Yfirlýsing frá stjórn KFÍ

Yfirlýsing frá stjórn KFÍ.

Háspenna á Jakanum þar sem Snæfell nældi sér í stigin tvö

Hlynur var flottur í leiknum

Flottur strákurinn

1 af 3

Fyrirfram var talað um að þessi leikur yrði svon labb í skrúðgarðinum fyrir topplið Snæfells enda með gríðarlega sterkt lið sem er verskuldað í efsta hluta deildarinnar, en það skiptir engu máli þegar KFÍ á í hlut, því þeir spila yfirleitt best þegar mótlætið er sem mest.

Leikurinn var stórskemmtilegur og bauð upp á mikla dramatík og spennu þar sem bæði lið sýndu frábær tilþrif. Leikurinn hófst með látum og eftir mikla baráttu voru það strákarnir okkar sem leiddu 26-21 eftir fyrsta leikhluta.

Annar leikhluti var eign Snæfells sem keyrði af öllu afli á vörn KFÍ með þá Sigga Þorvalds og Nonna Mæju spennta fyrir vegninum og uppskáru Snæfellingar verskuldaða forustu og sneru leiknum sér í hag og þegar gengið var til hálfleiks var staðan 43-51 fyrir gestina.

Ástandið batnaði ekki mikið í þeim þriðja og gestir okkar spiluðu mjög vel og náðu 65-79 forskoti á okkar pilta þegar haldið var í síðasta leikhluta og skeifa farin að sjást á nokkrum andlitum.

En þá mættu strákarnir á Jakanum með látum og nú hófst leikurinn af alvöru. og eins og að hendi væri veifað var staðan komin úr 65-79 í 82-82 og allt var opið fyrir sleðaferðir á Jakanum. Og nú hófst brjáluð barátta sem varð þannig að liðin skiptust á að skora og jafnt var á öllum tölum þar til staðan var 91-91 og KFÍ með boltann með 10 sekúndur eftir á klukkunni. Damier tekur stjórnina og á alveg magnað skot utan þriggjastiga línunnar sem setur KFÍ yfir 94-91og 1.3 sekúndur eftir af leiknum. Snæfellingar taka leikhlé og ráða ráðum sínum. Þeir fá boltann við hliðarlínuna á okkar vallarhelming og henda boltanum í átt að Jay Treatt en Tyron nær að fálma í boltann þannig að Jay þurfti að athafna sig á tíma sem ekki var hægt án þess að klukkan rynni út, en málið er að leiklukkan fór ekki í gang á réttum tíma og þar af leiðandi átti að endurtaka innkastið. En dómarar leiksins voru á öðru máli og dæmdu körfuna gilda og því framlengt.

Í stuttu máli reyndist hæð og reynsla Snæfellsdrengjanna meiri í framlengingunni meiri og fór svo að lokum að þeir sigruðu leikinn. Lokatölur 106-110.

Áhorfendur á Jakanum og þeir fjölmörgu sem horfðu á leikinn í gegn um KFÍ-TV fengu aldeilis rosalega skemmtun og er þetta einn af bestu leikjum KFÍ í vetur. Allir voru að standa sig vel og erum við hreyknir af baráttu liðsins sem varði fram á síðustu sekúndu og þeir gáfust aldrei upp.

Damier var að venju frábær, en ekki þar langt á eftir voru þeir Hlynur, Tyrone, Mirko, Kristján Pétur og Jón Hrafn. Óskar Kristjáns var hent í djúpu laugina í gær þegar hann kom inn á eftir að Jón Hrafn og Kristján Pétur voru komnir á bekkinn með 5 vinnur og stóð sig frábærlega.

Hjá Snæfell var Sigurður Þorvaldsson fremstur meðal jafningja og besti maður vallarins að okkar mati, en Jay, Nonni, Pálmi og Ryan voru þéttir.

Enn á ný eru dómarar leiksins umtalsefni og með réttu. Þeir misstu tökin á þessum leik og voru dómar þeirra í engu jafnvægi við leikinn. Þetta sást á báðum endum vallarins og það sem einum leyfðist ekki, var leyft hjá öðrum. Það komu því miður upp of mörg atvik þar sem alls ekki var rétt dæmt og er það miður. Það geta allir átt slæman dag, en þessir slæmu dagar eru einfaldlega orðnir of margir í vetur.

Stig KFÍ.

Damier 38 stig, 4 fráköst, 10 stosendingar, 1 stolinn og einn varinn.

Mirko 25 sig, 12 fráköst.

Kristján Pétur 17 stig (5/8 í þristum), 4 fráköst og tveir stolnir.

Tyrone 15 stig, 11 fráköst og 3 stolnir.

