Árna

Nemanja og Erik að messa

Góð sending

Assist

Bleikt er inn í dag

Finnur leggur á ráðin

Fylgst með í VIP

Öðlingurinn Kotila

James hefur minnkað

Nemanja er kómískur

Erik að kenna

Mömmurnar alltaf brosandi

And one?

Aktíon

1 af 21

Fjörið hélt áfram í dag með miklum látum. Hafist var handa snemma um morguninn og krakkarnir þreyttir en tilbúin í verkefnið. Byrjað var á stöðvaþjálfun og yngri krakkarnir hófu keppni í vítum og verður nánar greint frá því þegar aðrar keppnir hefjast hjá eldri liðunum.

Krakkarnir eru að standa sig mjög vel bæði innan og utan vallar og er gaman að segja frá því.

Við setjum hér inn myndir frá deginum.

Frábær dagur að baki

Einbeitt

Arnar að kynna sér krakkana

Allir klárir nema Pési sem þarf að tjá sig

Gamli maðurinn

Finnur, Nemanja og Arnar leggja línurnar

The Boss

Finnur messar yfir krökkunum

Arnar að kynna sér krakkana

Erik er alltaf brosandi

Finnur með sporin

Útifjör með Árna

Árni að leiðbeina

Yngstu púkarnir

1 af 13

Það er óhætt að segja að fyrsti dagur Körfuboltabúðanna hafi byrjað með látum. Hópar flykktust á Jakann í rjómablíðu og var eins og það væri síðasti dagur á útsölu í einhverri sportvöruverslun. Krakkarnir voru svo spenntir að byrja að sumir gleymdu skónum út á vist og þurftu að hlaupa til baka á mettíma til að missa ekki af neinu. Það er nú samt svo að búðir sem þessar kenna að hvíld er besti vinur þinn, þó að krakkarnir átti sig ekki á því strax. Þetta er kúnst að kenna og mikilvægt að það sé jafnvægi á milli æfinga og hvíldar. Þetta gera þjálfararnir vel og eru með allt á hreinu.

Af þjálfurunum eru mættir þeir Árni Ívar, Borce, Finnur, Nemanja, Erik, Arnar og Kotila og er bros allan hringinn hjá þeim eins og venjulega. Þeir eiga það sameiginlegt með öllum hér að elska þessa íþrótt. Jákvætt er að sjá fjölda foreldra og þjálfara hér fyrir vestan og eru þeir virkir allan daginn. Keypt eru kaffikort og svo farið á svalirnar til að horfa á og læra.

Árni Ívar er með útifjör sem er ætlað að auka hreyfileikni en þar er m.a. farið út í leiki, ratleik o.fl.  Með útifjörinu er inniveran brotin upp og krökkunum komið í vestfirskt súrefni.

Starfsfólk búðanna eru einnig að skila sínu og vel það. Skipulag er til fyrirmyndar og starfsfólk hússins og vinnuskólans að standa sig einkar vel.

Máltækið ,,gaman, saman" er málið og virkar sem aldrei fyrr.

Meira seinna í dag. Myndabunki fylgir fréttinni.

Körfuboltabúðirnar hefjast í dag

Körfuboltabúðir KFÍ verða settar í fimmta sinn í dag.  Næstu daga munu 100 börn og unglingar æfa og spila körfubolta frá morgni til kvölds.  Skipulag búðanna er komið á netið og má finna hér.

Körfuboltakynning í Bolungarvík

Þessi glæsilegi hópur tók á móti okkur í Bolungarvík.