Mateusz Klóska íþróttamaður Ísafjarðarbæjar 2019

Mateusz Klóska íþróttamaður Ísafjarðarbæjar 2019.

Linda Rós Hannesdóttir efnilegasti íþróttamaður Ísafjarðarbæjar 2019.

Sérstök viðurkenning var veitt þeim iðkendum innan aðildarfélaga HSV sem hafa verið valdir til keppni fyrir Íslands hönd á vegum sinna sérsambanda á árinu 2019.

Rannveig Pálsdóttir og Guðríður Sigurðardóttir voru heiðraðar fyrir störf sín í þágu lýðheilsu kvenna.

1 af 4

Útnefning á íþróttamanni Ísafjarðarbæjar árið 2019 fór fram sunnudaginn 29. janúar í Stjórnsýsluhúsinu á Ísafirði. Einnig var efnilegasti íþróttamaður Ísafjarðarbæjar 2019 útnefndur ásamt því að veittar voru viðurkenningar til þeirra iðkenda aðildarfélaga HSV sem hafa verið valdir til keppni fyrir Íslands hönd á vegum sinna sérsambanda á árinu 2019. Þá var veitt sérstök viðurkenning vegna framlags til lýðheilsumála.

TILNEFNINGAR VESTRA TIL ÍÞRÓTTAMANNS ÁRSINS

Deildir Vestra hafa nú tilnefnt íþróttamenn sína til útnefningar Ísafjarðarbæjar á íþróttamanni ársins 2019. Þetta eru íþróttamenn sem hafa þótt skara fram úr í sinni íþrótt en einnig er horft til framtíðar og því ávallt tilnefndir þeir íþróttamenn sem þykja efnilegastir hverju sinni. Ekki er einungis horft til hæfileika einstaklinga heldur einnig tekið tillit til ástundunar, metnaðar og félagslegra þátta. Hópur tilnefndra er glæsilegur og eru þeir verðugir fulltrúar félagsins í vali þessu. Útnefning Ísafjarðarbæjar á íþróttamanni ársins 2019 mun fara fram við hátíðlega athöfn 29. janúar 2020 kl. 16.00.

Eftirtaldir íþróttamenn Vestra eru tilnefndir:

Blak: Mateusz Klóska

Hjólreiðar: Heiða Jónsdóttir

Knattspyrna: Zoran Plazonic

Körfuknattleikur: Hugi Hallgrímsson

Efnilegust innan vébanda Vestra þykja:

Blak: Kári Eydal

Hjólreiðar: Embla Kleópatra Atladóttir

Knattspyrna: Þórður Gunnar Hafþórsson

Körfuknattleikur: Gréta Proppé Hjaltadóttir

AÐALFUNDUR VESTRA 30. APRÍL 2019

Aðalfundur íþróttafélagsins Vestra 2019 verður haldinn á morgun, þriðjudaginn 30. apríl. Fundurinn fer fram á Hótel Ísafirði og hefst kl. 20:00. Á dagskrá eru hefðbundin aðalfundarstörf, lagabreytingar og önnur mál. Félagsmenn og aðrir sem koma að starfi félagsins eru hvattir til að mæta á fundinn.

Stjórn íþróttafélagins Vestra

Aðalfundur Vestra verður haldinn 30. apríl 2019

Aðalfundur íþróttafélagsins Vestra 2019 verður haldinn þriðjudaginn 30. apríl nk. Fundurinn fer fram á Hótel Ísafirði og hefst kl. 20:00. Á dagskrá eru hefðbundin aðalfundarstörf, lagabreytingar og önnur mál. Félagsmenn og aðrir sem koma að starfi félagsins eru hvattir til að mæta á fundinn.

Stjórn íþróttafélagins Vestra

Afrekssjóður HSV styrkir unga afreksmenn

Á dögunum var úthlutað styrkjum úr Afrekssjóði HSV og hlutu sjö ungir afreksmenn styrktarsamninga til eins árs, þar af fjórir frá íþróttafélaginu Vestra. Greiðir Afreksmannasjóður mánaðarlegan styrk til íþróttafólksins í eitt ár með það að markmiði að auka utanumhald og stefnumörkun á afrekssviði með áherslu á markmið og markvissan undirbúning þeirra iðkenda sem stefna að því að komast í fremstu röð. Einnig voru veittir styrkir til 11 iðkenda samvæmt því ferli sem áður hefur verið úthlutað eftir hjá Afrekssjóðnum.

Getraunirnar í gang

Starfið hefst í skúrnum við Húsið á morgun (15. sept).  Opið frá 11.00 - 13.00.

Aðalfundur Vestra verður mánudaginn 7. maí

Yfirlýsing frá aðalstjórn Vestra

Í kjölfarið á vakningu sem hefur orðið undir merkjum #metoo um ofbeldi innan íþróttahreyfingarinnar tekur íþróttafélagið Vestri heilshugar undir yfirlýsingu ÍSÍ sem fordæmir allt ofbeldi í starfi íþróttahreyfingarinnar enda er slík hegðun óásættanleg og ólíðandi.

Albert Jónsson útnefndur Íþróttamaður Ísafjarðarbæjar 2017

Albert Jónsson SFÍ, íþróttamaður Ísafjarðarbæjar 2017

Foreldrar Alberts Jónssonar taka við viðurkenningunni fyrir hans hönd.