Hlynur 11 stig, 4 fráköst og 2 stolnir.

Jón Hrafn 4 fráköst og 4 stoðsendingar.

Tölfræði leiksins

Áfram KFÍ

Afsakið hlé

Enn og aftur tökum við okkur ritleyfi á að skria um leik daginn eftir. Það á aldrei að skrifa um leiki þegar reiði hefur völd og skal það ekki gert núna. Við óskum Snæfellingum til hamingju með leikinn og gefið Sigga Þorvalds stórt knús því hann var maðurinn í dag!

Stórleikir laugardag og sunnudag á Jakanum

Tilbúin á Jakann!!

Á laugardag koma Stjörnumenn í heimsókn og spila gegn KFÍ-B sem er skipar frábærum strákum og verður gaman að sjá hvort þeir leggi gestina á klaka. Síðasti leikur B-liðs KFÍ var mjög spennandi gegn KR þar sem vestrbæjargengið tók leikinn á síðustu mínútunum. Okkar piltar ætla sér ekki að leyfa þannig stuld í þetta sinn og hafa þegar boðið að fyrstu 700 áhorfendunurnir fái frítt á leikinn, en takmarkað sætapláss er þó þannig að fyrstur kemur, fyrstur fær!! Leikurinn hefst kl.14.00.

Það verður svo annar stórleikur á sunnudag þegar Snæfell sem situr í öðru sæti deildarinnar kemur í heimsókn. Þeir eru komnir með Ryan Amaroso til baka sem spilaði frábærlega með þeim um árið, en hann kom fyrir Asim McQueen og eru það ekki slæm skipti fyrir þá að mati kfi.is.

Okkar strákar eru að verða mun betri en fyrir áramót og ætla sér að sýna allar sínar bestu hliðar hér heima. Leikurinn hefst kl.19.15 og verður byrjað á Muurikka pönnunni með "Ísborgarana" kl.18.30 og er ekki slæm hugmynd að skella sér með fjölskylduna og smella borgara í sig.

Fyrir þá sem búa utan svæðis verður KFÍ-TV að sjálfsögðu í beinni og er hlekkurinn HÉR

Við hvetjum alla að koma á Jakann og öskra okkar menn til dáða.

Áfram KFÍ

Tap í hörkuleik gegn Keflavík

D átti enn einn stórleikinn

Það var hörkurimma í slátúrhúsinu í kvöld, en því miður voru dómarar leiksins í einu af aðalhlutverkum og flæðið sem við höfum svo þráð í vetur og við sáum í síðasta leik varð að flóði og voru Jón Hrafn og Mirko sem átti stórleik settir á bekkinn. Mirko spilaði aðeins rúmar sextán mínútur í leiknum. Lokatölur 111-102.

Við byrjuðum leikinn fjörlega og náðum góðri forustu, en nokkrir óverðskuldaðir dómar settu okkur í vandræði. Eftir þriggja mínútna leik var staðan 11-0 fyrir okkur og við í góðum málum, en Keflvíkingar hafa góða menn innan sinna raða og náðu janft og þétt að komast inn í leikinn og staðan eftir fyrsta leikhluta 24-29.

Annar leikhluti var tær eign heimamanna og sýndu þeir sláturverðtíð á köflum tóku okkur í bólinu að vísu með Mirko á bekknum og staðan í hálfleik var staðan 55-43 og ekki leit þetta vel út.

Það var hins vegar allt annað KFÍ lið sem mætti í seinni hálfleik og byrjuðum við að spila okkar bolta. Með Mirko inná gekk þetta vel og þótt við hefðum orðið átján stigum undir þá komum við til baka og komum leiknum niður í átta stig. Staðan þegar farið var í lokaleikhlutann var 85-70.

Við sýndum það í fjórða leikhlutanum að þetta eru strákar sem berjast og þrátt fyrir að missa bæði Jón Hrafn og Mirko út komu okkar drengir til leiks með blóð á tönnum og tókum við þann fjórða 32-26 og unnum því seinni hálfleik með tveim stigum sem er ekki slæmt á þessum bæ.

Damier var frábær að venju. Ty átti einn sinn besta leik og er alltaf að verða betri. Mirko var frábær á meðan hann fékk að spila. Kristján Pétur vaknaði heldur betur í seinni hálfleik og spilaði sem miðherji á köflum. Jón Hrafn sýndi mátt sinn og sparkaði menn áfram. Hlynur var mjög góður. Og síðast en ekki síst komu Leó og Stebbi inn með góða baráttu. Þetta er að fæðast hjá okkur og menn að slípast betur með hverjum leik.

