Dregið í Lengjubikar karla

Stefán mótastjóri og Hannes formaður klárir í slaginn

Í dag var dregið í riðla í Lengjubikarnum og erum við í B-riðli ásamt KR, Snæfell og 1.deildarliði Hamars úr Hveragerði. Borce fyrrum þjálfari KFÍ fær að keppa gegn Tindastól með sínu nýja liði Breiðablik. Leikið er heima og að heiman og hefjast leikirnir 14.október  

KFÍ grillaði fyrir áhöfn og gesti Júlíusar Geirmundssonar

Klár á grillið

Gestir gæða sér á kræsingum. Mynd BB.is

Klassa lið :)

1 af 3

Á sunnudagskvöldið kom skip HG, Júlíus Geirmundsson eftir að setja nytt met en þeir komu á land með aflaverðmæti upp á 360 milljónir króna eftir 39 daga veiðiferð. KFÍ setti upp grill og sá um að gefa áhöfn Júllans, fjölskyldur þeirra og gesti að borða en boðið var upp á pylsur og hamborgara. 

Til hamingju HG og áhöfn Júlíusar Geirmundssonar

Pance Ilievski kominn heim

Pance Ilievski. Mynd: Karfan.is

Pance Ilievski er genginn aftur í raðir Ísfirðinga eftir að hafa leikið síðasta tímabil með Bolungarvík. Pance er flestum áhangendum KFÍ kunnur enda lék hann með liðinu á árunum 2006-2011 og sigraði með þeim í 1. deildinni árið 2010.

Mirko Stefán Virijevic á leið til KFÍ

Mirko Stefán Virijevic.

Miðherjinn snjalli Mirko Stefán Virijevic (201 cm, 107 kg) hefur samið við KFÍ um að leika með félaginu á næstu leiktíð, en hann gerði garðinn frægann með Snæfell, Breiðablik og Haukum á árunum 2000-2005.

Íþróttahúsið lokað - engar æfingar þessa vikuna

Vegna viðhalds verður íþróttahúsið Torfnesi lokað þessa vikuna og því verða engar inni æfingar þessa vikuna.  Æfingar yngri flokka sem verið hafa falla því niður þar til annað verður auglýst.

Unglingaráð

KFÍ semur við B.J. Spencer

Velkominn B.J. Spencer

KFÍ var að ganga frá samning við hinn 28 ára gamla bakvörð B.J. Spencer. Spencer, sem er 193 cm og 90 kg, útskrifaðist frá Jacksonville State háskólanum og hefur meðal annars leikið í Portúgal og á Spáni. Drengur þessi á að falla vel að leikskipulagi KFÍ næsta vetur en fyrir var búið að ganga frá samning við Chris Miller-Williams um að koma aftur, en hann reyndist KFÍ ákaflega vel síðasta vetur. Hér fyrir neðan má sjá myndbönd frá Spencer síðan hann var á Portúgal og á Spáni.

Spencer á Spáni

Spencer í Portúgal

Áfram KFÍ

KFÍ-TV og Tron Media senda út víða

Alltaf viðbúnir

Það er óhætt að segja að KFÍ-TV sé víða með útsendingar. Við erum að sjálfsögðu að senda út körfuboltann á veturna og svo núna fótboltann á sumrin, en við tökum allt að okkur. Núna síðast erum við ásamt Einar Braga og Jóa Guðbjarts í Tron Media að senda frá kosningafundi Ólafs Ragnars Grímssonar í kvöld og erum við að sjálfsögðu til í að senda út fyrir alla aðra frambjóðendur, enda erum við alþýðulegir þegar kemur að útsendingum og drögum enga í dilka.

Endilega látið okkur vita ef við getum sent út viðburði.

Við minnum á opnar æfingar fyrir alla yngri flokka

Æfingin skapar meistarann

KFÍ er með opnar æfingar fyrir alla yngri flokka sína og eru þær á mánud.-þriðjud. og fimmtudögum frá 16-17.00 og hvetjum við stelpur okkar og drengi að mæta.

