Allt á fullu hjá KFÍ

Momcilo er að lenda á næstu dögum

Þá er þetta að bresta á hjá KFÍ. Í morgun komu B.J. Spencer og Chris M.W. heim og eru að leggja sig eftir strembið ferðalag. En þeir voru báðir með bros á vör og hlakka til vetrarins.

Í morgun var einnig gengið frá samningum við dreng að nafni Momcilo Latinovic. Hann útskrifaðist frá New Mexico Highland University núna í vor þar sem hann var með 14.5 stig og 3.5 fráköst í leik. Hann er 198 cm. á hæð og getur spilað flestar stöður á vellinum. Hann er mikil skytta og var með 44% þriggja stiga nýtingu s.l. vetur.

Momcilo er væntanlegur á næstu dögum og hér má sjá myndband af kappanum.

Kristján Pétur fór í aðgerð á hné fyrir helgina og er kominn í sjúkraþjálfun og kemur vonandi til baka fljótt, en hann er í öruggum höndum hjá frábærum sjúkraþjálfurum hér fyrir Vestan.

Þá er allt að verða klárt hjá mfl. karla og tilhlökkun að fara að byrja tímabilið.

Pétur Már kominn heim

Pétur er kominn heim

Þá er allt að komast í eðlilegt horf á Jakanum. Pétur þjálfari er kominn heim eftir ansi langt og erfitt verkefni með landsliðinu út um alla Evrópu. Það er gott að fá hann til baka og núna eru erlendu leikmenn okkar þeir Chris og B.J. Spencer að koma á næstu dögum sem og að Mirko er að detta í hús og er þá hópurinn að verða klár fyrir veturinn.

Þetta verður mjög krefjandi vetur hjá KFÍ í öllum flokkum, en öllum er farið að hlakka til verkefna tímabilsins. KFÍ-TV er búið að vera í útsendingum í allt sumar með fótboltanum og eru komnir með ýmislegt nýtt sem áhugavert verður að sjá.

Yngri flokkar okkar eru komnir á fullt og stjórn KFÍ og unglingaráð eru á fullu. Sem sagt allt að gerast hjá okkur og tilhlökkun í hverju horni.

Áfram KFÍ

Krílakarfa KFÍ að hefjast

Krílakarfa KFÍ hefst á morgun miðvikudag 12.september, en þessar æfingar eru ætlaðar börnum á leikskólaaldri, 4-5 ára. Hún fer fram í íþróttahúsinu á Austurvegi og verður á miðvikudögum kl. 16 í vetur.

Shiran Þórisson verður þjálfari krílanna. Æfingarnar eru iðkendum að kostnaðarlausu. Þetta er þriðja árið sem KFÍ býður uppá krílakörfuna og hefur hún notið mikilla vinsælda hjá yngsta körfuboltafólkinu og foreldrum þeirra.

Áfram KFÍ

Mikil ánægja í körfufjöri

Þjálfararnir klárir

Zeko að sýna hvað skuli gera

Allur hópurinn í lok æfingar.

1 af 3

Körfufjör KFÍ fór fram með pompi og prakt á laugardaginn var.

Um 60 börn komu og prófuðu körfubolta undir öruggri handleiðslu þjálfara KFÍ.

Farið var í gegnum ýmsar æfinar og þrautir og körfubolti spilaður.

Það voru síðan þreyttir og ánægðir krakkar sem færðu sig yfir í menntaskóla eftir um tveggja tíma körfufjör.  Þar var boðið upp á pizzur og drykki og fylgst með landsleik Íslendinga og Svertfellinga í körfu og einnig var horft á körfuboltamynd. 

Dagurinn tókst mjög vel og gaman að sjá hversu margir komu og prófuðu okkar skemmtilega leik.

Fleiri myndir frá deginum er hægt að finna hér.

Körfufjör á laugardag

Körfubolti er fyrir alla !

Mikil körfuboltaveisla verður haldin í íþróttahúsinu á Torfnesi á morgun, laugardaginn 8. september, þar sem Körfuknattleiksfélag Ísafjarðar mun halda einskonar mini-körfuboltabúðir til að kynna grunnskólanemum þessa skemmtilegu íþrótt. Allir eru velkomnir en sérstaklega er horft til nemenda í 4-8. bekk sem hafa áhuga á körfu og vilja kynnast henni betur.

Körfufjörið hefst kl. 13 þar sem þjálfarar félagsins stýra stöðvaþjálfun og körfuboltaleikjum. Holl hressing verður á staðnum en að afloknum æfingum verður krökkunum boðið í pizzuveislu og skemmtilegheit í Gryfjunni í Menntaskólanum á Ísafirði. Þar verður einnig skemmtilega körfuboltamynd á skjánum sem og bein útending frá leik Íslands og Svartfjallalands með Þjálfara KFÍ sem er aðstoðarþjálfari Íslands og þar eru einnig Jón Arnór, Jakob Sigurðarson og Hlynur Bæringsson á meðal leikmanna, en þessir drengir komu hingað í æfingabúðir KFÍ í sumar og létu að sér kveða.

