Aðalfundur Blakfélagsins Skells verður haldinn mánudaginn 15. mars nk.
Fundurinn verður haldinn í fundarsal Íþróttahússins á Torfnesi á annari hæð og hefst kl 20.00.
Dagskrá fundarins eru hefðbundin aðalfundarstörf, í stuttu máli;
Foreldrar blak-krakka undir 14 ára aldri, er sérstaklega bent á að þeir eru fulltrúar þeirra á slíkum fundum.
Þeir sem hafa áhuga á að kynna sér tillögur að lagabreytingum er bent á að snúa sér til stjórnarmanna.
Allir félagar eru hvattir til að mæta á fundinn og hafa áhrif á starf félagsins.
Stjórnin
Kvennalið Skells mun spila í 2. umferð þriðju deildar Íslandsmótsins um helgina. Mótið verður haldið á Hvolsvelli og nú er bara að vona að veðrið verði skaplegt. Skellur er í fjórða sæti af sex liðum í riðlinum eftir fyrstu umferðina eins og sést hér að neðan.
Riðill A Sæti Stig
Markmiðið er klárlega að hækka sig um sæti í riðlinum. Efstu tvö liðin komast í úrslit 3. deildar og það gæti orðið erfitt að ná því þótt ekki sé það útilokað.
Þriðju deildar mótin eru mjög skemmtileg - leikirnir allir spennandi og mikið fjör. Níu konur verða í Skellsliðinu, á aldrinum 23 til 52 ára - kynslóðabilið brúað!
NánarÁ dögunum fóru krakkablakþjálfarar Skells í fræðsluferð til Reykjavíkur. Félagið fékk styrk fyrir menntun yngriflokkaþjálfara sem nýttur var í þessa ferð. Tilgangurinn var að fylgjast með æfingum hjá öðrum félögum og fá góð ráð hjá reyndari þjálfurum.
Farið var á æfingar hjá krökkum frá sjötta og upp í þriðja flokk hjá HK og Stjörnunni. Við lærðum margar nýjar æfingar og einnig lærðum við ýmislegt sem tengist félagslegri og uppeldislegri hlið þjálfunar. Við fengum líka staðfestingu á því að við erum að vinna á svipaðan hátt og aðrir þjálfarar og að krakkarnir okkar eru virkilega duglegir. Við hittum síðan sérstaklega Ástu Sigrúnu Gylfadóttur, þjálfara hjá HK, sem ræddi við okkur um helstu atriði krakkablakþjálfunar og fór með okkur í gegnum nokkrar æfingar.
Við fórum sjálfar á æfingu hjá öldungaliði HK (við urðum að bæta upp æfingu sem við misstum af heima) og fylgdumst með æfingum hjá fleiri fullorðinsliðum.
Ferðin var virkilega gagnleg og það er að okkar mati mikilvægt fyrir alla þjálfara að vera duglegir að sækja námskeið eða mennta sig á annan hátt til að staðna ekki.
Krakkablakþjálfarar Skells:
Harpa, Kolbrún, Sólveig og Þorgerður
Síðasti tíminn fyrir jólafrí verður fimmtudaginn 17.des.
Síðan verður blaktími þriðjudaginn 29.des kl: 21.00 og æfingar hefjast svo á nýju ári, sunnudaginn 3.janúar.
Litlu jólin í blakinu verða fimmtud.17.des. Þá verður svokallað einstaklingsmót :)
Mæting er eigi síðar en kl.19.30
NánarÁ Ísafirði verður síðasti krakkablakstíminn fyrir jól, mánudaginn 14.desember.
Á Suðureyri verður síðasti tíminn fyrir jól, fimmtudaginn 10.desember
Í síðasta tíma fyrir jól mæta krakkarnir með jólasveinahúfur og þjálfararnir bjóða upp á hressingu og jólatónlist í bland við lauflétta og skemmtilega hreyfingu.
Æfingar hefjast svo af fullum krafti á nýju ári, í krakkablakinu á Ísafirði mánudaginn 4.janúar og á Suðureyri fimmtudaginn 7.janúar.
Í gær þriðjudaginn 8.desember eignaðist Harpa þjálfari 17 marka dreng, allt gekk vel og móður og barni heilsast vel. Við óskum þeim Hörpu og Gunnari hjartanlega til hamingju með prinsinn og að sjálfsögðu Birki og Kára líka innilega til hamingju með litla bróðir.
NánarHurðaskellur, jólamót félagsins, var haldið í íþróttahúsinu Torfnesi s.l. laugardaginn 28. Nóvember s.l.
Góð þátttaka var bæði í krakka og fullorðinsflokki og kepptu um 60 blakarar á mótinu.
Myndir frá mótinu eru komnar inn á myndasíðuna
Nánar