Sigur gegn Sandgerðingum

Knattspyrna | 11.07.2010 BÍ/Bolungarvík - Reynir
Lau. 10. júlí kl.15:00
Torfnesvöllur, Ísafirði
Íslandsmót 2. Deild

BÍ/Bolungarvík tók á móti Reyni frá Sandgerði í tíundu umferð 2. Deildar á Torfnesvelli síðastliðinn laugardag. Veðuraðstæður voru eins og best verður á kosið, glampandi sól með örlitlum vindi. Liðið hafði sigrað seinsta leik á móti Víði Garði en þar áður tapað illa fyrir Völsungi heima. Reynir hefur hinsvegar valdið vonbrigðum í sumar því liðínu var spáð mjög góðu gengi. Þeir voru í 8. sæti fyrir leikinn og þurftu nauðsynlega á sigri til að sogast ekki niður í fallbaráttuna. Nánar

Góður árangur á smábæjaleikum

Knattspyrna | 08.07.2010 Fjögur lið frá BÍ88 lögðu land undir fót og tóku þátt í Smábæjaleikum á Blönduósi á dögunum. 6. flokkur drengja var með tvö lið og 7. flokkur stráka og stelpna var sömuleiðis með tvö lið. Keppt var á laugardegi og sunnudegi og fengu allir nægan fótbolta þessa helgina, svo mikið er víst. Liðin spiluðu 6-7 leiki hvert og voru því margir þreyttir að kvöldi.
Liði 1 í 6. flokki gekk best, þeir spiluðu Spánarbolta af krafti og enduðu í úrslitaleiknum. Hann endaði 2-2 og í stað þess að spila til þrautar var hlutkesti varpað. Skemmst er frá því að segja að okkar menn "töpuðu" leiknum í því hlutkesti.
Liði 2 gekk ekki alveg eins vel en þeir unnu helming leikja sinna og töpuðu hinum helmingnum. Var á brattann að sækja fyrir þau og að lokum enduðu þau um miðjan hóp eða í 9. sæti. Þau stóðu sig með prýði og létu mótlætið ekki slá sig út af laginu enda töffarar af bestu gerð.
Lið 1 í 7. flokki hóf leik á tapi en þau tóku sig svo til og unnu rest. Enduðu þau í leik um 3. sæti og unnu hann af harðfylgi, frábærlega gert! Þar voru stelpur og strákar saman á víglínunni og stóðu sig með prýði enda einbeitingin gífurleg. Einhver kvartaði m.a.s. undan því að foreldrar hans væru bara að trufla hann með öllum þessum hvatningarhrópum.
Lið 2 stóð sig líka frábærlega en töpuðu tveimur leikjum naumlega og enduðu í 7. sæti. Það þarf því ekki mikið til að detta hratt niður töfluna í svo fjölmennu móti. Krakkarnir voru hins vegar ánægð með árangurinn - og allan fótboltann! Það var mjög gaman að sjá hve liðið var oft að spila vel sín á milli og stundum gersamlega yfirspiluðu þau andstæðinga sína. Það er ekki algengt hjá svo ungum iðkendum.
Þess ber að geta að félagið raðar ekki niður í lið eftir styrkleika heldur er reynt að hafa liðin sem jöfnust. Við erum heldur ekki að leika til sigurs, heldur förum við fyrst og fremst til að vera með. Það var nokkuð bersýnilegt að hefðum við stillt upp okkar sterkustu liðum, hefðum við unnið nokkuð auðveldlega en veikari liðin okkar hefðu getað tapað illilega á sama tíma. Slíkt viljum við ekki og höldum því þeirri hefð í heiðri að stilla upp jöfnum liðum. Það hefur gefist ágætlega og allir fá að skemmta sér í fótbolta á jafnréttisgrundvelli.
 Við óskum krökkunum til hamingju með ferðina og skemmtunina, við foreldrarnir á hliðarlínunni skemmtum okkur ekkert minna en þau. Nánar

Sigur á Víði í Garðinum

Knattspyrna | 05.07.2010 BÍ/Bolungarvík unnu í gær Víði í Garðinum, 1-2. Okkar menn höfðu tapað síðustu þrem leikjum, einn í bikar og tveir í deild. Víðismenn komust yfir í leiknum en mörk frá Dalibor Nedic og Andra tryggðu okkur sigurinn. Markið hans Andra var einkar glæsilegt, aukaspyrna af 30 metra færi sem hafnaði í slánni og inn í uppbótartíma.Samkvæmt heimildarmönnum þá var BÍ/Bol mun betri aðilinn í leiknum og áttu sigurinn skilið. Næsti leikur er heimaleikur gegn Reyni Sandgerði næstkomandi laugardag. Umfjöllun um leikinn og viðtöl við leikmenn má finna á fotbolti.net

Frétt um sigurinn

Viðtal við Andra

Viðtal við Alfreð Nánar

0-3 tap gegn Völsungi

Knattspyrna | 05.07.2010 BÍ/Bolungarvík tók á móti Völsungi frá Húsavík á þriðjudaginn síðastliðinn. Völsungur sigraði óvænt 0-3 en sigurinn verður að teljast verðskuldaður þar sem heimamenn léku ekki nógu vel í leiknum. Nánari umfjöllun má finna hér á fotbolti.net Nánar

