Fréttir - Knattspyrna

Sigur í kvöld

Knattspyrna | 27.03.2010

BÍ/Bolungarvík heldur sigurgöngu sinni áfram í Lengjubikarnum eftir 4-2 sigur gegn KV. Okkar menn mættu grimmir til leiks og náðu forystu snemma leiks með marki Alfreðs. Næst var það Andri sem skoraði. Á síðustu andartökum fyrri hálfleiks bætti svo Pétur Geir þriðja markinu við.  Staðan var vænleg fyrir okkar menn í hálfleik 3-0.

Nánar

Sigur í kvöld

Knattspyrna | 26.03.2010 Bí/Bolungarvík heldur sigurgöngu sinni áfram í Lengjubikarnum eftir 4-2 sigur gegn KV.
Okkar menn mættu grimmir til leiks og náðu forystu snemma leiks með marki Alfreðs. Næst var það Andri sem skoraði. Á síðustu andartökum fyrri hálfleiks bætti svo Pétur Geir þriðja markinu við.  Staðan var vænleg fyrir okkar menn í hálfleik
 3-0.
Í byrjun seinni hálfleiks breyttu KV stöðunni í 3-1.  Pétur Geir jók svo muninn á ný í þrjú mörk, staðan orðin 4-1 fyrir BÍ/Bolungarvík.  Þegar langt var liðið á seinni hálfleik skoruðu KV annað mark sitt. Síðustu mínútur voru algjörlega í okkar höndum og við hefðum getað aukið muninn enn frekar. 
Byrjunarlið Bí/Bolungarvík í kvöld var þannig skipað:
                                                                   Róbert
              
                                        Hafþór          Guðni        Sigurgeir         Gunnlaugur

                                       Andri              Sigþór       Gunnar            Addi

                                                           Alfreð        Pétur Geir

Allir okkar varamenn komu við sögu í leiknum.
Guðmundur kom inn fyrir Alfreð.
Óttar kom inn fyrir Sigurgeir sem meiddist lítillega.
Þorgeir kom inn fyrir Adda.
Svo var það Hinrik Jónsson sem spilaði sinn fysta meistaraflokksleik en hann kom inn fyrir Hafþór.

KV 2 - 4 BÍ/Bolungarvík
0-1 Alfreð Elías Jóhannsson
0-2 Andri Rúnar Bjarnason
0-3 Pétur Geir Svavarsson
1-3 Einar Njálsson
1-4 Pétur Geir Svavarsson
2-4 Örn Arnaldsson



Nánar

Heimsókn FH-inga frestað

Knattspyrna | 25.03.2010 Heimsókn FH-inga til okkar hefur verið frestað þar sem leikmennirnir sem ætluðu að koma með með, þeir Matthías Vilhjálmsson og Atli Guðnason munu skila sér tilbaka úr landsliðsferð til Mexíkó á morgun og voru ekki nægilega vel upplagðir til að leggja í aðra ferð með svo stuttum fyrirvara.Við höfum fullan skilning á því, ferðalagið er langt og strákarnir stóðu sig með prýði auk þess sem þeir eru að heimsækja okkur af eigin sjálfsdáðum. Í staðinn er áætlað að þeir heimsæki okkur helgina eftir páska, þ.e. 9.-10. apríl. Við skulum þá taka þeim fagnandi og skulum við öll taka þá daga frá til fylgjast með starfinu í heimsókninn. Svo ætlum við auðvitað öll að mæta á fundinn með þeim félögum sem yrði þá föstudagskvöldið 9. apríl ef áætlanir standast. Nánar

Meistaraflokkur í Æfingaferð

Knattspyrna | 25.03.2010

Meistaraflokkur Bí/Bolungarvík heldur af stað til Reykjavíkur í dag þar sem við ætlum að vera fram að Páskum.
Byrjum á því spila á morgun föstudag í egilshöll við KV (knattspyrnufélag vesturbæjar)
en sá leikur er í Deildarbikar og hefst kl 21.
Svo eru æfingar á laugadag og sunnudag,Æfingaleikur á mánudagskvöld við ýmir kl 1930.
Æfingar á þriðjudag og miðvikudag svo er það Æfingaleikur á fimmtudagsmorgun
við augnablik kl 11
Æfingar og Æfingaleikir eru í Kórnum (kópavogi)

Nánar

Æfingaferð

Knattspyrna | 25.03.2010

Meistaraflokkur BÍ/Bolungarvík heldur af stað til Reykjavíkur í dag þar sem við ætlum að vera fram að Páskum.