Það var engin uppgjöf hjá okkur í kvöld og enginn tilbúinn að láta strauja yfir sig og þrátt fyrir að fá á okkur 27 villur og fá hrynur a stigum gegn okkur þá héldum við haus og göngum (keyrum) hnarreistir heim á leið og gerum okkur klára í leikinn gegn Snæfell hér heima á sunnudag.

Stig og Fráköst:

Damier 37 stig, 7 fráköst og 8 stoðsendingar og 5 stolnir. (Maður leiksins)

Ty 22 stig, 6 fráköst, 2 varin og 2 stolnir. (FIMM troðslur)

Kristján Pétur 15 stig, 15 fráköst og 2 stolnir.

Mirko 11 stig, 9 fráköst, 1 varinn og 1 stolinn ("fékk" að spila í 16.36 mín)

Hlynur 8 stig.

Jón Hrafn 7 stig, 8 fráköst og 5 stoðsendingar.

Leó 2 stig, 1 stolinn.

Stebbi kom inn og spilaði flotta vörn og stal 1 bolta!

Áfram KFÍ !!!

8.flokkur drengja spilaði þrjá leiki um s.l. helgi

Flottir strákar með KPA þjálfara

8.flokkur drengja tók þátt í fjölliðamóti um s.l. helgi og var hún haldin í Reykjavík. Þeir stóðu sig vel strákarnir þrátt fyrir að tapa öllum þremur leikjum sínum er merkjanlegur stígandi í leik þeirra og með því að halda bvel á spilunum er mikil framtíð í þessum strákum. 

KFÍ-Afturelding 23-31

Stig KFÍ.

Pétur 8

Haukur 7

 Lazar 6

Tryggvi 2

KFÍ-Ármann 21-41

Lazar 10

Pétur 4

Bensi 2

Tryggvi 2

Haukur 2

Rúnar 1

KFÍ-Breiðablik 24-31

Lazar 10

Haukur 8

Rúnar 4

Pétur 2

Strákarnir voru til fyrirmyndar í ferðinni og skiluðu sínu vel. Við viljum einnig þakka fararstjórum okkar þeim Gumma og Ernu kærlega fyrir frábæra ferð, en farið var í bíó og að borða með hópinn sem vakti mikla lukku.

Áfram KFÍ

Æfingar fyrir 6-8 ára hefjast á morgun hjá KFÍ

Leó byrjaði ungur

KFÍ hefur ákveðið að vera með æfingar fyrir 6-8 ára (1 og 2 bekk) og verða æfingarnar í íþróttahúsinu við Austurveg kl.16-16.45 og verða æfingarnar á miðvikudögum. Við viljum hvetja alla að mæta og hafa gaman. Er þetta undirbúningur fyrir mót vetrarins fyrir þennan aldurshóp, en þar er stærsta mótið Nettómótið í Reykjanesbæ þar sem 1200 krakkar af öllu landinu koma saman og leika sér í körfu og þar snýst allt um skemmtanagildið og allir eru sigurvegarar. Í fyrra voru 189 lið sem kepptu þar og vorum við þar á meðal.

Þjálfari verður Gaui Þorsteinsson og gefur hann allar nánari upplýsingar í síma 896-5111.

Áfram KFÍ

Stúlknaflokkur í A-riðil eftir sigur um helgina

Þessar unnu fyrir sínu í dag

Haukar með frábært lið

Breiðablik efnilegar

Fljölnir með ungt og efnilegt lið

1 af 4

Sameinað lið KFÍ/Tindastóls og Harðar frá Patreksfirði sigraði alla sína leiki um helgina sem haldið var hér á Ísafirði og í Bolungarvík og fara þær upp í A-riðil.

Stelpur frá Fjölni, Haukum og Breiðablik ásamt okkar stúlkum tóku þátt í fjölliðamóti sem haldið var hér heima um helgina og tókst vel til með alla framkvæmd mótsins þökk sé frábæru fólki í stjórn unglingaráðs, stjórnar KFÍ og félagsmönnum okkar. Allt gekk eins og í sögu og er óhætt að skrifa hér að KFÍ ætti að fá fleiri fjölliðamót hérna heima, því nægt er plássið og mannauður með.

Fréttir af yngri flokkum

Jamm og jæja

Það er nóg að gerast hjá yngri flokkum KFÍ. Hér heima eru stelpurnar í stúlknaflokk á fullu ásamt félögum sínum frá Sauðárkrók að keppa gegn Breiðablik, Haukum og Fjölni. Þær hafa unnið báða leikina gegn Breiðablik og Fjölni og keppa gegn Haukum í fyrramálið. Við söknum stelpnana frá Patreksfirði en þær eru með okkur ásamt stelpunum frá Sauðárkrók í sameinuðu liði, og verða með í næsta fjölliðamóti. Haukar tóku báða leiki sína í dag gegn Breiðablik og Fjölni. Breiðablik og Fjölnir eiga síðan leik á morgun.

