Sund | 07.05.2010
Sæl Öll
Nú styttist í ÍRB-mót og er þátttakan mjög góð. Vestri hefur farið á
þetta mót nú í nokkur ár, það er afar vel skipulagt og hefur iðulega
verið góð stemning í þessum ferðum, þannig að það er til mikils að
hlakka.
Foreldrafundur fyrir ferðina verður á mánudaginn kl 1900 í Skólagötunni.
Við óskum eftir fararstjórum í ferðina, en enginn hefur boðið sig fram
ennþá. Miðað við fjölda barna sem hafa skráð sig þá þurfum við 3.
fararstjóra í ferðina. Ef hins vegar við náum ekki að lokka til okkar
fararstjóra í tæka tíð gætum við þurft að blása ferðina af. En vonandi
rætist úr málunum.
Nokkrir eiga ennþá eftir að greiða staðfestingargjaldið sem er 5000kr og
bið ég ykkur um að leggja það sem fyrst inn á:
reikningsnúmer:
0556-26-282
kennitala:
430392-2399
KV
Stjórn Vestra
Nánar
Sund | 02.05.2010
Nú fer að styttast í ÍRB-mótið sem verður í Keflavík helgina 14.-16.
maí.
Vestri hefur farið undanfarin ár á þetta mót og hefur það tekist einkar
vel.
Skipulagningin á mótinu og í kringum mótið hefur verið til fyrirmyndar.
Við höfum gist í skóla við hliðina á lauginni ásamt öðrum liðum og hefur
ÍRB-fólk eldað ofaní mannskapinn.
Þetta er heilmikil reynsla fyrir krakkana að taka þátt í móti sem þessu,
en eldri krakkarnir keppa í 50m laug en þau yngri í 25m laug.
Nokkuð mörg lið senda þátttakendur á mótið.
Þar sem skráningarfrestur á mótið rennur út þann 6. maí biðjum við alla
þá sem hafa hug á að fara á mótið að
láta vita um þátttöku í allra
allra síðasta lagi 5. maí. Þann 6. maí þurfa allar skráningar að
vera á hreinu og greiða þarf félagið að ganga frá skráningagreiðslum til
ÍRB, því biðjum við foreldra að taka tillit til þess.
Í ferðina vantar fararstjóra og geta áhugasamir haft samband við Siggu
Sigþórs eða Benna.
Farið verður með rútu á föstudagsmorgun og komið heim aftur á
sunnudagskvöld.
Nánari upplýsingar koma á næstu dögum en við bendum á heimasíðu ÍRB
http://keflavik.is/Sund/spmot2010/
Þar má finna ýmsar upplýsingar varðandi mótið.
Nánar
Sund | 02.05.2010
Þann 4. maí næstkomandi ætlum við að hafa dósasöfnun.
Við munun byrja kl 1900 í Eimskipshúsinu.
Við vonum að flestir sjái sér fært um að mæta og geri þannig verkið
léttara fyrir alla.
Einnig minnum við á að nú fer að styttast í ÍRB-mótið, en það er 14.-16.
maí.
Sjá auglýsingu hér að neðan
Sjáumst á þriðjudaginn kl 1900 í dósasöfnun.
KV
Stjórn Vestra
Nánar
Sund | 28.04.2010
Stjórn, þjálfarar og allir iðkenndur Vestra óska Þuríði, Jóni Páli og fjölskyldu innilega til hamingju með stúlkubarnið sem fæddist í morgun. Án efa er þarna á ferð framtíðarsunddrottning.
Nánar
Sund | 27.04.2010
Sæl öll.
Grindavíkurferðin gekk mjög vel þrátt fyrir mikið álag á krakkana.
Stefnan var að aðeins eldri krakkarnir syntu á nóttunni en vegna þess
hve margireldri sundmenn duttu út á síðustu dögunum fyrir ferðina hjá
öllum liðum. Þannig að þá voru mun færri krakkar en lagt var upp með.
Sjötíu og fimm sundmenn tóku þátt í maraþonsundinu en planið gerði
ráð fyrir því að um 120-130 krakkar tækju þátt.
En krakkarnir stóðu sig mjög vel og ekkert kom uppá sem heitir.
Æfingarnar hjá yngri krökkunum voru létta tækniæfingar og
þau réðu öll vel við þær.
Stefnan er svo sú að endurtaka leikinn á næsta ári,
en með því fyrirkomulagi þó að mun meiri hvíld verði á milli
æfinga svo krakkarnir fái að njóta sín meira utan sundlaugar.
Ég vona að krökkunum hafi þótt gaman, það var allaveganna ekki annað að sjá.
kv, Benni
Nánar
Sund | 25.04.2010
Núna kl 2215 var hópurinn í Súðavík, reikna má með að þau verði hér á Ísafirði eftir um 20 mínútur á Samkaupsplaninu.
Nánar
Sund | 25.04.2010
Rétt í þessu var rútan að koma í Hestfjörðinn.
Ég mun setja inn skilaboð hér þegar þau koma í Súðavík, þannig að..... fylgist með.
Nánar
Sund | 25.04.2010
Sæl öll
Klukkan rúmlega 18 voru krakkarnir í Gilsfirðinum, það má því reikna með að þau verði hér um kl 22.
Ég set inn nánari fréttir eftir því sem þær berast.
Allt hefur gengið vel hjá hópnum sem endaði ferðina á því að fara í Bláa Lónið nú í hádeginu.
Eitthvað hefur borið á þreytu meðal krakkana og hefur því verið send beiðni til skólans um frí í fyrstu tveimur tímunum í fyrramálið fyrir þá sem vilja nýta sér það.
Nánar
Sund | 21.04.2010
Sæl öll
Föstudaginn 23. apríl munu allar æfingar falla niður hjá Vestra.
Þetta er vegna ýmissa ástæðna m.a. er félagið að fara í æfingabúðir með
stórann hóp af krökkum og þar á meðal allir þjálfarar félagsins.
Einnig er þetta skólafrídagur og margir eru fjarverandi vegna Andrésar
andar leikanna.
Það er því okkar mat að fella niður allar æfingar þennan dag.
Við vonum að þetta komi sér ekki illa fyrir neinn.
Um leið óskum við öllum gleðilegs sumars og þökkum fyrir góðan
sund-vetur.
KV
Þjálfarar og stjórn Vestra
Nánar