Efnilegustu íþróttamennirnir

Margrét Halldórsdóttir afhendir Hörpu Grímsdóttur hjá blakdeild Vestra hvatningarverðlaun Ísafjarðarbæjar

1 af 4

Útnefning á íþróttamanni Ísafjarðarbæjar árið 2017 fór fram sunnudaginn 21. janúar í Stjórnsýsluhúsinu á Ísafirði. Einnig var efnilegasti íþróttamaður Ísafjarðarbæjar 2017 útnefndur ásamt því að veitt voru sérstök hvatningarverðlaun fyrir gott og gjöfult starf til íþróttamála í sveitarfélaginu. Það var gönguskíðakappinn Albert Jónsson frá Skíðafélagi Ísfirðinga sem var útnefndur sem íþróttamaður Ísafjarðarbæjar. Í umsögn um Albert segir að hann sé afburða íþróttamaður sem leggi mikið á sig fyrir íþrótt sína og uppskeri í samræmi við það. „Í skíðasamfélaginu er hann orðlagður fyrir einstaka samviskusemi og dugnað við æfingar. Hann setur sér háleit og krefjandi markmið og vinnur skipulega að því að ná þeim. Þessi eljusemi hefur nú skilað honum sæti í A-landsliði Íslands í skíðagöngu og á möguleika á að keppa fyrir Íslands hönd á Ólympíuleikunum í febrúar.  Áhugi Alberts og æfingagleði  smitar út frá sér og bætir alla í kringum hann. Hann er óþreytandi við að aðstoða og hvetja áfram liðsfélaga sína í Skíðafélagi Ísfirðinga og reyndar skíðagöngufólk um allt land.“

Þeir íþróttamenn sem tilnefndir voru til íþróttamanns Ísafjarðarbæjar 2017 auk Alberts eru eftirfarandi:

Auður Líf Benediktsdóttir Blakdeild Vestra

Axel Sveinsson Knattspyrnudeild Harðar

Daði Freyr Arnarsson Knattspyrnudeild Vestra

Daníel Wale Adeleye Handknattleiksdeild Harðar

Einar Torfi Torfason Glímudeild Harðar

 Kristín Þorsteinsdóttir Íþróttafélagið Ívar

Leifur Bremnes Skotíþróttafélag Ísafjarðarbæjar

Nebosja Knezevic Körfuknattleiksdeild Vestra

Stefán Óli Magnússon Golfklúbbi Ísafjarðar

Efnilegasti íþróttamaður Ísafjarðarbæjar 2017 var útnefndur Þórður Gunnar Hafþórsson knattspyrnumaður hjá Vestra. Í umsögn um Þórð segir að hann sé duglegur og hæfileikaríkur leikmaður sem átti fast sæti í meistarflokksliði Vestra í sumar aðeins 15 ára gamall. Hann var valinn í  úrtakshóp fyrir U17 ára landslið og síðar í lokahóp U17 ára landsliðs Íslands. Þórður fór á árinu með U17 ára landsliðinu á Norðurlandamót þar sem hann spilaði sína fyrstu landsleiki og síðar í undankeppni EM þar sem hann spilaði einnig landsleiki. Í desember var hann enn valinn í U17 ára hópinn. 

Þeir íþróttamenn sem voru tilnefndir til efnilegasta íþróttamanns Ísafjarðarbæjar auk Þórðar eru eftirfarandi:

Arnar Rafnsson Handknattleiksdeild Harðar

Ásgeir Óli Kristjánsson Golfklúbbi Ísafjarðar

Birkir Eydal Knattspyrnudeild Harðar

Dagur Benediktsson Skíðafélag Ísfirðinga

Hafsteinn Már Sigurðsson Blakdeild Vestra

Hilmir Hallgrímsson Körfuknattleiksdeild Vestra

Hörpu Grímsdóttur hlaut Hvatningarverðlaun fyrir gott og öflugt starf í þágu Blakdeildar Vestra og áður Blakfélaginu Skelli. Harpa hefur sinnt blakstarfinu af lífi og sál síðan hún flutti til Ísafjarðar fyrir 13 árum. Á þeim tíma hefur starfsemi félagsins vaxið og dafnað frá því að vera með tvö kvennalið í öldungarblaki í að vera með öflugt barna- og unglingastarf, lið í meistaraflokki bæði karla og kvenna í 1. deild Íslandsmóts ásamt heldri iðkendum í öldungablaki. Á síðustu árum hafa yngri flokkar félagsins unnið nokkra Íslandsmeistaratitla í sínum aldursflokkum og á síðasta ári varð meistaraflokkur karla deildarmeistarar í 1. deild og komust í undanúrslit í bikarkeppninni. Harpa komið að starfinu frá flestum hliðum, hefur meðal annars þjálfað ef ekki hefur fengist þjálfari. Er einnig mjög öflugur leikmaður og hefur endurtekið verið kjörinn besti leikmaður meistaraflokks kvenna. Harpa er nú formaður blakdeildar Vestra.

Ísafjarðarbær bauð til hófs þar sem útnefningar voru tilkynntar og viðurkenningar afhentar. Rúmlega 90 manns mættu og nutu glæsilegra kaffiveitinga í boði bæjarins.

Aðalfundur Vestra 22. maí

Aðalfundur íþróttafélagsins Vestra 2017 verður haldinn mánudaginn 22. maí. Fundurinn fer fram á Hótel Ísafirði og hefst kl. 20:00.