HAMRABORGARMÓTIÐ

Á morgun, mánudag, fer fram hið árlega Hamraborgarmót yngri flokka Körfuknattleiksdeildar Vestra en það er innanfélagsboðsmót meistaraflokks karla fyrir krakka í 1.-6. bekk. Keppt er á Torfnesi. Yngstu tveir árgangarnir keppa milli 17-18 en eldri hefja leik um kl. 18 og spila fram undir 19:30. Þátttakendur fá rjúkandi heitar pizzur í boði Hamraborgar að keppni lokinni. Allir kátir krakkar eru í 1.-6. bekk eru hjartanlega velkomnir, hvort sem þeir æfa körfubolta eða ekki.

Risahelgi í körfunni

Nærri lætur að allur þessi myndarlegi hópur standi í ströngu næstu daga en fimm lið Vestra leika á Íslandsmóti um helgina. Myndin var tekin á litlu jólunum í körfunni í desember s.l.

Framundan er risastór helgi hjá yngri flokkum Körfuknattleiksdeildar Vestra en fimm lið keppa á Íslandsmótum um helgina, bæði heima og heiman. Samtals leika liðin 15 leiki og þar af fara fimm fram hér heima. Liðin eru stúlknaflokkur, drengjaflokkur, 8. flokkur stúlkna og minnibolti 11 ára - bæði stúlkur og drengir. Stuðningsfólk Vestra er eindregið hvatt til að kíkja á leiki helgarinnar og styðja þannig við krakkana okkar.

Vestri mætir Álftanesi á Torfnesi

Vestri mætir Álftanesi í 1. deild karla.

Loksins er komið að fyrsta heimaleik Vestra á nýju ári þegar Álftanes kemur í heimsókn og mætir Vestra í 1. deild karla í íþróttahúsinu á Torfnesi kl. 19:15, föstudaginn 24. janúar. Grillið verður orðið heitt upp úr 18:30 með ljúffengum Vestraborgurum að vanda.

Þrír heimaleikir í körfunni um helgina

Stúlknaflokkur og 10. flokkur stúlkna Kkd. Vestra 2019-2020 ásamt Nemanja Knezevic, þjálfara beggja liðanna.

Ef allt gengur upp verða þrír heimaleikir spilaðir í yngri flokkum Kkd. Vestra um helgina. Stúlknaflokkur byrjar og tekur á móti Breiðablik í íþróttahúsinu í Bolungarvík kl. 13 á morgun, laugardag. Síðar um daginn eða kl. 16 fer fram bikarleikur í 10. flokki stúlkna á Torfnesi þar sem Vestrastúlkur mæta stöllum sínum í Fjölni/KR. Þau lið hittast svo aftur á sunnudagsmorgun kl. 11 í deildarleik og fer hann fram í íþróttahúsinu á Þingeyri.

Síðasta viðureign helgarinnar átti að vera leikur drengjaflokks Vestra gegn Valsmönnum á sunnudagseftirmiðdag en honum hefur verið frestað vegna óhagstæðrar veðurspár og óvissu um ferðaveður fyrir gestina á sunnudagskvöld.

Toni Jelenkovic til liðs við Vestra

Toni Jelenkovic er gengin til liðs við Vestra.

Körfuknattleiksdeild Vestra hefur samið við bakvörðinn Toni Jelenkovic um að leika með liðinu það sem eftir er af tímabilinu.

Jólakarfa Vestra

Hin árlega jólakarfa Vestra verður á sínum stað að venju á aðfangadag. Löng hefð er fyrir því að körfuboltakappar mæti á aðfangadagsmorgun á Torfnes og hiti þannig upp fyrir jólahátíðina. Að þessu sinni er jólakarfan fyrir iðkendur frá 10. bekk og upp úr. Fjörið hefst klukkan 10:30 og stendur til kl. 11:45.

Stuð í Jólakörfu yngri flokka

Það var myndarlegur hópur sem mætti í Jólakörfu yngri flokkanna í gær og allir virtust skemmta sér hið besta.

Það var sannarlega jólastuð á Torfnesi í gærkvöld þegar yngri flokkar Körfuknattleiksdeildar Vestra blésu til Jólakörfu þar sem yngstu og elstu iðkendurnir skemmtu sér saman með þjálfurum yngri flokka. Settar voru upp allskyns stöðvar og svo var skipt í lið og spilað dágóða stund. Allir voru leystir út með mandarínum að sprellinu loknu.

Báráttusigur á Selfossi

Marko Dmitrovic var stigahæstur í liði Vestra.

Vestri tryggði sér fjórða sæti 1. deildarinnar með góðum sigri á á Selfossi í gær.

Bikarleikur gegn úrvalsdeildarliði Fjölnis

Meistaraflokkur Vestra mætir Fjölni í 16 liða úrslitum Geysisbikarsins. Ljósmynd: Ágúst Atlason.

Fimmtudaginn 5. desember mætir Vestri úrvalsdeildarliði Fjölnis í 16 liða úrslitum Geysisbikarsins í körfubolta. Nú þurfum við að fá alla stuðningsmenn í húsið til að hvetja strákana til sigurs. Leikurinn hefst kl. 19:15.

Þrjú frá Vestra í æfingahópum landsliða

Hilmir Hallgrímsson, Gréta Proppé Hjaltadóttir og Hugi Hallgrímsson taka þátt í æfingum með yngri landsliðum Íslands milli jóla og nýjárs.

Vestri á þrjá fulltrúa í æfingahópum yngri landsliða í körfubolta sem koma saman á milli jóla og nýjárs. Bræðurnir Hilmir og Hugi Hallgrímssynir eru í æfingahópi U18 drengja og Gréta Proppé Hjaltadóttir er í æfingahópi U16 stúlkna.