Höttur - BÍ/Bolungarvík

Knattspyrna | 27.06.2010

BÍ/Bolungarvík mættu Hetti frá Egilsstöðum á Vilhjálmsvelli síðastliðinn laugardag. Ekki var búist við miklu af Hattarliðinu fyrir mót og var það ekki ofarlega þegar sérfræðingar spáðu í gengi liðanna. Liðið var hinsvegar í þriðja sæti fyrir þennan leik og voru á toppnum til að byrja með. Vestfirðingar voru í öðru sæti en höfðu tapað síðustu tveim leikjum. Á móti Aftureldingu í deild og Stjörnunni í bikar.

Liðið sigraði leikinn 0-1 með marki frá Andra rúmum tíu mínútum fyrir leikslok. Leikurinn var jafn og liðin skiptust á að hafa öll völd á vellinum. Það voru hinsvegar vestfirðingarnir sem skoruðu mark og tóku öll stigin með sér vestur. Samkvæmt umfjöllun á fotbolti.net hefði jafntefli verið sanngjörn úrslit. Umfjöllun um leikinn má lesa hér

Næsti leikur er strax á þriðjudaginn en þá kemur lið Völsungs í annað skiptið vestur í heimsókn. Leikurinn fer fram á Skeiðisvelli og hefst kl. 20:00.

Nánar

Tap í bikar

Knattspyrna | 23.06.2010 BÍ/Bolungarvík var rétt í þessu að tapa 0-2 í bikar fyrir Stjörnunni. Leikmenn og stjórn vilja þakka öllum þeim sem lögðu leið sína á leikinn og sáu flottan leik í kvöld. Strákarnir lögðu sig alla í leikinn, öfugt við síðasta leik í deild, og allt annað að sjá til liðsins. Það er varla hægt að fara fram á meira en að menn leggi sig alla fram.

Mjög góð umfjöllun er um leikinn sjálfan og viðtöl við leikmenn á fotbolti.net

Umfjöllun um leikinn

Bjarni Jóh. í viðtali eftir leikinn

Alfreð Elías í viðtali eftir leik

Sigurgeir Sveinn í viðtali eftir leik Nánar

Sólsteinar bjóða öllum í grillveislu:)

Knattspyrna | 22.06.2010

Brjánn Guðjónsson framkvæmdarstjóri Sólsteina ætlar að bjóða öllum áhorfendum sem mæta á leik BÍ/Bolungarvíkur og Stjörnunar í Visabikarnum á morgun í grillveislu. Grillað verður frá 18:00-19:00 og hvetjum við því áhorfendur til að mæta snemma á leikinn til að mynda góða stemmningu og þiggja veitingar frá Sólsteinum. Leikurinn sjálfur hefst kl. 19:15 og hvetjum við alla til að mæta á völlinn og styðja strákanna okkar til sigurs! Áfram BÍ/Bolungarvík

Stjórn Bí/Bolungarvíkur vill koma þökkum til Sólsteina fyrir framlagið og öllum þeim einstaklingum og fyrirtækjum sem hafa staðið þétt við bakið á okkur í sumar.

Nánar

1-3 tap og spenna fyrir bikarleik

Knattspyrna | 21.06.2010

BÍ/Bolungarvík tapaði á móti Aftureldingu frá Mosfellsbæ síðastliðinn laugardag á Skeiðisvelli. Mark heimamanna skoraði Andri Rúnar Bjarnason úr vítaspyrnu í seinni hálfleik.

Nánar

Sjö leikmenn skrifa undir nýjan samning

Knattspyrna | 21.06.2010

Sjö leikmenn BÍ/Bolungarvíkur hafa skrifað undir nýjan tveggja ára samning við félagið. Undirskriftin fór fram á veitingastaðnum Við Pollinn á föstudag en með undirskriftinni er verið að tryggja að strákarnir leiki áfram með félaginu. Þeir sem skrifuðu undir samning við BÍ/Bolungarvík á föstudag eru þeir Sigurgeir Sveinn Gíslason, Arnar Þór Samúelsson, Ásgeir Guðmundsson, Óttar Kristinn Bjarnason, Gunnar Már Elíassona, Pétur Geir Svavarsson og Goran Vujic. Einnig skrifuðu þeir Dalibor Nedic og Milan Krivokapic undir samning um að leika með liðinu fram að næstu áramótum. „Stefnan er klárlega að reyna halda öllum leikmannahópnum fyrir næsta timabil og fagna ég þessu mikið," segir Alfreð Elías Jóhannsson, þjálfari BÍ/Bolungarvíkur í samtali við bibol.is.

Nánar

BÍ/Bolungarvík - Afturelding

Knattspyrna | 18.06.2010

BÍ/Bolungarvík tekur á móti Aftureldingu frá Mosfellsbæ á morgun, laugardaginn 19. júní kl. 15:00 á Skeiðisvelli.

Nánar