Fréttir - Blak

Krakkablakið í jólafrí

Blak | 08.12.2010 Núna er síðasta vikan fyrir jólafrí í krakkablakinu á Ísafirði.
Síðustu æfingar fyrir jól verða föstudaginn 10. desember . Æfingar byrja svo aftur eftir jólafrí mánudaginn 10.janúar.

Á Suðureyri var síðasti tíminn fyrir jólafrí í dag og æfingar hefjast svo aftur mánudaginn 10.janúar
Nánar

Velheppnað jólamót

Blak | 08.12.2010 Jólamót Skells í blaki, Hurðarskellur, var haldið síðasta laugardag. Um morguninn spiluðu yngri flokkarnir og fullorðnir eftir hádegi, alls tóku um 80 blakarar þátt í mótinu.

Í yngri flokkum kepptu 14 lið sem fengu nöfn jólasveinanna og Grýlu. Liðin komu frá Þingeyri, Suðureyri og Ísafirði. Skemmst er frá því að segja að krakkarnir stóðu sig frábærlega.

Nánar

Hurðaskellur 2010

Blak | 02.12.2010

Hurðaskellur - jólamót Skells í blaki verður haldið laugardaginn 4. desember. Frá kl. 9:30-12:30 verður keppt í krakkablaki, en keppni hjá fullorðnum hefst kl.11:30. Mótið verður að vanda á léttu nótunum og með jólalegu ívafi.


Í yngri flokkunum keppa 15 lið frá Þingeyri, Suðureyri og Ísafirði. 
Mótsgjald er kr. 1000 á barn, og er boðið upp á smá nasl eftir mótið einnig fá allir krakkarnir sem taka þátt glaðning í mótslok :)

Nánar

Kökubasar á föstudaginn 3. desember í Neista, fyrir framan Samkaup

Blak | 01.12.2010 Yngri flokkar Skells munu halda kökubasar í Neista föstudaginn 3.desember kl.15:00.
Basarinn er fjáröflun fyrir seinni hluta Íslandsmótins í blaki sem haldið verður í vetur.
Nánari upplýsingar fyrir foreldra er að finna á krakkablakssíðunni undir tilkynningar.
Nánar

Hurðaskellur - Árlegt jólamót Skells

Blak | 23.11.2010 Hurðaskellur - árlegt jólamót Skells í blaki verður haldið laugardaginn 4. desember n.k.. Frá kl. 9:30-12:30 verður keppt í krakkablaki, en síðan taka fullorðnir við. Mótið verður að vanda á léttu nótunum og með jólalegu ívafi.

Í yngri flokkunum keppa lið frá Ísafirði, Suðureyri og Þingeyri.
Mótsgjald er kr. 1000 á barn, og er boðið upp á smá nasl eftir mótið einnig fá allir krakkarnir sem taka þátt glaðning í mótslok :)

Í fullorðinsflokki verður dregið í lið og er öllum sem eitthvað hafa komið nálægt blaki frjálst að skrá sig, hvort sem þeir hafa æft blak með Skelli eða ekki. Skráningarfrestur rennur út fimmtudaginn 25. nóvember, og skráning er á netfangið dolla@snerpa.is
Mótsgjald er kr. 1000 og er boðið upp á hressingu milli leikja.

Frekari upplýsingar um mótið, leikjaplan o.fl. verða settar inn á heimasíðuna fljótlega.

Nánar

Stórir og smáir sigrar á Íslandsmóti

Blak | 11.11.2010

24 krakka hópur fór frá Skelli á fyrri hluta Íslandsmótsins sem haldið var á Akureyri helgina 6.-7. nóvember. Farið var með rútu og víst var leiðin norður löng en bíómyndir styttu ferðina. Hópurinn gisti í skólastofum í Brekkuskóla og klukkan 8 á laugardagsmorgni byrjuðu fyrstu leikir. Í stuttu máli sagt stóðu krakkarnir sig frábærlega á mótinu öll sem eitt. Öll liðin 6 unnu einhverja leiki og eitt þeirra er í öðru sæti í sinni deild eftir mótið og annað í þriðja sæti. Hér að neðan verður farið stuttlega yfir hvert lið, en úrslit leikja og stöðu í deildum má sjá á síðunni www.krakkablak.bli.is.

Nánar

Myndir frá 3.deildar mótinu komnar inn á myndasíðuna

Blak | 07.11.2010 Myndir frá mótinu um síðustu helgi hafa verið settar inn á myndasíðuna. Myndir þessar voru teknar af Þorgerði Karlsdóttur og Halldóri Sveinbjörnssyni, og viljum við sérstaklega þakka honum fyrir að kíkja á mótið og taka þessar fínu myndir og eins fyrir afnotin af myndunum.

Nánar

Sex lið frá Skelli á leið á Íslandsmót yngri flokka

Blak | 03.11.2010

Skellur fer með sex lið á Íslandsmót yngri flokka á Akureyri um næstu helgi.

Farið verður með rútu á föstudaginn og hafa allar upplýsingar um ferðina og liðin verið settar inn á krakkablaksíðuna undir tilkynningar: http://hsv.is/skellur/krakkablak/tilkynningar/

 

Hægt verður að fylgjast með mótinu á heimasíðu krakkablaksins www.krakkablak.bli.is

 

Nánar

Frábær árangur hjá Skelli

Blak | 31.10.2010

Nú er Íslandsmótinu í 3.deild kvenna lokið. Óhætt er að segja að árangur Skells hafi farið fram úr björtustu vonum því þær unnu alla leikina sína í mótinu án þess að tapa hrinu. Þetta er hreint út sagt frábær árangur. Liðið verður því áfram í 3.deildinni ásamt sex öðrum liðum en sjö lið féllu niður í 4.deild eftir þetta mót.
Nú er bara að halda áfram að æfa vel því nú verða enn sterkari lið í næsta 3.deildarmóti sem fer fram á Álftanesi 18.-20. febrúar n.k.

Nánar

þrír sigrar á fyrri degi

Blak | 30.10.2010 Nú er lokið fyrri leikdegi í Íslandsmótinu í 3.deild kvenna og hefur allt gengið vel. Öll lið að einu undanskyldu mættu til leiks. Skellur spilaði tvo leiki á móti UMFG og Álftanesi B og unnu þá báða. Liðið átti síðan að spila við Fylki C en það lið til mætti ekki til leiks og fékk Skellur því dæmdan sigur í þeim leik 2-0.
Skellur spilar svo sinn fyrsta leik af þremur á morgun kl.9.
Skellur þakkar góðan stuðning í dag og óskar eftir enn meiri stuðningi á morgun. Nánar