Fréttir - Körfubolti

Guðmundur Guðmundsson í æfingaúrvali U18

Körfubolti | 16.12.2009
Gummi hér í
Gummi hér í "action". Mynd. Halldór Sveinbjörnsson
Guðmundur Guðmundsson leikmaður 11.flokks hjá KFÍ hefur verið valinn í æfingaúrval U-18 landsliðs Íslands. Hann fer suður um helgina og verður fram á mánudag. Þetta er góð viðurkenning fyrir drenginn og einnig flott viðurkenning fyrir KFÍ og gaman að geta þess að hann er einungis 16 ára og á sér bjarta framtíð líkt og krakkarnir okkar hjá KFÍ. En hafa ber í huga að ekkert fæst gefins og þarf mikinn metnað og fórnfýsi til þess að ná langt :) Nánar

Æfingar hjá yngri flokkum um jólin

Körfubolti | 16.12.2009

Síðasta æfing hjá minnibolta yngri var í dag og verður næsta æfing hjá þeim mánudaginn 4. janúar 2010.

Æfingar hjá öðrum flokkum verða skv. stundartöflu nema hvað húsið verður lokað og engar æfingar eftirtalda daga.

24. - 27. desember

31. des - 3. janúar

Nánar

Gullmolar frá 1994

Körfubolti | 15.12.2009

KFÍ.is var að berast algjör gullmoli í formi myndbands frá 1994 þegar KFÍ bar sigurorð í úrslitakeppni 2.deildarinnar og tryggði sér sæti í 1.deildinni. Hægt er að skoða myndbandið með því að smella á "Meira".

Nánar

Sannfærandi sigur á Þór Þorlákshöfn

Körfubolti | 14.12.2009
1 af 7
Það var kaflaskiptur en skemmtilegur leikur sem boðið var upp á í Jakanum í gærkveldi.  Gestirnir frá Þorlákshöfn komu sterkir til leiks og börðust eins og ljón.  Það hefði engum átt að koma á óvart enda eru þeir þekktir fyrir baráttu og eru með mjög skemmtilegt lið.  KFÍ snéri leiknum á eftirminnilegan hátt í 3ja leikhluta og þar var grunnurinn að öruggum sigri lagður.  Eftir það var ekki við snúið. Nánar

KFÍ-Þór Þorlákshöfn á sunnudagskvöld.

Körfubolti | 10.12.2009
Matt er tilbúinn í leikinn
Matt er tilbúinn í leikinn
það verður spennandi leikur á sunnudagskvöld þegar Þór frá Þorlákshöfn kemur í heimsókn. Leikurinn er mjög mikilvægur fyrir bæði lið enda bæði í hörðum slag um toppsætið. Sem stendur er KFÍ á toppnum, en Þórsarar eru í fjórða sæti.
Innan raða Þórs eru góðir leikmenn, þeirra fremstir eru Grétar Ingi Erlendsson sem er þeirra stigahæstur, Baldur Þór Ragnarsson sem er með 14 stig og 6 stoðsendingar í leik svo eru þeir nýbúnir að fá Ara Gylfason frá Fsu og Magnús Pálsson frá Fjölni og eru þeir klárir í slaginn.
Það verður því gaman á sunnudagskvöld og hefst leikurinn kl. 19.15.

Það er von okkar á kfi.is að fólk fjölmenni á leikinn og styðji strákana okkar í KFÍ. Og þeir sem eru fjarri Jakanum geta séð leikinn í beinni að sjálfsögðu og alltaf á KFÍ-Tv  Nánar

Fjölskylduhjálp Ísafjarðarkirkju

Körfubolti | 08.12.2009
Sr. Magnús ásamt Ingólfi Þorleifssyni formanni KFÍ og þeim Kjartani, Huga, Benedikt, Hilmi og Þorleifi.
Sr. Magnús ásamt Ingólfi Þorleifssyni formanni KFÍ og þeim Kjartani, Huga, Benedikt, Hilmi og Þorleifi.
KFÍ stóð fyrir söfnun í samstarfi við Landsbankann á Ísafirði.  Söfnun var þegar heimaleikur KFÍ gegn Hetti þann 20. nóvember s.l. fór fram.  Stuðningsfólk KFÍ lagði frjáls framlög í sjóð, í stað inngangseyris á leikinn.  Gekk þetta ágætlega og var sérstaklega ánægjulegt þegar yngstu iðkendur félagsins, strákarnir úr minniboltanum afhentu sóknarprestinum Sr. Magnúsi Erlingssyni afraksturinn.  Þetta var svo sannarlega góð viðbót á aðventunni og verður gaman að fylgjast með afrekum þessara drengja á næstu árum.

