Uppskeruhátið yngri flokka KFÍ lokið

Glatt á hjalla

Guðfinna að kynna verðlaun vetrarins

Heiðdís og krílin hennar

Minniboltinn okkar

8.flokkur drengja

Hluti 8.flokks stúlkna

Rósa og Lilja

11.flokkur drengja

1 af 8

Í dag var uppskeruhátíð yngri flokka KFÍ haldið í hreint mögnuðu veðri og var mæting til fyrirmyndar bæði frá iðkendum og foreldrum. Einnig voru afar og ömmur mætt til að taka þátt í þessum degi. Keppni var sett upp þar sem að blandað saman í lið og voru þarna yngstu "púkarnir" okkar 5 ára að spila með 17 ára krökkunum og fannst þeim það ekki leiðinlegt. Svo var farið í risa "stinger" þar sem foreldrarnir sýndu að það er aldrei of seint að reyna að vera "cool".

Svo var komið að uppskeru verðlaunum fyrir veturinn og var því stjórnað af Guðfinnu Hreiðarsdóttur formanni barna og unglingaráðs KFÍ og eins og hennar er von og vísa tókst það með afbrigðum vel og voru börn og unglingarnir okkar ánægð með sitt.

Yngri iðkendur okkar fengu öll verðlaun fyrir sitt framlag og eru allir sem æfa hjá okkur sigurvegarar.

Eftirtaldir fengu verðlaun:

8.flokkur drengja

Besta mætingin: Haukur Rafn Jakobsson

Mestu framfarirnar: Tryggvi Fjölnisson

Besti leikmaðurinn: Rúnar Ingi Guðmundsson

8.flokkur stúlkna

Besta mætingin: Hekla Hallgrímsdóttir

Mestu framfarirnar: Þorsteina Þöll Jóhannesdóttir

Besti leikmaðurinn: Linda Marín Kristjánsdóttir

11.flokkur drengja

Besta mætingin: Hákon Ari Halldórsson

Mestu framfarirnar: Ævar Höskuldsson

Mikilvægasti leikmaðurinn: Hákon Ari Halldórsson

Besti leikmaðurinn: Haukur Hreinsson

Stúlknaflokkur

Besta mætingin: Rósa Överby

Mestu framfarirnar: Rósa Överby

Mikilvægasti leikmaðurinn: Lilja Júlíusdóttir

Besti leikmaðurinn: Eva Kristjánsdóttir

Góður dagur að kveldi kominn og allir sáttir við sitt. Kærar þakkir til allra sem lögðu sitt til að gera þennan vetur að veruleika.

Aðalfundur KFÍ tókst vel

Stjórn KFÍ. Guðni Ó. Guðnason, Ingólfur Þorleifsson, Óðinn Gestsson, Guðfinna Hreiðarsdóttir, Birna Lárusdóttir, Magnús Heimisson og Sævar Óskarsson formaður. Á myndina vantar Jón Steinar Guðmundsson sem var á sjó að bera björg í bú!

Nú rétt í þessu lauk góðum aðalfundi KFÍ. Fundarstjóri var Gísli Halldór Halldórsson sem að venju stýrði fundinum af röggsemi og hélt fólki við efnið. Formaður KFÍ Sævar Óskarsson var endurkjörinn og með honum eru þau Guðni Ólafur Guðnason, Óðinn Gestsson, Ingólfur Þorleifsson, Birna Lárusdóttir og Guðfinna Hreiðarsdóttir. Nýjir menn koma inn í varastjórn en það eru Magnús Heimisson og Jón Steinar Guðmundsson, en Sturla Stígsson og Unnþór Jónsson láta af störfum og er þeim þakkað frábært starf í þágu félagsins.

Ársskýrsla stjórnar verður sett inn á síðuna á næstu dögum.

Áfram KFÍ

Uppskeruhátíð yngri flokka á fimmtudaginn

Uppskeruhátíð yngri flokka KFÍ verður haldin í íþróttahúsinu á Torfnesi næsta fimmtudag, uppstigningardag, frá kl. 13 til kl. 15. Að venju fer fram keppni blandaðra liða og börn og foreldrar takast á í Stinger-keppni. Veittar verða viðurkenningar í öllum flokkum og loks verður slegið upp veglegri veislu þar sem m.a. verður boðið upp á pylsur og ís. Foreldrar eru sérstaklega hvattir til að koma og fagna lokum vetrarstarfsins með krökkunum.

Um leið og KFÍ kveður veturinn með uppskeruhátíð lýkur formlegu vetrarstarfi en nóg er samt um að vera hjá félaginu því miðvikudaginn 5. júní nk. hefjast hinar árlegu Körfuboltabúðir KFÍ. Þar verður að venju boðið upp á vandaða og fjölbreytta dagskrá með frábærum þjálfurum, íslenskum og erlendum. Upplýsingar um körfuboltabúðirnar má finna á vefsíðu félagsins, www.kfi.is.