Þjálfari er Pétur Már Sigurðsson.

Fram tók öll stigin á Torfnesvellinum í dag

Flott hjá stelpunum þrátt fyrir tap

Stelpurnar í BÍ/Bolungarvík tóku á móti Fram í dag og þrátt fyrir 0-4 tap eru greinilegar framfarir hjá liðinu og var haft eftir þjálfara gestanna Agli Þórarinssyni að þetta hafi verið erfiðasti leikur þeirra í sumar. Munur liðanna í dag var stórleikur Maríu Rós Arngrímsdóttur en hún setti í rándýra þrennu (20-65 og 92 mín) og Dagmar Ýr Arnarsdóttir skoraði fjórða mark Fram eftir glæsilega sendingu frá Maríu Rós.

Það eru miklar og merkjanlegar framfarir hjá stelpunum okkar og þegar þær fá meiri leikreynslu vitum við að þær munu þokast upp töfluna.

Stelpurnar okkar voru mjög góðar í fyrri hálfleik og settu pressu á Fram og sköpuðu sér góð færi, en eftir að Fram skoraði annað markið á 65 mínútu fóru þær að gefa eftir, en gáfust aldrei upp og það má segja að við höfum fengi tvö ódýr mörk á okkur, en hin voru verðskulduð. En mörkin segja ekki alla söguna hér ídag eins og kom fram hjá þjálfara gestana. 

Jónas þjálfari BÍ/Bol var ánægður heilt yfir og hrósaði stelpunum fyrir mjög góðan fyrri hálfleik , en viðurkenndi að þær hafi gefið gestunum og mikið pláss til að athafna sig í þeim síðari.

Að mati KFÍ-TV var dómari leiksins ekki samkvæmur sjálfum sér í dómum og fengu stúlkurnar okkar engan afslátt þar á bæ og uppskáru þær Marilia og Talita gul spjöld og þar af fékk Talita að sjá gult og rautt fyrir litlar sakir á 93 mínútu sem hefði átt að vera í mesta lagi gult og hafði engin áhrif á leikinn.

En skemmtilegur dagur eigi að síður þar sem sjáanlegar eru miklar framfarir hjá ungu liði BÍ/Bolungarvíkur og gaman að sjá hve margir mæta í brekkuna og styðja þær áfram.

Samba stúlkurnar frá Brasilíu voru fínar í dag sem og Silja sem var sterk í vörninni. En það er samt mikill stígandi í liðinu og gaman að sjá Regínu, Sigrúnu og Helgu Guðrúnu þegar þær komast á sprettinn, þær skapa oft mikinn usla.  Thelma og Margrét eru að stíga upp og læra meira með hverjum leik og þurftu að taka á honum stóra sínum ansi oft í tæklingum. Kristín varði margoft glæsilega og hafði nóg að gera á heimili sínu, og ekkert við hana að sakast í mörkunum. Sem sagt í heildina séð fín spilamennska og ekkert nema framfarir.

Næsti leikur hjá stelpunum er 23.júní kl.12.00 á Skeiðisvelli í Bolungarvík og skorum við að alla að mæta og hvetja liðið okkar Vestanmanna áfram.

Chris Miller-Williams skrifar undir á ný við KFÍ

Nautið er á leiðinni á Jakann á ný

Hinn öflugi framherji Chris Miller-Williams sem kom með okkur upp í efstu deildina hefur undirritað nýan samning við félagið um að spila hérna næsta vetur. Chris var geysilega öflugur og sýndi í leikjum í Lengjubikarnum og Powerade bikarnum að hann er vel samkeppnshæfur á vellinum og fyrir utan góðan leik innan vallar er hann mikill og góður karakter utan vallar sem er mikill og góður plús. Það er ávallt fagnaðarefni þegar leikmenn vilja vera áfram hjá félögum á Íslandi. Það sýnir festu og ábyrgð af beggja hálfu.

Við fögnum hans heimkomu og verðum með frekari fréttir næstu daga.

Áfram KFÍ