Nánar

Æfingaferð

Knattspyrna | 25.03.2010

Meistaraflokkur BÍ/Bolungarvík heldur af stað til Reykjavíkur í dag þar sem við ætlum að vera fram að Páskum. 

Nánar

Dagskráin fyrir heimsókn FH komin

Knattspyrna | 24.03.2010 Krakkar í 3.-5. flokki eru boðnir á æfingar hjá Heimi Guðjónssyni, þjálfara meistaraflokks FH og Ingvari Jónssyni, yfirþjálfara yngri flokka FH. Dagskráin verður sem hér segir:

Föstudagur 26. mars:

Íþróttahúsið við Torfnes:
Kl. 16:00-16:50 æfing 3. flokkur stelpna
Kl. 16:50-17:40 æfing 4. flokkur stráka
Kl. 17:40-18:30 æfing 3. flokkur stráka


Kl. 20:00 Opinn fundur með FH-ingum og áhugamönnum um knattspyrnu, iðkendum, foreldrum og þjálfurum. Fyrirspurnir til FH-inganna. Allir velkomnir. Molakaffi fyrir mannskapinn.

 

Laugardagur 27. mars:

 

Íþróttahúsið við Torfnes:
Kl. 11:00-11:50 æfing 4. og 5. flokkur stelpna
Kl. 11:50-13:00 æfing 5. flokkur stráka
Hlé
Kl. 14:00-14:45 æfing 3. flokkur stelpna
Kl. 14:45-15:30 æfing 3. flokkur stráka

 

Við hvetjum alla, foreldra og áhugamenn um knattspyrnu, að mæta á fundinn enda mun umræðuefnið vera uppbyggingarstefna FH, hvað þeir vita og við getum notað og svo auðvitað hvað við vitum og þeir geta notað.

Það er tilvalið fyrir foreldra að fara á árshátíðarsýningu grunnskólans á fimmtudag eða föstudagsmorgun til að geta komist á fundinn á föstudagskvöldið.

Stjórn BÍ88 er afar ánægð með komu FH-inga hingað vestur, stóru liðin hafa ekki sýnt okkur litlu liðunum mikinn áhuga hingað til, nema þegar um efnilega leikmenn er að ræða. Nú vilja þeir hins vegar gefa meira af sér til okkar og erum við eitt þriggja félaga sem FH ætlar að eiga samstarf við á landsbyggðinni. Hin félögin eru Höttur á Hornafirði og Völsungur á Húsavík. Við eigum von á góðu með samstarfi við FH, enda eru þeir búnir að sanna sig sem margfaldir meistarar fyrir fullt og fast í efstu deild íslensku knattspyrnunnar.

Nánar

Flottur sigur í Fysta Deildarbikarleik

Knattspyrna | 23.03.2010 Hvöt 2-4 BÍ/Bolungarvík                                                                                                                  
0-1 Guðni Páll Viktorsson
1-1 Jón Kári Ívarsson (víti)
2-1 Jón Kári Ívarsson (víti)
2-2 Pétur Geir Svavarsson
2-3 Andri Bjarnason (víti)
2-4 Andri Bjarnason (Víti) 

Hvöt og Bí/Bolungarvík mættust í Akraneshöllinni 12 mars,
 B-deild Lengjubikarsins

Guðni Páll Viktorsson kom okkur yfir í leiknum eftir hornspyrnu en Jón Kári Ívarsson sem var valinn efnilegasti leikmaður 2. deildar á síðustu leiktíð er hann var með Hamri svaraði svo og kom Hvöt yfir með tveimur mörkum úr vítaspyrnum.

Pétur Geir Svavarsson jafnaði þá metin fyrir okkur svo var það  Andri Bjarnason sem tryggði okkur sigurinn með tveimur mörkum úr vítaspyrnum.

Eftir þetta fékk Hvöt reyndar sína þriðju vítaspyrnu en í þetta skiptið sá Róbert Örn Óskarsson markvörður við honum og varði. Lokastaðan því 2-4.
 