Vel heppnuð minniboltaferð að baki

Flottir minniboltadrengir KFÍ

Ísbúð Vesturbæjar klikkar ekki

Þétt setinn áhorfendabekkurinn

1 af 3

Minniboltadrengirnir í KFÍ fóru suður á föstudaginn í keppnisferð en fresta þurfti ferð þeirra um daginn vegna veðurs.  Ferðin varð nú aðeins styttri í annan endann en áætlað var því Snæfellingar gátu ekki tekið á móti okkur á sunnudeginum eins og stefnt hafði verið að.  Minniboltadrengirnir okkar hafa reynt ýmislegt í vetur í tengslum við keppnisferðir þ.a. þeir kipptu sér ekki upp við breytt ferðaplan og héldu glaðir af stað til höfuðborgarinnar seinni part föstudags.  

Við komuna til Reykjavíkur var byrjað á að borða og síðan haldið í Vesturbæinn en við höfðum fengið inni í félagsmiðstöðinni í Frostaskjóli.  Eftir góðan ísgöngutúr  var farið snemma að sofa.  Eitthvað var loftleysi í tengslum við vindsængur að stríða okkar mönnum um nóttina en þeir létu það ekki á sig fá og vöknuðu sprækir og hressir tilbúnir í slaginn.

Leiknir voru tveir leikir í Smáranum í Kópavogi, einn við Breiðablik og hinn við Stjörnuna undir dyggri stjórn Zekos sem hljóp undir bagga með sínu gamla félagi.  Báðir leikirnir töpuðust en okkar menn börðust vel og sýndu oft góða takta.  Sérstaklega gaman var að sjá nokkrar þriggja stiga körfur steinliggja.  Eftir að körfuboltaleikjunum var lokið lá leiðin í Skemmtigarðinn í Smáralind þar sem tekið var vel á því í Lasertag og gaman að segja frá því að drengirnir voru álíka sveittir eftir þá raun eins og eftir leikina.  Heimferðin gekk eins og í sögu og þar með hafa minniboltadrengirnir í KFÍ lokið keppni í vetur.

Aðalfundur KFÍ verður 8.maí

Sævar Óskarsson formaður KFÍ

Aðalfundur KFÍ verður haldinn miðvikudaginn 8 maí kl 18.00

Fundurinn verður á 2 hæð í Íþróttahúsinu á Torfnesi.

7. gr. Verkefni aðalfundar.

1. Kosning fundarstjóra og fundarritara.
2. Skýrsla stjórnar fyrir síðastliðið starfsár.
3. Lagðir fram endurskoðaðir reikningar félagsins.
4. Kosning formanns til eins árs.
5. Kosning tveggja stjórnarmanna til tveggja ára.
6. Kosning þriggja manna í varastjórn til eins árs.
7. Kosning tveggja endurskoðenda.
8. Kosning nefnda.
9. Lagabreytingar.
10. Önnur mál.

Allir þeir sem koma að starfsemi félagsins, iðkendur, sjálfboðaliðar, foreldrar iðkenda og fylgismenn

eru hvattir til að mæta á fundinn.

8. gr. Atkvæðisréttur og kjörgengi.

Rétt til setu á aðalfundi með málfrelsi, tillögurétt og atkvæðisrétt eiga allir félagsmenn.

Rétt til kjörgengis í stjórn eiga þeir félagar sem eru orðnir 18 ára.

f.h. stjórnar KFÍ.

Sævar Óskarsson

Formaður

Áhugavert fyrir stúlkur sem vilja ná langt í námi og íþróttum

Karfa + skóli = árangur

KFÍ stefnir að því að fá stelpur Vestur í skóla og körfubolta næsta vetur. Það er verkefni sem við ætlum að setja upp sem svona "college" hugmynd þar sem við tengjum sama skóla og körfubolta með afreksstefnu að leiðarljósi. Við hvetjum stelpur sem hafa metnað í að ná langt í skóla og körfu að hafa samband og kynna sér út á hvað þetta gengur. Þetta er spennandi hugmynd og tilvalið fyrir stelpur á aldrinum 16-20 ára. Það hefur vantað verkefni sem þetta á Íslandi og vegna þess að við erum í góðri aðstöðu hér eð góðan skóla, heimavist og afreksstefnu þá er okkur ekkert að vanbúnaði að hefja svona verkefni.

Þótt að lífið sé körfubolti þá er mikilvægt að muna að námið er ekki síður mikilvægt. Með því að tvinna þetta saman er hægt að búa til afreksfólk á báðum sviðum. Það hefur margsannað sig í gegn um tíðina hve vel hefur gengið fyrir íþróttafólk sem hefur stundað íþróttir samhliða námi og það er vilji okkar að hlúa að þessu hér fyrir vestan.

