Jamie, nú styttist í fyrsta 3.deildarmót vetrarins hjá kvennaliðinu, er hópurinn svipaður nú og í fyrra ?
Þetta tímabil höfum við í Skelli á að skipa mörgum öflugum leikmönnum. Það hafa bæst við tveir leikmenn sem koma erlendis frá og eru hér í Meistaranámi við Háskólasetur Vestfjarða. Fjölbreytni liðsins er orðin meiri og nú höfum við auka uppspilara. Þetta gefur meiri möguleika og virkar sem hvatning fyrir leikmenn því það er meiri samkeppni um stöður í liðinu.
Liðið einbeitti sér að grunnatriðunum fyrsta mánuðinn. Ég trúi því að án réttrar undirstöðu sé hætta á að leikmenn verði kærulausir og seinir. Nú þegar við höfum góðan skilning á grunninum þá höfum við undanfarið unnið að því að fínpússa og fullkomna önnur atriði leiksins. Ég hef einnig lagt áherslu á þrekið. Við spilum jú í fáum mótum á hverju ári, en spilum sex til átta leiki á aðeins tveimur dögum þannig að form leikmanna skiptir miklu máli fyrir velgengni liðsins.
NánarNú fer að líða að Íslandsmótinu á Akureyri. Ákveðið hefur verið að fara með rútu, en það reyndist ódýrasti og eini raunhæfi kosturinn.
Helstu upplýsingar um ferðina hafa verið settar inn á krakkablaksíðuna undir tilkynningar: http://hsv.is/skellur/krakkablak/tilkynningar/
Sannkölluð blakveisla verður í Íþróttahúsinu á Torfnesi um næstu helgi en þá verður keppt í fyrstu umferð 3.deildar kvenna á Íslandsmótinu í blaki og munu um eitt hundrað konur ásamt þjálfurum mæta á svæðið.
Fjórtán lið taka þátt í 3.deildinni í vetur og er deildinni jafnframt skipt í tvo riðla. Hvert lið spilar sex leiki og hefst keppni kl.9 á laugardagsmorgni og verður spilað til um kl.17, á sunnudeginum hefst svo keppni kl.8 og verður spilað til kl.14.
Dómgæsla í mótinu er að mestu leyti í höndum félagsmanna sem tóku þátt í dómaranámskeiði síðasta haust.
Áhorfendur eru hvattir til að mæta og hvetja sitt heimalið en aðgangur er ókeypis. Yngri flokkar félagsins munu sjá um veitingasölu báða dagana og mun allur ágóði af henni renna í ferðasjóð þeirra en fyrri umferð Íslandsmót yngri flokka BLÍ fer einmitt fram á Akureyri um þar næstu helgi.
Við munum síðan þegar líður á vikuna heyra í þjálfaranum um liðið og mótið framundan og jafnframt setja inn tímasetningar leikja hjá Skelli.
NánarHvað ertu gömul og hvaðan ertu ? Hefurðu búið þar alla ævi ?
Ég er 25 ára og ólst upp í Campell River á Vancouver eyju í V-Kanada en síðustu ár hef ég búið í Vancouver.
Afhverju ákvaðstu að koma til Ísafjarðar ?
Ég kom til Ísafjarðar því ég vildi fara í nám svipað og námið í Haf og strandsvæðastjórnun og mér fannst að Ísland væri áhugaverður og öðruvísi staður til að stunda slíkt nám.
Nánar
Hvað ertu gömul og hvaðan ertu ? Hefurðu búið þar alla ævi ?
Ég er rétt að verða 25 ára og frá Sioux Lookout, Onatario í Kanada. Ég er fædd þar og uppalin og hef að mestu dvalið þar alla ævi. Ég fór þó annað í háskóla og hef ferðast mikið en ég tel Sioux Lookout enn vera heimili mitt.
Afhverju ákvaðstu að koma til Ísafjarðar ?
Ég kom til að stunda mastersnám við Háskólasetur Vestfjarða í Haf- og strandsvæðastjórnun.
Okkur hjá félaginu fannst kominn tími til að kynna þjálfarann okkar hana Jamie fyrir ykkur og fréttaritarinn tók á dögunum viðtal við hana, á næstunni munum við einnig birta viðtöl við tvo nýja erlenda leikmenn sem byrjuðu hjá okkur í haust.
En nú er það aðalþjálfarinn hún Jamie Landry
Hvað ertu gömul og hvaðan ertu ? Hefurðu búið þar alla ævi ?
Ég er 23 ára og frá Gilford, New Hampshire í Bandaríkjunum. Ég er fædd í Kaliforníu en hef búið mest alla ævi í New Hampshire. Ég fór í háskóla í Rochester í New York og bjó þar í fjögur ár.
Æfingar í krakkablakinu hafa nú að mestu leyti verið færðar yfir í litla íþróttahúsið við Austurveg. Undantekningin er æfing hjá 5. flokki kl. 15-16 á mánudögum í Torfnesi. Vinsamlegast kíkið á æfingatöfluna og látið okkur vita strax ef það eru árekstrar. Skoða má töfluna með því að smella hér
4., 5. og 6. bekkur verður saman á mánudagsæfingunum í Torfnesi. Á hinni æfingunni verður hópnum skipt þannig að þeir sem eru búnir að æfa lengi eru sér og þeir sem hafa æft styttra eru sér undir heitinu 5.-6. flokkur. Jamie þjálfari mun skipta hópnum upp.
Á þriðjudaginn 12. október kl. 18 verður haldinn foreldrafundur vegna ferðarinnar á Íslandsmótið á Akureyri helgina 5.-7. nóvember. Öll börn sem eru í 4.-8. bekk og hafa verið dugleg að æfa í vetur eru velkomin með. Á fundinum verður farið yfir ferðamáta, fjáraflanir o.fl.
Þá er komið að því að litla íþróttahúsið við Austurveg er tilbúið til notkunar. Flestar krakkablakæfingarnar verða þar í vetur. Í dag föstudaginn 7. október verða æfingar sem hér segir í litla húsinu:
7. flokkur (1. og 2. bekkur) 13:00
5. flokkur (4.-6. bekkur) 13:50
4. flokkur (7.-8. bekkur) 14:40
Æfingataflan mun breytast lítillega frá því sem lagt var upp með í haust og verður ný tafla sett á vefinn um helgina.
NánarSíðasta laugardag var æfingamót í blaki á Suðureyri, Tálknfirðingar eða HFF, Héraðsambandið Hrafnaflóki kom í heimsókn.
Karlaliðin spiluðu þrjá leiki og kvennaliðin spiluðu tvo leiki, að auki spilaði kvennalið Skells eina hrinu við karlalið HFF.
Dagurinn var vel heppnaður og var boðið upp á kaffi og vöfflur með rjóma í lok dags.
Það voru ekki einungis leikmenn sem æfðu sig í blaki þennan dag heldur fengu dómarar félagsins tækifæri til að æfa sig í að dæma og nokkrir félagsmenn lærðu að rita alvöru leikskýrslu. Það styttist jú í fyrsta 3.deildarmótið sem verður haldið af félaginu á Ísafirði og var gott að geta nýtt þetta tækifæri til æfinga í dómgæslu og umsjón leikja fyrir mótið.