Segja má að þetta séu einskonar mini-körfuboltabúðir þar sem krökkum gefst kostur á að kynnast starfsemi KFÍ og fá upplýsingar um starfið framundan í vetur. Foreldrar eru sérstaklega hvattir til að koma og fylgjast með æfingum krakkanna en heitt verður á könnunni auk þess sem hægt verður að nálgast upplýsingabækling um starfið framundan í yngri flokkunum í vetur. Það er unglingaráð KFÍ sem stendur fyrir Körfufjörinu og er það von ráðsins að sem flestir kíki við á Torfnesi á laugardag til að kynna sér hvað KFÍ hefur upp á að bjóða fyrir yngri aldurshópa.

Allt að verða klárt fyrir veturinn hjá KFÍ

B.J. Spencer er orðinn spenntur líkt og við öll

Unnið er hörðum höndum að undirbúning keppnisdagagatalinu hjá KFÍ. Við byrjum tímabilið hér heima 7.október og svo hefst veislan. Við munum keppa rúmlega 50 heimaleiki í öllum flokkum og um svipað magn af útileikjum. Það verður því nóg að gera hjá KFÍ fjölskyldunni og er stjórn og þjálfarar í óða önn að klára þetta púsluspil. Það er að mörgu að hyggja enda erum við að keppa um allt land og má nefna hér nokkra staði. Akureyri, Sauðárkrókur, Stykkishólmur, Reykjavík, Grindavík. Keflavík, Njarðvík, Ólafsvík, Hella, Hveragerði, Laugarvatn, Borgarnes, Akranes, Hafnarfjöðru, Kópavogur.

Það sýnir á þessari upptalningu að mikið er um að vera og þurfum við að fá stuðning allra til að vel takist til. Svona dagskrá útheimtir mikla vinnu sem margir koma að. Við hvetjum ykkur að fylgjast með og mæta á leikina okkar. Við verðum með yngri flokkana frá minnibolta upp í unglingaflokk og svo meistaraflokka kvenna, karla og KFÍ-b.

Áfram KFÍ.

Æfingatafla yngri flokka tilbúin

Æfingatafla yngriflokka er klár.

Hægt að nálgast hana hér.

Endanleg tafla sem inniheldur meistaraflokka verður komin á vefinn innan skamms.

Vetrarstarfið í yngri flokkum hefst þriðjudaginn 4. september

Iðkendur okkar orðnir óþreyjufullir að hefja æfingar.  Búið er að opna íþróttahúsið eftir sumarfrí og æfingar hefjast af fullum krafti strax á morgun.

Ekki er enn urt að birta endanlega æfingatöflu þar sem örfá atriði eru ekki endanlega klár.

Eftirfarandi flokkar hefja leikinn á morgun  og munu hafa þessa tíma á þriðjudögum í vetur.

Minnibolti stúlkna (10-11 ára)   15.35 - 16.25

8. flokkur drengja (12-13 ára)   15.35 - 16.25

8. flokkur stúlkna (12-13 ára)    15.35 - 16.25

11. flokkur drengja (14-16 ára) 17.20 - 18.20

Fylgist með hér á kfi.is, restin af töflunni fer í loftið innan skamms

Vetrarstarfið að hefjast

Minniboltinn á góðri stundu

Nú þegar skólar eru komnir í gang styttist í að æfingatafla vetrarins birtist.

KFÍ mun bjóða upp á æfingar fyrir stráka og stelpur frá 10 ára aldri í Torfnesi og frá leikskólaaldri að Austurvegi.

Fyrir liggur að 7 yngri flokkar munu taka þátt í íslandsmóti, minniboltahópar munu fara á sín mót og að ógleymdum meistaraflokkunum okkar.  Spennandi vetur er framundan í úrvalsdeild hjá meistaraflokki karla og í 1. deild  hjá meistaraflokki kvenna.

Æfingatafla ætti að vera klár strax í byrjun næstu viku og viljum við biðja alla að fylgjast vel með hér á kfi.is.

Öflugir þjálfarar undir öruggri stjórn Péturs Más Sigurðssonar yfirþjálfara félagsins og aðstoðarlandsliðsþjálfara munu sinna þjálfun.

Dagbjartur Jónsson (Oddssonar) með silfur á ULM

Glæsilegur piltur

Dagbjartur Jónsson náði silfri í spjótkasti á ULM um verslunarmannahelgina. Við erum stolt af pilti en hann er að sjálfsögðu að æfa og keppa með KFÍ og faðir hans hinn síungi Jón Oddsson er aðstoðarþjálfari meistaraflokks og móðir hans Marta Ernstdóttir er í unglingaráði. Þau eru að sjálfsögðu landsþekkt í íþróttaheimnum og strákurinn ætlar greinilega að fylgja þeim fast á eftir 

Til hamingju með árangurinn