8.flokkur stúlkna eru með félögum sínum frá Herði Patreksfirði í sameinuðu liði í Stykkishólmi í góðu yfirlæti og eru búnar með þrjá leiki af fimm. Þær unnu Þór/Hamar. Töpuðu gegn Kormák eftir framalengdan leik og svo gegn Tindastól. Þær eiga eftir Snæfell og KR á morgun.

8.flokkur drengja keppti tvo leiki í Reykjavík og töpuðu þeim naumt.

11.flokkur á síðan tvo leiki á morgun í Borgarnesi.

Þéttur pakki kemur inn um þessa leiki alla saman á morgun.

Áfram krakkar!

Frábær sigur gegn flottu liði Tindastóls

Ty var flottur í völd

Það er óhætt að skrifa hér að fólk hafi fengið góða skemmtun á Jakanum í kvöld. Bæði lið voru að spila frábæran bolta, en í þetta sinn voru drengirnir okkar aðeins sterkari þegar á þurfti að halda og fóru með sigur af hólmi. Lokatölur 92-85.

Strax frá byrjun var ljóst að bæði lið ætluðu sér að sigra enda var þessi leikur fjögurra stiga leikur. Fyrri leikur liðanna fór 86-83 fyrir okkur á Sauðárkrók og bæði þessi lið þurftu nauðsynla að sigra leikinn. Og það var eins og við manninn mælt. Nýji leikmaður Stólanna byrjaði feykilega sterkt og kom gestunum á bragðið og komust þeir vel gang en enginn þó betri en Þröstur Leó sem fór að hitta ógurlega. En í okkar liði eru líka frambærilegar skyttur og fór Kristján Pétur fyrir þeim og elti Þröst. Eftir fyrsta leikhluta var allt í járnum og var staðan eftir hann 22-23.

Áfram hélt fjörið í þeim næsta og náðu okkar drengir smá forskoti, en Stólarnir voru aldrei langt undan og ef litið var af þeim augnablik gengu þeir á lagið og voru komnir upp að okkur á svipstundu. Þegar gengið var til búningasklefa var staðan 41-41 og víst var að seinni hálfleikur yrði mikið stríð.

En svo kom flottur kafli hjá Ísdrengjunum og staðan eftir sex mínútur var 60-49 og leikurinn nokkuð okkur í hag. Góð vörn var að skapa þetta fyrir okkur og staðan að lokum þeim þriðja var 66-58 og við með tökin.

Stólarnir komu ákveðnir til leiks í þeim fjórða og voru allt í einu búnir að koma leiknum í fjögur stig 70-66 og farið að trekkaj suma í sætum sínum, en þá kom Damier með góð átta stig og staðan  kominn í 77-68. Gestirnir komu til baka og náðu leiknum í fimm stig 83-78, en við áttum leikinn eftir það og silgdum mjög mikilvægum leik í höfn. Lokastaðan 92-85 og fögnuðurinn mikill hjá leikmönnum sem og fjölmörgum áhorfendum sem mættu á Jakann og eru strákarnir búnir að sigra í þremur af fjórum fyrstu leikjum eftir áramót sem er snilld og við tökum það með auðmýkt.

Þetta var erfiður leikur að dæma og fyrir utan örfá mistök voru dómararnir þeir Kristinn Óskarsson, Rögnvaldur Hreiðarsson og Davíð Tómas flottir og héldu vel utan um leikinn.

KFÍ:

Damier setti 33 stig, 8 fráköst, 5 stoðir og 2 stolnir.

Kristján Pétur 20 stig, 5 fráköst (6/11 í þristum).

Tyrone 19 stig, 6 fráköst og 2 varin skot.

Mirko 17 stig, 15 fráköst, 3 stoðir. Maður leiksins.

Hynur 3 stig, 2 stoðsendingar.

Jón Hrafn 3 fráköst og 2 stolnir.

Sam 2 fráköst, 2 stolnir.

Tindastóll:

Þröstur Leó 25 stig, 4 fráköst *Maður leiksins hjá Stólunum.

Roburt Sallie 24 stig, 13 fráköst og 4 stolnir.

Robert Valintine 12 stig, 13 fráköst, 1 varinn.

Helgi Rafn 10 stig, 5 fráköst.

Svavar 5 stig, 3 fráköst.

Sigtryggur 3 stig, 2 stoðir.

Pétur Rúnar 2 stig, 2 fráköst, 2 stoðir.

Helgi Freyr 3 stig, 2 fráköst.