Við hvetjum ungar stelpur að kynna sér þetta hjá félaginu og allar frekari upplýsingar gefur Gaui.Þ og hægt er að senda á hann póst á netfangið sem er hér að neðan

kfibasketball@gmail.com

Kjartan Atli Kjartansson á leið í æfingabúðirnar

Kjartan Atli er á leið í æfingabúðir KFÍ í fyrsta sinn en hefur verið að þjálfa frá árinu 2005 er hann þjálfaði hjá Stjörnunni auk þess að spila með meistaraflokk félagsins. Hann stofnaði körfuknattleiksdeild Áltanes árið 2007 þá 17 ára gamall og þjálfaði þar í tvö ár. 2011 tók Kjartan við þjálfun hjá Fsu og tók þar eitt ár áður en hann kom aftur til Stjörnunnar 2012 og þjálfaði mfl.kv, 7.flokk og mb 11.ára og náði mjög góðum árangri. Kjarri hefur unnið Íslandsmeitaratitil með tveim liðum og náð öðru sæti á Scania Cup. Kjarri er líflegur og skemmtielgur þjálfari sem smitar út frá sér með gleði. Við bjóðum Kjarra velkominn í hópinn.

Enn einn frábær þjálfari í æfingabúðirnar

Nemanja Jovanovic kemur frá Serbíu upprunarlega og var þar meðal annars leikmaður í unglingaliði Red Star frá Belgrad og síðan leikmaður BC Kolubara Lazarevac. Hann hefur þjálfað í Serbíu, Spáni og Danmörku og var í vetur aðstoðarþjálfari 79ers Denmark. Hann er aðstoðarþjálfari u-16 landsliðs Danmerkur og var í fyrra einnig aðstoðarþjálfari u-18 ára landsliðsins. Hann hefur unnið til margra verðlauna sem þjálfari yngri liða í Serbíu og á Spáni og var meðal annars valinn þjálfari ársins hjá BC Kolubara Lazarevac á Spáni.

Hann er með mikla reynslu í að halda þjálfaranámskeið og hefur flutt marga fyrirlestra meðal annars á Spáni, Litháen og Svíþjóð. 

Nemanja fær meðmæli frá þjálfurum eins og Darko Rajakovic frá Tulsa NBA-D. Við fögnum komu hans í æfingabúðirnar sem eru með hverjum degi að vera meira spennandi fyrir iðkendur og þjálfara sem vilja læra meira.

Eric Olson bætist í góðan þjálfarahóp í æfingabúðunum

Eric er 26 ára gamall og er þjálfari Fsu. Hann spilaði sem atvinnumaður í Englandi, Þýskalandi og í Ástralíu. Hann hefur verið að vinna við körfuboltabúðir í Englandi, Grikklandi og í BNA og einnig hefur hann þjálfað í Ástralíu og hjá Sun Walley community collage.

Eric gerði góða hluti með Fsu bæði hjá meistaraflokk og hjá akadeíunni og var núna nýlega að skrifa undir nýjan samning hjá þeim á Selfossi. Eric er góð viðbót í þjálfarateymið.

Birgir Örn Birgisson nýr þjálfari mfl. KFÍ

Birgir Örn Birgisson hefur verið ráðinn sem nýr þjálfari meistaraflokka KFÍ og er stjórn félagsins mjög ánægð með að fá hann til starfa. Brgir Örn er Ísfirðingur og spilaði hér ungur að árum í körfu og var einnig í hinu gríðarsterka sundliði Vestra. Hann fluttist til Akureyrar og spilaði þar þrjú tímabil með Þór áður en hann fór til Keflavíkur og var í hraðlest þeirra í þrjú ár og varð tvöfaldur Íslandsmeistari með Keflavík. Hann var í landsliði Ísland bæði í körfubolta sem og sundi.

Birgir hefur um árabil verið í Þýskalandi og hefur þjálfað þar með góðum árangri. Birgir er mikill sigurvegari í hugsun og í verki og hefur ekki verið þekktur fyrir að vera í meðalmennskunni. Hann krefst mikils af sjálfum sér sem og þeim sem eru honum samferða.

Það er mikil tilhlökkun að fá Birgi Örn og fjölskyldu hans hingað. Eiginkona hans er Sigrún Pálmadóttir óperusöngkona frá Bolungarvík og eiga þau tvö börn.

Nú er tímabilið 2013-2014 komið á fullt og verður næsta verk að ganga frá samningum við leikmenn og ríkir mikil bjartsýni í þeirri ferð.

Áfram KFÍ