Stefna Skells í málefnum yngri flokka
Þjálfarar
Þjálfarar skulu hafa fagþekkingu á sviði þjálfunar og mun félagið sjá til þess að hennar sé aflað með því að:
Yngriflokkaráð skal fylgjast með starfi þjálfaranna og sjá til þess að það sé samræmt.
Foreldrar
Félagið skal sjá til þess að upplýsa foreldra um stefnu og markmið félagsins og stuðla að góðu sambandi þjálfara og foreldra. Upplýsingar um starfið skulu vera aðgengilegar á heimasíðu félagsins. Foreldrar skulu hvattir til að taka þátt í félagsstarfinu með börnum sínum og sjá þau spila blak á mótum og samæfingum.
Æfingar
Öll börn á sama aldri skulu hafa aðgang að æfingum félagsins, óháð kyni og líkamlegri og andlegri færni að eins miklu leyti og unnt er. Ef barn þarf á sérstakri meðhöndlun eða stuðningi að halda skal félagið ráðfæra sig við fagaðila og reyna að finna lausn til að hægt sé að hafa barnið á æfingum.
Æfingar eiga að vera fjölbreyttar og vel skipulagðar. Á æfingum eru börn þjálfuð í boltatækni, almennri hreyfifærni og líkamlegu þoli.
Einnig er unnið með aga og félagsfærni barna. Ef barn truflar aðra ítrekað á æfingunni og hlýðir ekki þjálfara er það látið sitja hjá í ákveðinn tíma eða er vísað af æfingunni.
Skipun í lið - mót
Þau börn sem hafa æft blak í tiltekinn tíma, eru dugleg að mæta á æfingar og leggja sig fram á æfingum geta tekið þátt í mótum fyrir hönd Skells. Öll börn í sama aldursflokki hafa sama rétt á að taka þátt í mótum að því gefnu að þau hafi sýnt góða ástundun. Ef fleiri en eitt lið í viðkomandi flokki tekur þátt í móti fyrir hönd Skells, eru liðin alla jafna getuskipt. Það er gert til þess að allir fái að taka þátt í blaki við sitt hæfi. Krakkablaki er skipt í stig eftir getu leikmanna og er keppt í blaki á mismunandi stigum á flestum krakkablakmótum.
Fjáröflun
Ætlast er til þess að allir þeir sem æfa blak hjá Skelli taki þátt í fjáröflunum félagsins. Sumar fjáraflanir eru þess eðlis að menn þurfa að mæta á ákveðnum tíma og ekki er hægt að ætlast til þess að allir geti mætt í hvert sinn. Ef einhverjir komast ekki í eina fjáröflun, taka þeir þátt í þeirri næstu. Aðrar fjáraflanir eru þannig að ætlast er til þess að hvert barn skili einhverju inn, t.d. köku á kökubasar, eða selji ákveðið magn af einhverju. Fjáraflanir hjá yngri flokkum eru venjulega ekki einstaklings-fjáraflanir, heldur er safnað fyrir hópinn, ýmist flokkinn eða tiltekna ferð. Ef einhver iðkandi sinnir illa fjáröflunum skal rætt við foreldra hans eða forráðamenn og ef það skilar ekki árangri er hægt er að skerða niðurgreiðslu til ferða. Slíkt skal þó metið í hvert sinn með hliðsjón af aðstæðum barnsins.
NánarÞriðjudaginn 8 febrúar sl. var aðalfundur Blakfélagsins Skells haldinn í fundarsal Íþróttahússins á Torfnesi á annari hæð.
Dagskrá fundarins var hefðbundin aðalfundarstörf. Breytingar urðu á stjórn félagsins, þar sem Sigurður Hreinsson gaf ekki kost á sér áfram sem formaður, auk þess sem Ásdís Birna Pálsdóttir óskaði eftir að losna úr stjórn. Nýr formaður var kjörinn Harpa Grímsdóttir en Sigurður heldur áfram í stjórn sem meðstjórnandi. Nýir stjórnarmenn komu inn í barna- og unglingaráð.
Á fundinum lagði stjórn félagsins fram stefnu félagsins í vímuvörnum. Forsaga þess máls er að á formannafundi HSV árið 2009 var samþykkt að öll aðildafélög HSV tækju upp stefnu í vímuvörnum og gætu þannig betur sinnt því mikilvæga hlutverki sínu. Forvarnarstefna félagsins verður innan skamms aðgengileg hér á vef félagsins. Stjórn yngriflokkaráðs lagði fram stefnu félagsins á málefnum yngri flokka en hún er undir tenglinum Krakkablak.
Í skýrslum formanns og gjaldkera fyrir síðasta ár kom fram, að fjárhagsstaða félagsins sé allgóð, og að rekstrarniðurstaða ársins hafi verið jákvæð. Skýrsla formanns er í heild sinni hér fyrir neðan.
Jón Páll Hreinsson formaður HSV stýrði aðalfundinum af röggsemi og festu, og eru honum hér færðar bestu þakkir fyrir.
NánarForeldrar blak-krakka undir 14 ára aldri, er sérstaklega bent á að þeir eru fulltrúar barna sinna á slíkum fundum.
Allir félagar eru hvattir til að mæta á fundinn og hafa áhrif á starf félagsins.
Stjórnin
Í yngri flokkum kepptu 14 lið sem fengu nöfn jólasveinanna og Grýlu. Liðin komu frá Þingeyri, Suðureyri og Ísafirði. Skemmst er frá því að segja að krakkarnir stóðu sig frábærlega.
NánarHurðaskellur - jólamót Skells í blaki verður haldið laugardaginn 4. desember. Frá kl. 9:30-12:30 verður keppt í krakkablaki, en keppni hjá fullorðnum hefst kl.11:30. Mótið verður að vanda á léttu nótunum og með jólalegu ívafi.
Í yngri flokkunum keppa 15 lið frá Þingeyri, Suðureyri og Ísafirði.
Mótsgjald er kr. 1000 á barn, og er boðið upp á smá nasl eftir mótið einnig fá allir krakkarnir sem taka þátt glaðning í mótslok :)