Þetta var Góður sigur hjá strákunum og vonum að þetta sé það sem koma skal ;)


Byrjunarlið BÍ/Bolungarvík í þessum leik var:
                                                                Róbert 
       
                             Hafþór            Guðni páll        Sigurgeir           Guðlaugur

                             Addi               Emil                  Gunnar             Andri

                                                  Pétur geir          Goran

Goran Vujic  meiddist illa á hné í leiknum á 38 min og inná fyrir hann kom Guðmundur, 
Sigþór Kom inn fyrir Guðna páll á 46 min,
Matthías fyrir Adda á 71 min,
Þorgeir Jónsson spilaði sinn fysta Meistaraflokksleik er hann kom ínná fyrir Andra.





Nánar

BÍ88 fær góða heimsókn!

Knattspyrna | 23.03.2010 Nokkrir forráðamanna Íslandsmeistaraliðs FH ætla að heimsækja okkur á föstudaginn og laugardaginn nk. (26. og 27. mars). Þetta eru Jón Rúnar Halldórsson formaður knattspyrnudeildar FH, Heimir Guðjónsson þjálfari Íslandsmeistara FH í karlaflokki, Guðlaugur Baldursson yfirþjálfari yngri flokka FH og leikmennirnir Atli Guðnason og Matthías Vilhjálmsson, Ísfirðingurinn knái. Munu þeir stjórna æfingum hjá 3.-5. flokki stráka og stelpna á föstudag og laugardag og halda auk þess fund fyrir knattspyrnuáhugamenn á Vestfjörðum á föstudagskvöldið kl. 20:00 í íþróttahúsinu við Torfnes. Þar mun fólk geta spurt þá spjörunum úr um uppbyggingarstefnu FH og áherslur þeirra yfirhöfuð í knattspyrnumálum. Þess utan er auðvitað hægt að spjalla við þá um allt sem viðkemur fótbolta.
Allir eru velkomnir og við hvetjum alla til að mæta en æfingaplanið verður auglýst sérstaklega þegar nær dregur. Nánar

Emil Pálsson er íþróttamaður Ísafjarðarbæjar 2009!

Knattspyrna | 18.02.2010 Okkar maður, Emil Pálsson, leikmaður 2. flokks og meistaraflokks BÍ88 var valinn íþróttamaður Ísafjarðarbæjar fyrir árið 2009. Skyldi engan undra. Þrátt fyrir ungan aldur er Emil kominn í fremstu röð ísfirskra knattspyrnumanna. Haustið 2008 var hann enn og aftur valinn í U-16 ára landslið Íslands og var byrjunarliðsmaður hjá meistaraflokki BÍ88 um vorið 2009. Hann lék flesta leiki meistaraflokks síðasta sumar, einungis 15 ára gamall. Síðasta sumar hlotnaðist honum sá heiður að vera valinn í lið Íslands í landsliði 17 ára og yngri og spilaði með því á Norðurlandamótinu í ágúst. Þar var hann fastamaður í byrjunarliði Íslenska liðsins og skoraði tvö mörk í þremur leikjum. Þá var hann valinn í lið Íslands sem keppti í undankeppni Evrópumóts U-17-landsliða í september síðasta árs. Hlaut hann mikið lof þjálfara sinna fyrir frammistöðuna í báðum keppnum. Í haust var hann svo aftur valinn í U-17 ára landslið Íslands og hefur stundað æfingar með því í vetur við góðan orðstír enda hefur ekkert breyst: hann er enn í hópi okkar efnilegustu knattspyrnumanna um þessar mundir.
Þessi árangur verður ekki til upp úr þurru. Emil hefur alla tíð lagt gríðarlega vinnu í æfingar og gefur sig allan í leiki. Hann æfir allt að sex sinnum í viku auk helgaræfinga með landsliði U-17 sem eru á þriggja vikna fresti. Hann hefur því verið sjálfum sér, aðstandendum og félagi til sóma innan sem utan vallar og er óvéfengjanlega sá leikmaður sem yngri knattspyrnumenn á Vestfjörðum líta hvað mest upp til. Sást það best í knattspyrnuskóla BÍ88 í sumar, en þá ætlaði allt um koll að keyra þegar hann leiðbeindi krökkunum eina dagsstund og vakti síst minni athygli hjá krökkunum en heimsókn annarra, þekktra knattspyrnumanna.
Stjórn BÍ88 óskar Emil innilega til hamingju með árangurinn.
Nánar