KFÍ þakkar öllum sem lögði þessu átaki lið fyrir.  Nánar

Naumt tap gegn ÍR í bikarnum

Körfubolti | 06.12.2009
Uppkast
Uppkast
1 af 8

KFÍ féll úr leik eftir hörkuleik gegn ÍR í bikarnum 86-93.  KFÍ átti í fullu tréi við ÍR-ingana og með smá heppni hefðum við getað stolið sigrinum í restina en ÍR ingar nýttu sér reynslu sína og kláruðu leikinn.

Þetta var fínn leikur hjá KFÍ, sýndu úrvalsdeildarliðinu enga virðingu og að þeir gætu spilað við þá á jafnréttisgrundvelli.  Það var helst gríðarlega góð hittni ÍR-inga sem skildi að í byrjun en svo þegar vörn heimamanna batnaði þá minnkaði munurinn. 

Nánar

10. flokkur stúlkna - Góður sigur gegn Kormáki í bikarnum

Körfubolti | 05.12.2009
Uppkast
Uppkast
1 af 6

Stelpurnar í 10. flokki léku gegn Kormáki í bikarnum í dag og unnu góðan sigur 46-20. Leikurinn byrjaði rólega og voru stúlkurnar okkar full gestrisnar, voru ekki nógu grimmar í fráköstum og vörninni. Staðan eftir fyrsta fjórðung var 12-5 og svo 20-10 í hálfleik. KFÍ liðar fóru síðan að átta sig betur á hlutunum og leikur og grimmd batnaði eftir því sem leið á leikinn. Kormáksstelpur gáfu eftir enda orðnar þreyttar, búnar að keyra alla leiðina frá Hvammstanga.

Allir stóðu sig vel hjá KFÍ og allir fengu að spila. Flott spil og barátta sást á köflum og sýndu stelpurnar að þær geta þetta allt saman. Stelpurnar úr 8. flokki komu inn á og stóðu sig með prýði en stúlkurnar úr 10. flokki sáu nú samt um þetta.

Nánar

Stelpurnar í 10.flokk keppa við Umf.Kormák í bikarkeppni KKÍ.

Körfubolti | 03.12.2009
Sunna er í 10.flokk og er hér í búning þeirra bestu :) Mynd.bb.is
Sunna er í 10.flokk og er hér í búning þeirra bestu :) Mynd.bb.is
Á laugardaginn n.k. 5.desember koma stelpurnar frá Kormák í heimsókn og etja kappi við stelpurnar úr 10.flokk í bikarkeppni KKÍ og hefst leikurinn kl.15.00. Stúlkurnar frá Kormák koma frá Hvammstanga og nágrenni. Við á kfi.is hvetjum alla að taka sér frí frá amstri daglegs lífs og hvetja okkar stúlkur til dáða.

Áfram KFÍ. Nánar

KFÍ-ÍR keppa í 16 liða keppni Subway-bikarsins á sunnudagskvöld

Körfubolti | 03.12.2009
Subway er málið
Subway er málið
Sunnudagskvöldið 6. desember tekur meistaraflokkur KFÍ á móti ÍR í Subway-bikarnum og hefst leikruinn kl.19.15. Þessi tvö lið mættust í Valsmótinu í haust og þá fór KFÍ með sigur af hólmi 57-56 í æsispennandi leik. Það er alveg öruggt að ÍR kemur hingað til þess að hefna ófaranna og eru þeir með mjög skemmtilegt lið. Þar á meðal eru Nemanja Sovic sem er stigahæstur leikmanna þeirra, Hreggviður Magnússon, Steinar Arason, Gunnlaugur H. Elsuson og hinn síungi Eiríkur Önundarson. ÍR er sem stendur í 7.sæti Iceland Express deildarinnar

Margt verður til gamans gert á leiknum þ.á.m. verða skotleikir frá "Velkomin um borð" frá Flugfélag Íslands og einnig frá Bókahorninu á Ísafirði sem nýlega opnaði í versluninni Neista á Ísafirði. Það er því um að gera að koma á leikinn og horfa á góðan leik og eiga möguleika að ganga heim með góða vinninga að leik loknum.

Allir á völlinn !!!!!

Áfram KFÍ Nánar